Framkvæmdafréttir Vegagerðarinnar - 11.12.2023, Blaðsíða 18

18 Framkvæmdafréttir nr. 728
6. tbl. 31. árg.
Rannveig Thoroddsen hjá Náttúrufræðistofnun Íslands
hélt erindið Opna fjallvegir hlið fyrir landnám innfluttra
plöntutegunda á hálendi Íslands? Hún fór m.a. yfir
hvaða tegundir nota þessa leið og hvort þær hafi
sameiginleg einkenni. Einnig var bent á hvaða leiðir
hægt er að nota til að fyrirbyggja að ágengar tegundir
dreifist um hálendið.
Ásta Ósk Hlöðversdóttir hjá VSB verkfræðistofu flutti
erindið Örmengunarefni í ofanvatni af vegum. Markmið
verkefnisins er að mæla styrk örmengunarefna í
ofanvatni frá íbúðabyggð, léttu iðnaðarsvæði og
þjóðvegi. Farið var yfir hvaða eitrunaráhrif þau geta
haft og hvað hægt er að gera til að lágmarka þau í
umhverfinu.
Ólafur Sveinn Haraldsson, forstöðumaður rannsókna
hjá Vegagerðinni, átti veg og vanda að skipulagningu
ráðstefnunnar.
↓
Mikil ásókn er í rannsóknasjóðinn en í ár bárust
124 umsóknir upp á samtals 365 milljónir króna.
Af þessum 124 umsóknum fengu 78 verkefni styrk
fyrir samtals 150 milljónir króna