Ægir - 01.04.2023, Blaðsíða 26

26
Á dögunum luku þeir Sigtryggur
Gíslason og Angantýr Arnar Árnason,
tveir af þekktustu togaraskipstjórum
landsins, löngum starfsferli í sjó-
mennskunni og í skipstjórn. Þeir tveir
hafa mörg undandarin ár verið skip-
stjórar á Kaldbak EA-1, ferskfisktog-
ara Útgerðarfélags Akureyringa hf.
Raunar hafa þeir félagar stýrt saman
þremur skipum í röð á síðustu 22 ár-
um; fyrst togaranum Björgvin EA-311
á Dalvík í 11 ár, síðan Kaldbak EA-301
(síðar EA-1) frá 2012 til 2017 og loks
Kaldbak EA-1 sem kom nýr til landsins
árið 2017. Báðir fóru þeir fyrst til sjós
á unglingsaldri en Sigtryggur hefur
verið skipstjóri í 36 ár og Angantýr
Arnar í 30 ár. Angantýr Arnar lét af
störfum þann 1. maí þegar nákvæm-
lega þrír áratugir voru liðnir síðan
hann varð fyrst skipstóri en Sig-
tryggur fór sinn síðasta túr á Kaldbak
nú um miðjan maí. Þeir segjast þakk-
látir fyrir giftusamlegan feril á sjó og
gott samstarf í röska tvo áratugi.
Einu sinni saman í túr
„Samstarf okkar hefur fyrst og fremst
verið geysilega farsælt en þess ber auð-
vitað að gæta að við höfum bara einu
sinni róið saman túr á sjó og það var
frystitúr á Björgvin í Barentshaf haustið
2009. Það var reyndar mjög erfiður túr,
bæði hvað varðar veiðarnar og veðrið,
en við komum nokkuð óskemmdir úr
honum,“ segja þeir félagar brosmildir
þegar sest er niður og spjallað í matsaln-
um um borð í Kaldbak stuttu áður en
Sigtryggur fór í sinn síðasta túr.
Sigtryggur segir að öll þessi ár hafi
þeim félögum tekist að leysa öll verkefni
sem snúa að skipstjórninni í góðri sam-
vinnu, hvort heldur um er að ræða veið-
arfæri, skipið sjálft, áhafnarmál eða
annað. „Þetta hefur gert að verkum að
þegar við erum í landi í fríi þá höfum við
engar áhyggjur því við vitum alltaf ná-
kvæmlega að hverju við göngum þegar
við förum um borð eftir frítúr. Þetta
skiptir miklu máli,“ segir hann.
Ólíkir menn að eðlisfari
Farsæl samvinna byggist á miklum sam-
skiptum og í skipstjórn sem öðru læra
menn inn á hvorn annan. Sigtryggur
segir að einkona hans hafi einhvern tím-
ann sagt að Sigtryggur tali meira við
Angantý Arnar en hana – svo náið sé
samband þeirra tveggja og Angantýr
Arnar bætir við að í svona ábyrðarmiklu
starfi sé ekki auðvelt að kúpla sig algjör-
lega frá verkefninu þó þeir séu í fríi í
landi.
„Hugurinn er einhvern veginn alltaf í
aðra röndina við næsta túr og einhverj-
ar hugmyndir eru að gerjast. En jú, við
höfum í gegnum árin mikið talað saman
en tilfellið er að við tveir erum alveg
gríðarlega ólíkir menn. Samt hefur aldrei
kastast í kekki milli okkar né nokkuð
komið upp sem hefur borið skugga á
samstarfið. Okkur hefur alltaf tekist að
leiða öll mál til farsællar niðurstöðu ef
eitthvað hefur komið upp sem við höfum
þurft að taka á saman. Það er gæfa og
mikils virði,“ segir Angantýr Arnar og
 Angantýr Arnar Árnason og Sigtryggur Gíslason hafa stundað sjóinn frá unglingsaldri og eru meðal reynslumestu togara-
skipstjóra landsins. Þau eru ófá tonnin sem þeir hafa skilað að landi á ferlinum.