Goðasteinn - 01.09.1991, Qupperneq 20

Nú víkur sögu austur að Þorvaldseyri. Þar bar að garði þennan sama
dag Jón Sveinbjarnarson. Þorvaldur tók honum tveim höndum og saman
settust þeir að hressingu inni í stofu. í umræðu komst ferð Sigurjóns frá
Hjálmholti og hvert erindið myndi út til Eyja og allt í einu var sem ljós
leiftraði um þá félaga, undir ferðinni bjó ekkert annað en það að koma
í veg fyrir að nokkrir öruggir kjósendur Heimastjórnarmanna kæmust
á kjörfund. Ferðin gat raunar, þótt sá fiskur lægi ekki undir steini, leitt
til hins sama því ot't skipast fljótt sjór fyrir söndum.
Jóni hitnaði nú skjótt í hamsi. Tók hann hest sinn og reið í spretti út
að Hellnahóli og frétti þar að menn væru fyrir nokkru riðnir í sand. Hélt
hann ferð sinni þá áfram sem mest mátti út í Vesturholtavarir. Það bar
heim að þegar hann reið fram á hákamp fjörunnar þá voru Ingvar og fé-
lagar hans komnir á flot. Jón hrópaði og veifaði til þeirra en það var
sjaldan venja sjómanna að gegna landkalli þegar þeir voru á annað borð
komnir út fyrir rifið og svo fór hér og Jón reið sár og reiður úr sandi.
Þeir Ingvar og félagar fengu lognróður út til Eyja. Sigurjón búfræð-
ingur var glaður og léttur í máli í sjóferðinni, vildi jafnvel taka í ári en
ekki þótti ræðurum hæfa að láta hann fara að beygja bak við árina. Upp
kom í umræðu manna þá að ekki mætti hafa langa dvöl í Eyjum ef tími
ætti að vinnast til þess að komast á kjörfundinn á Stórólfshvoli. Sigurjón
lét sér það vel skiljast, kvaðst ekki þurfa langan tíma til að Ijúka erindi
sínu í Eyjum en greiða myndi hann áhöfn full daglaun meðan á dvöl
stæði úti. Einhver innti að erindi hans og kom upp að það væri einkum
við Anton Bjarnasen verslunarstjóra.
Dagur var kominn að kvöldi þegar lent var í Eyjum og Fjallamenn
fengu sér gistingu hjá vinum og vandamönnum. Þeir risu árla úr rekkju
að morgni næsta dags svo ekki yrði hik með landferðina. Sigurjóni virt-
ist þá tafsamt með að reka erindið. Hann varð öðru hvoru á vegi þeirra
bátsverja, kvaðst enn eiga erindum ólokið og var ekki óðhugi. Leið svo
fram á daginn og átt gekk í austur með brælu. Gekk Ingvar Einarsson
þá á fund Antons Bjarnasen og innti hann að erindi Sigurjóns. Hann
kom af fjöllum, fundum þeirra Sigurjóns hafði ekki borið saman. Ingvar
gerðist þá aðgangsharður við Sigurjón og gaf honum stutta fresti til
brottfarar. Hann fór undan í flæmingi og Ingvar fór að renna grun í að
annað byggi undir ferðinni en upp var gefið. Hann hitti þá tvo vel metna
Eyjamenn, þá Gísla Stefánsson kaupmann á Hólnum og Gísla Engil-
18
Goðasteinn