Mosfellingur - 14.09.2023, Blaðsíða 36

Í eldhúsinu
Hildur og Þórður skora á Guðrúnu og Sighvat að deila með okkur næstu uppskrift í Mosfellingi
Suðrænn sveitakjúlli
hjá hildi og þórði
- Heyrst hefur...36
Sendið okkur myndir af nýjum Mos-
fellingum ásamt helstu upplýsingum á
netfangið mosfellingur@mosfellingur.is
Elín Myrra Kristinsdóttir fæddist 14
merkur og 51 cm þann 13. júlí 2023.
Foreldrar eru Kristinn H. Elísberg
og Aþena Valý Orradóttir.
Hildur Halldóra Bjarnadóttir og Þórður Elef-
sen deila með okkur Mosfellingum að þessu
sinni uppskrift að Suðrænum sveitakjúlla.
Hráefni
• 4-6 kjúklingalæri
• 1 hvítlaukur
• 1 sítróna skorin í ca 6 báta
• 4-6 greinar af fersku rósmarín
• Smjör og olía
• Kartöflur og annað grænmeti sem til er í
ísskápnum.
Aðferð
Þrífið sítrónuna að utan. Kryddið kjúkl-
inginn með pipar og krömdu hvítlauksrifi
og kreistið úr einum sítrónubátnum yfir.
Látið liggja þannig á meðan rest er útbúin.
Grófskerið grænmetið sem til er í ísskápnum
ásamt kartöflum og skutlið í skál með olíu,
smá salti, pipar, rifjum úr ca hálfum hvítlauk,
sem búið er að opna aðeins (kraminn pínulítið
með hnífsblaði) og tættri rósmaríngrein.
Hrærið saman og látið liggja í örfáar mínútur.
Hellið grænmetinu og kartöflunum yfir í
bakka með grind. Saltið kjúklinginn og leggið
bitana ofan á allt klabbið. Skutlið restinni
af sítrónubátunum, rósmaríngreinunum
og hvítlauksrifjunum ofan á. Setjið smá
smjörklípu hist og her á kjúllann. Sett á grillið
við ca 330-350°C í 7-10 mínútur og lækkið
svo niður í ca 200-220°C í hálftíma í viðbót,
eða þar til kjúllinn er til. Munið „if you’re
looking you ain’t cooking“. Hellið soðinu af
kjúllanum í lítinn pott og kreistið úr slatta af
hvítlauksrifjum út í soðið. Ef maður vill þykkja
sósuna er tilvalið að taka 1-2 kartöflubita
og setja í soðið. Á þessu stigi má sletta smá
hvítvíni út í ef vill. Massað með töfrasprota og
láta suðuna koma upp.

  Verðiykkuraðgóðu!
haustið
Það er ekki vorsins yndi,
sem ornar og kveikir bál.
Nei, það er einhver rökurró
sem reifast þá mjúkt um sál.
Og ekki er það vonaeldur,
sem allt gerir bjart og heitt.
Það eru einhver hulduhljóð,
sem hafa mig allan seitt.
Svona orti Jóhann Gunnar Sigurðs-
son um árstíðina sem gengin er í garð.
Haustið er í miklu uppáhaldi hjá mér,
ég læt mig hlakka til allt sumarið eftir
því að geta kveikt á kertum í rökkrinu
á kvöldin og sest undir hlýtt teppi
með góða bók.
Sumum finnst gott að finna lyktina
af vorinu í loftinu þegar allt springur
út og teygir sig í átt að sólinni en
ég hef alltaf verið veik fyrir því að
fylgjast með laufblöðunum falla af
trjánum og stíga út í kalt loftið á
morgnana.
Það er eins og óeirðin sem fyllir
líkamann á sumrin hverfi með
skammdeginu og snúi ekki aftur
fyrr en jörðin þiðnar aftur mörgum
mánuðum seinna.
Það eru allir litlu hlutirnir sem gera
haustið að bestu árstíðinni. Pottréttir
sem malla á eldavélinni hálfan daginn
og fylla húsið af dísætri lykt, uppljóm-
aðir stofugluggarnir í kvöldgöngu-
túrnum, brakandi ferskt grænmetið á
markaðnum á Reykjum, lítið fólk með
stórar töskur á leið út í fyrsta skóla-
daginn, hryllilegar Hrekkjavöku-
skreytingar sem bæði hræða og kæta,
ískaldar tær sem hlýna í heitu baðkari
og svo mætti lengi telja.
Ég þekki til margra sem hræðast
haustið eins og heitan eldinn og líta
á það sem einhvers konar endalok
á sumrinu sem virtist í fyrstu enda-
laust. Þá er um að gera að staldra við
í amstri dagsins, draga kalt loftið alla
leið ofan í lungun og finna það sem
manni finnst best við haustið.
Ástrós hind
heyrst hefur...
...að Stefanía Svavars og GDRN séu
fulltrúar Aftureldingar í nýjustu
seríu KVISS og eigi titil að verja.
Þær keppa á laugardaginn á Stöð 2.
...að æðstu stjórnendur bæjarins séu
búnir að vera að glíma við Covid
síðustu vikurnar.
...að vopnuð sérsveit hafi handtekið
hnífamann í Álafosskvos eftir
eltingaleik í gegnum bæinn.
...að Hrannar Guðmunds sé kominn í
þjálfarateymi FH.
...að réttað verði í Mosfellsdal laugar-
daginn 16. september kl. 16.
...að Magnús Már og Enes séu búnir að
framlengja sem þjálfarar Aftureld-
ingar út 2025.
...að búið sé að ráða Árna Heiðar
Karlsson sem nýjan organista í
sókninni.
...að Svava Ýr sé hætt með Íþrótta-
skóla barnanna eftir 30 ára starf.
Leitað er að arftaka hennar.
...að karlaliði Aftureldingar sé spáð
3. sæti í Olísdeildinni í vetur.
...að Sprite Zero Klan hafi sigrað
keppnina um bestu nýju útgáfuna af
SS pylsulaginu.
...að Inga Vals hafi verið að gefa út
nýja barnabók, Að breyta heiminum.
...að Bubbi Morthens ætli að byrja
Þorláksmessutónleikaröðina sína í
Hlégarði 6. desember.
...að skreytingarnar á hringtorginu
við Kjarna á bæjarhátíðinni hafi
algjörlega slegið í gegn.
...að Einar Ingi sé byrjaður að þjálfa
Hvíta riddarann í handbolta.
...að Kaffi sæti hafi slegið Íslandsmet
um helgina þegar afgreiddir voru
72 espresso-bollar til jafnmargra
viðskiptavina.
...að fyrsti heimaleikur nýliða
Aftureldingar í Olísdeild kvenna
fari fram á laugardaginn.
...að Guðmundur Vignir og Tanja hafi
gengið í það heilaga um helgina.
...að Guðjón Jensson sé að fara gefa út
bókina Löngu horfin spor sem fjallar
um mögulegan njósnara nasista á
Íslandi.
...að Afturelding gæti orðið fyrsta liðið
til að lenda í 2. sæti í Lengjudeildinni
án þess að komast upp í efstu deild
eftir breytt fyrirkomulag og umspil.
...að söngkonan Bríet sé farin að mæta
á handboltaleiki Aftureldingar og
fylgjast með strákunum.
...að bændaglíman fari fram á Hlíða-
velli um helgina og munu Kristján
Þór og Þorvaldur Borgar leiða sitt
hvort liðið.

...að handverkstæðið Ásgarður ætli
að bjóða í stórafmæli í Hlégarði í
lok mánaðarins.
...að handboltastrákarnir spili fyrsta
heimaleik tímabilsins í kvöld gegn
Selfyssingum.
...að Tobba verð fertug um helgina.
mosfellingur@mosfellingur.is
TóLF SpOR
Andlegt ferðalag
Tólf sporin – Andlegt ferðalag í Mosfellsbæ í vetur.
Undirbúningsfundur fyrir starfið í vetur verður
í Safnaðarheimili Lágafellssóknar að Þverholti 3,
4. október kl. 19.30.
Þrjú næstu miðvikudagskvöld verða framhalds
undirbúningsfundir til frekari kynningar.
Allir eru velkomnir og ekki þarf að skrá sig.