Fréttir - Eyjafréttir - 02.02.2023, Blaðsíða 2
Útgefandi: Eyjasýn ehf. - kt. 480278-0549
Ægissgötu 2 - 900 Vestmannaeyjum.
Ritstjórn og ábyrgð: Ómar Garðarsson og Sindri
Ólafsson - omar@eyjafrettir.is - sindri@eyjafrettir.is.
Umbrot: Leturstofa Vestmannaeyjum ehf.
Ljósmyndir: Blaðamenn Eyjafrétta.
Prentun: Stafræna Prentsmiðjan ehf.
Sími: 481 1300
Netfang: frettir@eyjafrettir.is.
Auglýsingar: auglysingar@eyjafrettir.is
Veffang: www.eyjafrettir.is
EYJAFRÉTTIR er áskriftarblað.
Eftirprentun, hljóðritun, notkun ljósmynda og
annað er óheimilt nema heimilda sé getið.
Það voru sannarlega jákvæð
tíðindi sem bárust sjóðsfélögum
hjá Lífeyrissjóði Vestmannaeyja
í lok janúar. Þá bárust fréttir af
því að Fjármála- og efnahags-
ráðuneytið hefði staðfest sam-
þykktarbreytingar sem snerta
lífeyrisréttindi allra sjóðfélaga
Lífeyrissjóðs Vestmannaeyja.
Réttindi hækkuðu frá og með 1.
janúar 2023. Haukur Jónsson,
framkvæmdastjóri sjóðsins segir í
samtali við Eyjafréttir þetta mjög
ánægjuleg tíðindi fyrir sjóðinn.
„Það er mikið gleðiefni að góður
árangur skili sér til sjóðsfélaga
með þessum hætti. Það hefur
gengið vel hjá okkur síðustu ár.
Við vorum með bestu ávöxtun
allra sjóða árið 2021. Við erum
einnig með besta fimm ára
meðaltalið af öllum sjóðum og í
öðru sæti á lista yfir hæsta tíu ára
meðaltal.“ Réttindi hækka mis-
mikið eftir aldri, mest hjá þeim
sem elstir eru. Á sama tíma taka
gildi nýjar lífslíkutöflur sem gera
ráð fyrir að þeir sem yngri eru lifi
að jafnaði lengur en þeir sem eldri
eru og fái því greiddan ellilífeyri
í fleiri ár.
Hækkunin er umtalsverð en
greiðslur allra lífeyrisþega 67 ára
og eldri hækka um 10,3% auk
örorku- og makalífeyrisþega.
Það er ekki á hverjum degi sem
fréttir berast af hækkun réttinda
með þessum hætti en slíkt hefur
þó verið að gerast á síðustu árum.
Haukur segir þó að það sem sé
sérstakt við þessa aðgerð sjóðsins
er að Lífeyrissjóður Vestmanna-
eyja sé eini sjóðurinn sem sé
að ráðast í hækkanir sem aldrei
hafi skert réttindi. Haukur segir
viðbrögð sjóðsfélaga hafa verið
mjög jákvæð við þessum fréttum
og hvatning til þeirra sem að
sjóðnum standa.
Hækkun lífeyrisréttinda hjá
Lífeyrissjóði Vestmanneyja
Opnað hefur verið fyrir umsóknir
í Uppbyggingarsjóð Suðurlands,
vorúthlutun 2023. Sjóðurinn heyr-
ir undir SASS og er hlutverk hans
að veita styrki til atvinnuþróunar
og nýsköpunar og menningar á
Suðurlandi. Í flokki atvinnuþró-
unar og nýsköpunar er horft til
verkefna sem geta skapað atvinnu
eða aukið framleiðslu. „Þetta eru
verkefni sem eiga kost á stuðningi
ásamt nýsköpunarverkefnum sem
efla fjölbreytileika atvinnulífs. Í
flokki menningar er markmið að
verkefni efli menningarstarfsemi
og listsköpun á Suðurlandi,“ segir
á heimasíðu SASS.
„Ég hvet fólk í Vestmannaeyjum
til að skoða þennan möguleika.
Þið sem eruð með hugmyndir í
kollinum, endilega hafið samband
og við förum yfir möguleikana,“
segir Hörður Baldvinsson, fram-
kvæmdastjóri Þekkingarseturs
Vestmannaeyja og tengiliður við
sjóðinn. „Hingað hafa komið
styrkir í mjög fjölbreytt verkefni
og er sjávarútvegur ekki undan-
skilinn. Vestmannaeyingar eru í
eðli sínu frumkvöðlar og hefur
Uppbyggingarsjóðurinn verið
stökkpallur fyrir margan Eyja-
manninn til frekari sóknar.“
Undir þetta tekur Hallgrímur
Steinsson, framkvæmdastjóri
Löngu ehf. sem einbeitir sér að
þurrkuðum fiskafurðum og hefur
farið inn á nýjar brautir, t.d. með
styrk frá Uppbyggingarsjóðnum.
„Stuðningur SASS hefur verið
mjög mikilvægur við að skoða
ný tækifæri í sjávarútvegi hér í
Vestmannaeyjum á undanförnum
árum,“ segir Hallgrímur.
„Það eru ennþá mörg tækifæri til
uppbyggingar og nýsköpunar og
er oft mjög mikilvægt í upphafi
verkefna að fá stuðning til að
fylgja verkefnum úr hlaði. Við hjá
Löngu erum þakklát fyrir stuðn-
ing SASS sem við höfum fengið
gegnum tíðina í okkar verkefn-
um,“ bætir Hallgrímur við.
Hallgrímur er einn eigenda,
ILFS sem hyggur á landeldi á
laxi í Vestmanneyjum, alls 10.000
tonn á ári.
Opnað fyrir umsóknir í Uppbyggingarsjóð Suðurlands:
Stökkpallur fyrir margan
Eyjamanninn til frekari sóknar
Hallgrímur Steinsson, fram-
kvæmdastjóri Löngu ehf.
Hörður Baldvinsson, fram-
kvæmdastjóri Þekkingarseturs
Vestmannaeyja.
Haukur Jónsson, framkvæmdastjóri Lífeyrissjóðs Vestmannaeyja.