Skessuhorn - 29.05.2024, Blaðsíða 22

MIÐVIKUDAGUR 29. MAÍ 202422
Matarvagninn Mæstró street
food hefur verið fastur punktur
í miðbæ Grundarfjarðar síðustu
sumur. Vagninn sjálfur er kominn
til ára sinna þó að veitingarnar
úr honum standi alltaf fyrir sínu.
Nú hafa eigendur Mæstró keypt
matargám sem mun taka við
af vagninum. Þau Sólveig Ásta
Bergvinsdóttir og Almar Þorleifs-
son eru eigendur Mæstró og opn-
uðu núna í maí við góðar undir-
tektir íbúa og ferðamanna. „Við
ætlum samt að eiga vagninn áfram
og munum nota hann til að bjóða
upp á pylsur og báta annars staðar
en hér,“ segir Sólveig. „Það er
gott að geta keyrt til viðskiptavina
í nágrenninu eins og í brúðkaup
eða ættarmót,“ bætir hún við.
Vinna hefst fljótlega við að inn-
rétta nýja gáminn og reikna þau
með að opna hann í júní.
tfk
Varðskipið Freyja kom til Grundar-
fjarðar föstudaginn 17. maí síðast-
liðinn en tilefnið var að eyða hvíta-
sunnuhelginni við bryggju. Þetta
glæsilega skip lá við landfestar fram
yfir helgina og hélt svo út á miðin
þriðjudaginn 21. maí. Áhöfnin var á
bakvakt og til taks um borð.
tfk
Gunnhildur Lind Hansdóttir hefur
verið ráðin framkvæmdastjóri Golf-
klúbbs Borgarness. Gunnhildur
hefur langa reynslu og þekkingu
úr starfi klúbbsins en hún hefur
verið viðloðandi hann frá unga
aldri. Hún hefur síðasta árið unnið
við markaðssetningu klúbbsins og
móttöku gesta á golfvellinum.
Gunnhildur er sjálfstætt starf-
andi ljósmyndari en mun verða í
60% starfshlutfalli fyrir klúbbinn.
Hún tekur við af Finni Guðmunds-
syni sem ráðinn var framkvæmda-
stjóri í desember 2023 en Finnur
var búinn að undirbúa golfsumarið
sem nú er komið á fullt. Í samtali
við Skessuhorn segist Gunnhildur
hlakka til sumarsins og að henni
þyki það spennandi að vinna fyrir
klúbbinn sinn. Þá segir hún völlinn
líta vel út eftir veturinn. Margrét
Katrín Guðnadóttir, einn stjórnar-
manna í GB, nefndi við blaða-
mann að nú þegar væri búið að
leggja inn pöntun um gott veður
í sumar og að stjórninni hlakki
til samstarfsins við Gunnhildi
Lind. Á sama tíma þakkar stjórnin
Finni Guðmundsyni fyrir hans
vinnuframlag til klúbbsins.
hig
Birgir Alexandersson er einn af
nýliðunum á strandveiðum. Hann
er nýbúinn að festa kaup á sínum
fyrsta báti en hann er reyndar vanur
sjómaður, hefur róið á stærri skipum
undanfarin ár frá Suðurnesjum. En
Birgir hefur mikinn áhuga á fisk-
veiðum og langaði að vera sinn eigin
herra á strandveiðum. Vel hefur
gengið hjá Birgi í þeim fáu róðrum
sem hann hefur farið og allt gengið
að óskum, enda er Breiðafjörður-
inn mjög gjöfull, en Birgir gerir
bát sinn Timon SH út frá Ólafs-
vík. Á myndinni er Birgir með 30
kílóa þorsk sem hann fékk nýverið á
handfærin skammt frá Ólafsvík.
af
Gunnhildur í starf
framkvæmdastjóra
Golfklúbbs Borgarness
Vill verða sinn eigin
herra við veiðarnar
Gunnhildur Lind Hansdóttir.
Keppendur á stærsta móti Golfklúbbs Borgarness, Hjóna – og Parakeppni GB,
pútta á 18. flöt Hamarsvallar. Ljósm. glh
Breytingar framundan hjá Mæstró
Þessi ungi herramaður var ekki svikinn af pylsu og ávaxtasafa úr Mæstró.
Freyja eyddi hvítasunnuhelginni í Grundarfirði
Freyja við landfestar
í Grundarfirði með
Kirkjufellið í baksýn.