Fréttir - Eyjafréttir - 02.02.2023, Blaðsíða 8
8 | | 2. febrúar 2023
Það var gaman á þorrablóti sem
Vinnslustöðin hélt fyrrum starfs-
fólki sínu á fimmtudaginn síðasta.
Blótið var haldið í glæsilegri
starfsmannaaðstöðu félagsins þar
sem þorramatur að hætti Einsa
kalda var fram borinn.
Þetta er í fjórða skiptið sem þetta
er gert og voru gestir ánægðir að
fá þetta tækifæri til sýna sig og
sjá aðra. Rifja upp gömlu tímana
í Vinnslustöðinni, sem á sér langa
sögu og hefur á síðustu 30 árum
vaxið í að verða eitt af öflugustu
sjávarútvegsfyrirtækjum í landinu
og ein af aðalstoðum atvinnulífs í
Vestmannaeyjum.
Binni, Sigurgeir Brynjar Krist-
geirsson framkvæmdastjóri sagði
sérstakt tilefni til að fagna núna
því síðasta ár væri eitt það besta
í sögu félagsins, bæði í magni og
verðmæti afurða. Þá styttist í að
gengið verði frá kaupum Vinnslu-
stöðvarinnar á Ós útgerð sem á og
gerir út Þórunni Sveinsdóttur og
Leo Seafood sem eflir félagið enn
frekar.
Vatnið gjörnýtt
Ívar Atlason, svæðisstjóri vatns-
svið HS Veitna í Eyjum rakti sögu
vatns í Vestmannaeyjum í mjög
athyglisverðum fyrirlestri um vatn
og vatnsleysi fram til ársins 1968
þegar lögð var vatnsleiðsla frá
landi til Eyja. Merkileg saga og
hluti af sögu Vestmannaeyja sem
framan af liðu fyrir skort á vatni.
Ívar tók sem dæmi söguna af
vertíðarmanninum sem leigði hjá
fjögurra manna fjölskyldu. Þá
var farið í bað einu sinni í viku, á
laugardögum. Vatni var hellt í bala
og fékk gesturinn að vera fyrstur.
Næst kom húsbóndinn, svo börnin
og þar næst konan. Að því loknu
var þvottur lagður í bleyti, allt í
sama vatninu.
Friðbjörn Valtýsson sagði sögur
frá gostímanum 1973 og há-
punkturinn var slagsmál á Hótel
Loftleiðum þar sem Eyjafólk
sem bjó í starfsmannabúðum
í Straumsvík var mætt til að
skemmta sér. Þegar einn gesta
byrjaði að úthúða okkar fólki eftir
að hafa fengið neitun um dans
frá einni Eyjadömunni. Þá var
djöfullinn laus. Karlar og konur
slógust þar til lögreglan kom og
skakkaði leikinn.
Að loknu þorrablóti gengu
allir sáttir heim, ánægðir með
framtakið og að vera enn inni í
myndinni hjá Vinnslustöðinni að
starfi loknu.
Mundu mig og ég man þig
Sverrir, Binni, Þór og Kolla voru ánægð með þorrablótið. Óli, Óskar og Siggi eiga að baki áratugastarf í bræðslunni.
Halla, Kristín, Selma og Magnea skemmtu sér vel.