Skessuhorn - 29.05.2024, Síða 8

MIÐVIKUDAGUR 29. MAÍ 20248
Aflatölur fyrir
Vesturland
18. til 24. maí
Tölur (í kílóum)
frá Fiskistofu
Akranes: 18 bátar.
Heildarlöndun: 17.237 kg.
Mestur afli: Ísak AK 67:
2.275 kg í tveim löndunum.
Arnarstapi: 28 bátar.
Heildarlöndun: 6.187 kg.
Mestur afli: Hrólfur AK 29:
1.244 kg í tveim löndunum.
Grundarfjörður: 27 bátar.
Heildarlöndun: 343.830 kg.
Mestur afli: Sigurborg SH
12: 63.909 kg í einni löndun.
Ólafsvík: 49 bátur.
Heildarlöndun: 216.913 kg.
Mestur afli: Ólafur Bjarnason
SH 137: 42.203 kg í þremur
löndunum.
Rif: 33 bátar.
Heildarlöndun: 359.990 kg.
Mestur afli: Tjaldur SH 270:
67.451 kg í einni löndun.
Stykkishólmur: 25 bátar.
Heildarlöndun: 59.725 kg.
Mestur afli: Sigri SH 0:
12.996 kg í einni löndun.
Topp fimm landanir
á tímabilinu
1. Tjaldur SH – Rif:
67.451 kg. 21. maí.
2. Sigurborg SH –
Grundarfj: 63.909 kg.
20. maí.
3. Rifsnes SH – Rif:
61.226 kg. 21. apríl.
4. Runólfur SH –
Grundarfj: 58.248 kg.
21. maí.
5. Frosti ÞH – Grundarfj:
53.631 kg. 21. maí.
hig
Kosið í
fjölbraut að
þessu sinni
AKRANES: Næstkom-
andi laugardag verður sjö-
undi forseti lýðveldisins kos-
inn. Nýr kjörstaður er á
Akranesi, í stærsta sveitarfé-
lagi landshlutans. Nú verður
kosið í húsi Fjölbrauta-
skóla Vesturlands við Voga-
braut 5. Í undanförnum
kosningum hefur ýmist verið
kosið í Brekkubæjarskóla
eða í Íþróttahúsinu á Jaðars-
bökkum. Kjörfundur á Akra-
nesi hefst klukkan 9 en lýkur
klukkan 22. Kjördeildir eru
fjórar á Akranesi. -mm
Sjómannadags­
blað Snæfells­
bæjar
SNÆF: Sjómannadagsblað
Snæfellsbæjar kemur út fyrir
sjómannadag líkt og áður. Í
blaðinu er að finna fjölmörg
viðtöl og annað efni. Það
byrjar á viðtali við 84 ára sjó-
mannskonu í Ólafsvík sem
hefur frá mörgu að segja. Hún
segir frá sinni sjómennsku á
árum áður en hún var kokkur
á síldveiðum og segir einnig
frá öðru áhugaverðu sem á
daga hennar hefur drifið. Þá
eru viðtöl við sjómenn bæði
úr Snæfellsbæ og annars staðar
og ungar konur eru með góðar
greinar í blaðinu. Einnig
eru myndir frá sjómanna-
dögum úr bæjarfélögunum
og greinar um sjómenn sem
heiðraðir voru á síðasta sjó-
mannadag. Fjölmargar myndir
prýða blaðið sem er 92 síður
að stærð. Blaðið er brotið
um í Steinprenti í Ólafsfs-
vík og prentað í Litlaprenti
ehf. Ritstjóri er Pétur Steinar
Jóhannsson. –fréttatilk.
Sett hefur verið upp sjálfvirk veður-
drónastöð við Vatnsholtsvötn í
Staðarsveit á Snæfellsnesi. Það er
fyrirtækið Menapia sem séð hefur
um uppsetningu ýmissa tækja á
svæðinu. Þar er dróni sem tekur sig
á loft, beint upp í um tveggja kíló-
metra hæð og tekur veðurupplýs-
ingar. Veðrið í Staðarsveit hefur
löngum verið mikið rannsóknarefni
en fyrirtækið er í góðu samstarfi við
Ólaf Rögnvaldsson, sem á og rekur
veðurfars-vefsíðuna Belgingur.is.
hig
Eins og greint var nýverið frá
í Skessuhorni er sundlaugin í
Stykkishólmi lokuð þessa dag-
ana vegna viðhalds. Fram
kemur á vef sveitarfélagsins að
viðhaldsframkvæmdir gangi vel
en búið er að reisa einfalda yfir-
byggingu yfir sundlaugina
til að forðast vætu á meðan á
framkvæmdum stendur. Á meðan
unnið er að endurbótum á yfir-
borðsefni sundlaugarinnar er tím-
inn einnig vel nýttur í önnur
viðhaldsverkefni. Má til dæmis
nefna smávægilegar lagfæringar á
innilaug, endurbætur á flísalögn í
kringum laugar, viðhald á sturtu-
klefum og fleira.
Þá var ákveðið, eftir að
framkvæmdir hófust, að skipta
um yfirborðsefni á vaðlaug í
leiðinni, en flísar á vaðlauginni
voru orðnar lélegar. Nýtt yfir-
borðsefni verður því einnig sett
á vaðlaugina. Vinnu við klefana
er nú að ljúka og stefnt er að því
að opna innilaugina í næstu viku.
Samkvæmt áætlun á vinnu við úti-
laugina að ljúka fyrir mánudaginn
3. júní.
vaks
Eigandi Daltúns í Reykholts-
dal lagði í janúar síðastliðnum
fram kæru til úrskurðarnefndar
umhverfis- og auðlindamála þar sem
hann kærði þá ákvörðun Borgar-
byggðar að innheimta sorpgjald fyrir
rekstur grenndar- og sorpstöðvar
á sama tíma og öllum grenndar-
stöðvum utan Borgarness hafi verið
lokað. Einungis væri hægt að nálg-
ast grenndarstöð við Sólbakka í
Borgarnesi, um 44 kílómetrum frá
húsi viðkomandi. Var þess kraf-
ist að ákvörðun sveitarfélagsins um
álagningu yrði felld úr gildi.
Í niðurstöðu úrskurðarnefndar
kemur fram að málavextir hafi verið
þeir að með álagningarseðli fast-
eignagjalda fyrir árið 2024, sem
barst eiganda Daltúns 18. jan-
úar 2024, var álagt gjald að fjár-
hæð 32.280 krónur vegna reksturs
grenndar- og móttökustöðvar sorps.
Andmælti viðkomandi réttmæti
gjaldsins og krafðist ógildingar.
Vísað var til þess að í byrjun árs
hafi sveitarfélagið lokað grenndar-
stöð á Grímsstöðum í Reykholtsdal.
Verði því að álykta að tæknilega sé
það ógerningur að rukka fyrir slíkan
rekstur. Sveitar félagið geti vart verið
heimilt að innheimta gjöld fyrir
þjónustu sem ekki væri í boði eða
aðgengileg. Grenndarstöðvar finn-
ist ekki lengur og tæplega verði ætl-
ast til þess að ekið sé með almennt
heimilis sorp 44 km leið í móttöku-
stöð með takmarkaðan opnunar-
tíma.
Í andmælum Borgarbyggðar við
kærunni er bent á að gjald fyrir
söfnun, meðhöndlun, móttöku og
flokkun úrgangs í Borgarbyggð sé
lagt á í samræmi við lög um með-
höndlun úrgangs og samþykktar
um meðhöndlun úrgangs í Borgar-
byggð. Þá liggi einnig fyrir gjald-
skrá fyrir söfnun, meðhöndlun og
flokkun úrgangs í sveitarfélaginu
sem sæki stoð í framangreind lög
og samþykktir. Gjaldinu sé almennt
skipt eftir því hvaða þjónustu við-
komandi aðili fái þ.e. hvernig
tunnur hann sé með, hversu stórar
og hve oft losun fari fram. Kærandi
hafi afþakkað sorptunnur við hús-
næði sitt. Í gjaldskránni sé einnig
gjald sem öllum beri að greiða
vegna reksturs grenndar- og mót-
tökustöðva enda geti þeir aðilar
nýtt sér viðkomandi þjónustu. Þá
kemur fram í málsrökum sveit-
arfélagsins að kostnaður við sorp-
mál sé mikill hjá því og fari stöðugt
vaxandi í takti við auknar kröfur
um meðhöndlun úrgangs. Hafi
verið talsverður rekstrarhalli af
málaflokknum. Sé litið til niður-
stöðu rekstrarreiknings Borgar-
byggðar varðandi þessi mál komi í
ljós að sveitarfélagið þurfi að hækka
gjaldið sem innheimt sé fyrir þessa
þjónustu til að það standi undir
þeim kostnaði sem til falli ár hvert.
Borgarbyggð telji það ótvírætt að
með vísan til framangreinds skuli
fasteignaeigendur greiða gjald til
sveitarfélagsins fyrir þessa þjónustu
og hafnar því beiðni eiganda fast-
eignarinnar Daltúns um að gjaldið
verði fellt niður.
Í lokaorðum úrskurðarnefndar
um kæruna segir m.a. að lög um
meðhöndlun sorps segi ótvírætt
að það sé grunnþjónusta í sveitar-
félagi að halda úti þjónustu vegna
sorp og beri það ríkar skyldur
til að tryggja að sú þjónusta sé
í föstum skorðum. Þjónustan er
þess eðlis að hún má ekki falla
niður þótt einhverjir íbúar nýti
sér hana ekki, enda er sveitar-
félagi beinlínis skylt að innheimta
gjald fyrir meðhöndlun úrgangs.
Samkvæmt fyrirliggjandi upplýs-
ingum og gögnum tekur umdeilt
gjald mið af áætluðum kostnaði
sveitarfélagsins við veitta þjón-
ustu vegna sorphirðu en það hefur
raunar verið undir raunkostnaði.
Úrskurður nefndarinnar er því:
„Hafnað er kröfu kæranda um
að felld verði úr gildi ákvörðun
Borgarbyggðar frá 18. janúar 2024
um álagningu gjalds vegna reksturs
grenndar- og móttökustöðvar sorps
í sveitarfélaginu.“
mm
Sveitarfélaginu er skylt
að innheimta sorpgjöld
Framkvæmdir við sundlaug
Stykkishólms ganga vel
Yfirbyggingin yfir sundlaugina. Ljósm. stykkisholmur.is
Flugbannssvæði við
Vatnsholtsvötn í Staðarsveit
Tækjabúnaðurinn í
Staðarsveitinni.
Ljósm. Ólafur Rögnvaldsson