Fréttir - Eyjafréttir - 02.02.2023, Blaðsíða 12

12 | | 2. febrúar 2023
Hjónin Bragi Steingrímsson
og Sigríður Magnúsdóttir,
Sirrý, voru búin að koma sér
fyrir í nýrri og glæsilegri íbúð
í Hásteinsblokkinni þegar
gos hófst á Heimaey. Sirrý
og Bragi eiga þrjá drengi,
Magnús, Helga og Sigurð en í
janúar 1973 voru þau fjögur í
heimili, þau tvö, Magnús sjö
ára og Helgi eins árs. Sirrý og
Bragi tóku á móti blaðamanni
á heimili sínu að Brekkugötu
þar sem þau sögðu sína sögu.
raunar tvær ólíkar sögur.
Annars vegar er saga konu
sem var ein með börnin tvö
uppi á landi á meðan eldgosi
stóð og hins vegar manns
sem sneri til Eyja eins fljótt og
hann gat til að vinna.
Líklega er öllum þeim sem bjuggu
á Heimaey þann 23. janúar 1973 í
fersku minni atburðarrásin þessa
örlaganótt. Það er ekki hægt að
ímynda sér hvernig þetta hefur
verið fyrir þá sem ekki upplifðu,
og líklega myndi ekki ríkja þessi
ró sem var yfir öllum ef slíkir
atburðir gerðust í dag.
Það var hringt um klukkan hálf
tvö og ég fer í símann,“ segir
Sirrý. „Heyri ekki neitt. Skelli
á og það er hringt aftur. Heyri
ekkert. Síminn var bilaður. Svo
er bankað. Þar var Dollý í næsta
stigagangi að láta mig vita að gos
væri hafið. Tengdapabbi henn-
ar var í slökkvliðinu og lét þau
vita. Þegar ég hugsa til baka er
svo fyndið að maður labbaði svo
rólega um til að vekja strákana.
Tipplum á tánum út í glugga. Við
vorum á þriðju hæð og við sáum
því yfir allt. Út um gluggann
blasti við rosaleg sýn.“
Áhyggjur af fólki
í austurbænum
Sirrý var hugsað til fólksins í
austurbænum. „Guð minn góður
ætli fólk sé dáið hugsaði ég. Þóra
Hjördís og Arngrímur bróðir
bjuggu í kjallaranum hjá mömmu
og pabba á Hásteinsvegi 58. For-
eldrar Þóru bjuggu á Ásavegi og
hafði ég miklar áhyggjur af þeim.
Við vöktum peyjana og klæddum
þá. Rukum yfir til mömmu og
pabba. Þá voru foreldrar Þóru
komin og mér létti gríðarlega að
sjá allt fólkið,“ sagði Sirrý en þau
voru hjá foreldrum hennar þangað
til þau fengu tilmæli um að fara
niður á bryggju.
„Pabbi var svo svalur að hann
ætlaði nú ekki að fara af eyjunni.
Fljótlega var komið fullt af fólki.
Gísli Steingríms og hans fjöl-
skylda og fleiri, um 15 í heildina.
Allt í einu hverfur pabbi. Kemur
eftir smástund kjagandi með
bjórkassa og segir; setjist nú inn
í stofu, slöppum aðeins af og fáið
Sirrý og Bragi - Heim á ný
Voru ein af þeim fyrstu sem snéru aftur heim Földu sig eftir
heimsókn til Eyja og fóru ekki aftur til baka
Fjölskyldan samankomin í þjóðhátíðartjaldinu, Helgi, Magnús, Bragi, Sirrý og Sigurður sem missti af gosinu.
” Þegar ég hugsa til baka er svo fyndið
að maður labbaði svo rólega um til
að vekja strákana. Tipplum á tánum
út í glugga. Við vorum á þriðju hæð
og við sáum því yfir allt. Út um
gluggann blasti við rosaleg sýn.
GÍGJA ÓSKARSDÓTTIR
gigja@eyjafrett ir. is