Árbók Ísafoldar - 01.11.1946, Page 185
Kirkja íslands
179
Söngmálastjóri Þjóðkirkjunnar er Sigurður Birkis. Starf söngmálastjóra
er að sjá um og æfa kirkjusönginn í landinu. Hefur hann þegar stofnað 85
kirkjukóra, og skipulagt söngstarfsemi kirkjunnar.
Prestar Þjóðkirkjunnar eru nú um 100 talsins. Koma þeir saman árlega
á prestastefnu (synodus) og eru þar jafnan rædd mikilsvarðandi mál kirkj-
unnar á hverjum tíma. Er prestastefnan venjulega haldin í júní og stendur
yfir tvo til þrjá daga.
Prestafélag íslands er félag allra presta á íslandi. Starfar félagið að
iiagsmuna- og áhugamálum prestastéttarinnar. Stjórn þess skipa: Ás-
mundur Guðmundsson prófessor formaður, ritari séra Árni Sigurðsson
fríkirkjuprestur, séra Friðrik Hallgrímsson fyrrv. dómprófastur, séra Guð-
mundur Einarsson, prófastur, Mosfelli, séra Jakob Jónsson, Reykjavík.
Hinn almenni kirkjufundur er samkoma presta og safnaðarfulltrúa frá
söfnuöum landsins, og er hann haldinn annað hvort ár. Forseti fundanna
er Gísli Sveinsson sýslumaður.
Þjóðkirkjur í landinu eru 285. Kirkjur úr timbri eru 208, úr steinsteypu
74 og úr torfi og grjóti þrjár.
Árið 1945 voru haldnar 3445 almennar guðsþjónustur í öllum kirkjum
landsins. Barnaguðsþjónustur voru 394, aðrar guðsþjónustur 387, alls 4226.
Eru það 188 messum fleira en árið 1944. Við altarisgöngur voru gestir 6367
og eru þeir 100 fleiri en árið 1944.
Málgögn Þjóðkirkjunnar eru tvö: Kirkjublaðið, gefið út hálfsmánaðar-
lega, og er útgefandi biskup íslands. Kirkjuritið, er kemur út mánaðarlega.
Ritstjórar eru prófessorarnir Ásmundur Guðmundsson og dr. Magnús
Jónsson.
í hverri sókn er sóknarnefnd (3 til 5, eftir stærð safnaðarins), sem kosin
er til eins árs, og fer hún með sérmál safnaðarins. Þá er og í flestum sókn-
um kosinn safnaðarfulltrúi til þess að mæta opinberlega fyrir hönd safn-
aðarins á þingum og fundum.
kemur inn á hvert sveitaheimili og þúsundir kaupstaðaheimila
Hann er því meðal beztu auglýsingablaða.