Ægir - 01.04.2023, Blaðsíða 42

42
Til hamingju með daginn sjómenn!
Við óskum sjómönnum og fjölskyldum þeirra
innilega til hamingju með daginn.
sem skoðun gildir í eitt ár eru bátarnir
fyrir vikið klárir þegar ýtt er úr vör á
vorin til grásleppu- og handfæraveiða.
Ég held að mér sé óhætt að segja að heilt
yfir sýnir sig að ástandið er gott í t.d.
strandveiðiflotanum sem telur nokkur
hundruð báta og jafnvel þó að fyrir komi
að draga þurfi bát í land þá er það mjög
sjaldgæft ef horft er til fjölda bátanna,“
segir Stefán.
Stefnir í nýtt metár í skoðunum
á Norðurlandi
Gunnar A. Njáll Gunnarsson er skipa-
skoðunarmaður BSI á Íslandi með aðset-
ur á Akureyri en sjálfur býr hann á Dal-
vík. Hann fer vítt um Norðurland og
segir miklu skipta fyrir viðskiptavinina
að hafa aðgang að skoðunarþjónustunni
heima í héraði.
„Það var metár í skipaskoðunum hjá
mér í fyrra og nú þegar ljóst að fjöldinn
verður enn meiri í ár þannig að við-
skiptavinir kunna að meta hversu hratt
og örugglega þeir fá þessa þjónustu,“
segir Gunnar. Mesta álagið er jafnan á
vormánuðum þegar smábátaflotinn er
að undirbúa sumarið en haustmánuðirn-
ir eru líka að stækka.
„Ég hef verið í þessu starfi í fimm ár
og lang flestir viðskiptavina gæta þess
að hafa alla hluti í lagi. Því miður gildir
það ekki um alla, hvort sem um er að
kenna trassaskap eða hreinlega hugsun-
arleysi. En það fer líka yfirleitt saman að
þeir sem ekki eru með hlutina í góðu lagi
eru líka þeir sömu og ganga verst um
bátana. Umgengnin og ástand báts og
búnaðar fylgjast yfirleitt alltaf að. Og
það skemmtilega er að þeir sem maður
sér að ganga mjög vel um sína báta og
eru áhugasamir um að hlutirnir séu í
lagi taka því bara fagnandi ef ég finn
eitthvað atriði sem betur mætti fara.
Þetta á við um 98% bátaeigendanna
þannig að ástandið í heild er mjög gott.
Samskiptin við eigendur skipa og báta
eru líka mjög góð, enda ekki við okkur
að sakast þó á einhver atriði sé bent sem
þarf að laga. Það er hlutverk okkar skoð-
unarmanna og undantekningalaust góð-
ur skilningur á því,“ segir Gunnar og
svarar því aðspurður að það atriði sem
öðrum fremur sé fundið að sé frágangur
á svokallaðri fangalínu við losunarbúnað
björgunarbáta. „Svo eru það siglingaljós-
in og stundum stífleiki í botnlokum.“
Nýtt vinnuumhverfi
skoðunarmanna í notkun
Trébátar eru horfnir úr útgerð í dag en
hins vegar eru margir slíkir notaðir í
ferðaþjónustu, t.d. á Norðurlandi. Gunn-
ar segir miklar kröfur gerðar til báta
sem eru í slíkri notkun enda margir um
borð. „Á mínu svæði er mikið um trébáta
og þær skoðanir eru svolítið frábrugðnar
hefðbundnum skoðunum fiskibáta,“ segir
Gunnar.
Á dögunum var Skútan tekin í notkun
en það er nýtt tölvukerfi Samgöngustofu
og tilkoma þess breytti starfi skipaskoð-
unarmanna nokkuð. Nú færa þeir upp-
lýsingar jafnóðum inn í kerfið í gegnum
spjaldtölvu á skoðunarstað. „Þetta spar-
ar mikla pappírsvinnu hjá okkur en síð-
an hefur svokallaður skoðunarhringur
líka verið lengdur úr fjórum árum í
fimm. Með því er verið að færa taktinn
og fyrirkomulag skipaskoðana til sam-
ræmis við það sem tíðkast t.d. í Noregi,
sem við gjarnan berum okkur saman við
á þessu sviði. Eftir sem áður eru það
gæði skoðana sem eru í forgangi og aldr-
ei gefinn neinn afsláttur af öryggiskröf-
um. Það er kjarninn í því sem við erum
að gera,“ segir Gunnar.
 Gunnar A. Njáll Gunnarsson, skipaskoðunarmaður á Norðurlandi. „Lang flestir
okkar viðskiptavina gæta þess vel að hafa alla hluti í lagi,“ segir hann.
 Smábátaflotinn er stærsta verkefni skipaskoðunarmanna BSI á Íslandi ehf. en
skipaskoðanir fyrirtækisins nema hundruðum ár hvert.