Fréttir - Eyjafréttir - 02.02.2023, Blaðsíða 7
2. febrúar 2023 | | 7
takast á við það saman, finna því
stað innan breytts raunveruleika,
leita skýringa og komast að niður-
stöðu um minningu og frásögn af
atburðinum.“
Katrín sagði Kófið hafa tekið
á og þar hafi seiglan skipt máli.
„Vestmannaeyjagosið er annað
dæmi um seiglu – seiglu þessa
samfélags hér og íslensks samfé-
lags í heild. Og ég held að seiglan
eigi rætur í því að við eigum sam-
eiginlega hugmynd um hvað gerir
okkur að samfélagi. Við vitum að
örlög okkar eru samtvinnuð – það
sem hendir einn skiptir okkur hin
máli. Það er gott samfélag sem
byggist á slíkri hugmynd. Og slíkt
samfélag á sér bjarta framtíð þó
að margt geti dunið á.“
Að lokum kom Katrín inn á sam-
hug norrænu þjóðanna í gosinu.
„Viðbrögð þeirra hafa löngum
síðan verið nefnd sem dæmi
um þau traustu bönd sem binda
hinar norrænu þjóðir saman.
Norrænir forsætisráðherrar munu
heimsækja okkur í sumar og þá
vonast ég til að veður leyfi okkur
að koma hingað og funda hér í
Vestmannaeyjum – á nágrenni
við náttúruöflin og finna þann
kraft sem hér býr,“ sagði Katrín
Jakobsdóttir, forsætisráðherra að
lokum.
Páll forseti bæjarstjórnar:
Réttar ákvarðanir og rökréttar
„Þegar ég horfi tilbaka rétta hálfa
öld og velti fyrir mér öllu því sem
hér gerðist – þegar ég var hér 18
ára peyi – staldra ég oft við þær
ákvarðanir sem hér voru teknar
af þeim sem réðu fyrir málum
hér í bænum. Og höfum í huga
að allar meiriháttar ákvarðanir
voru einmitt teknar hér í bæn-
um – en ekki á vettvangi ríkisins
eins og líklegast yrði raunin nú.
Þó geri ég ekki lítið úr þýðingu
þess að ríkisvaldið bar gæfu til
að styðja þær ákvarðanir sem hér
voru teknar og standa við bakið
á heimamönnum og þeirra vilja,“
sagði Páll Magnússon, forseti
bæjarstjórnar í ávarpi sínu.
„Og þegar maður grandskoðar
þessar ákvarðanir allar, smáar
og stórar, birtist strax ákveðið
mynstur; ákveðin lína í gegnum
allt þetta ferli sem aldrei var
kvikað frá – meðvitað eða ómeð-
vitað,“ sagði Páll og markmiðið
var eitt: „Að allt þetta fólk myndi
snúa til baka og endurreisa þenn-
an bæ.
Sú allra stærsta – og að margra
mati sú allra fáránlegasta – að
legga allt þetta fé og fyrirhöfn og
forgang í að kæla hraunkantinn til
að bjarga höfninni. Það tókst og
það bjargaði líklega bænum.“
Páll sagði eitt athyglisverðasta
dæmið um rétta ákvörðun hafi
verið hreinsun kirkjugarðsins
sumarið 1973. „Eftir á að hyggja
liggur skýringin í augum uppi: að
sjá leiði ættingja sinna, vina - for-
feðra og mæðra - rísa úr svörtum
vikrinum á bak við sáluhliðið
fræga sem við gengum í gegnum
hér áðan – Ég lifi og þér munuð
lifa – átti auðvitað að minna fólk
á upprunann – ræturnar – verða
partur af þeim kór sem kallaði
fólk heim,“ sagði Páll og vitnaði
að lokum í orð Egils Helgasonar
um viðbrögð landsmanna við
gosinu. - Ég hef áður sagt að þar
hafi íslenska lýðveldið átt sína
glæstustu stund sem einkennndist
af samheldni, samhug og samúð,“
sagði Páll sem nýtti tækifærið til
að kalla upp nafna sinn Zóph-
óníasson, bæjartæknifræðing í
gosinu sem er einn lifandi þeirra
sem stóðu í eldlínunni 1973. Fékk
Páll mikið og verðskuldað lófatak
gesta.
Fullur salur af fólki. Bekkurinn var þéttsetinn á efri hæðinni og fjöldi fylgdist
með á skjá á neðri hæðinni. Athöfnin var í beinni útsendingu í Kastljósi RÚV.
Tvær af stjörnum kvöldsins, Silja
Elsabet og Guðni forseti.
Katrín forsætisráðherra gerði seiglu
íslensku þjóðarinnar að umtalsefni í
ávarpi sínu.
H i l m i s g ö t u 4 | s . 4 8 1 - 3 3 3 3
P l a y s t a t i o n 5 D i g i t a l
8 8 . 9 9 5
S i e m e n s Þ u r r k a r i
k r. 1 3 3 . 9 0 0 k r. 1 6 9 . 9 0 0
T I L B O Ð S V E R Ð
S i e m e n s Þ v o t t a v é l
k r. 1 3 3 . 9 0 0 k r. 1 6 9 . 9 0 0
T I L B O Ð S V E R Ð