Mosfellingur - 19.12.2024, Side 49

www.mosfellingur.is - 49
Það hljómar kannski ankannalega
en stefnan meirihluta Framsókn-
ar, Samfylkingar og Viðreisnar í
bæjarstjórn Mosfellsbæjar virðist
einmitt vera þessi.
Meirihlutinn samþykkti í haust
uppfærslu á samgöngusáttmála
fyrir höfuðborgarsvæðið. Að mati
okkar í Vinum Mosfellsbæjar fel-
ur uppfærslan í sér óljósan ávinning fyrir
íbúa bæjarins þegar horft er til næstu ára
eða áratugar, en á sama tíma allveruleg
fjárframlög til verkefnisins.
Þessi sami meirihluti felldi nú á dögum
tillögur okkar Vina Mosfellsbæjar í tengsl-
um við gerð fjárhagsásætlun bæjarins 2025
til 2028, sem miðuðu að því að Mosfellsbær
tæki forystu í að efla almenningssamgöng-
ur sem raunhæfan valkost. Strax.
Breytingar á rótgrónum venjum og
hugarfari taka langan tíma og því ekki til
neins að bíða ef tryggja á að þær gríðar-
legu fjárfestingar sem Borgarlínan kallar
á skili fullum ávinningi þegar þeim lýkur.
Liður í því er að byrja án tafar að ala upp
nýja kynslóð samgöngunotenda sem lítur á
almenningssamgöngur sem eðlilegan hlut
af tilverunni en ekki sem eitthvað fyrir þá
sem ekki hafa aldur til eða efni á að nota
einkabílinn.
Innanbæjarstrætó er hugtak sem margoft
hefur skotið upp kollinum í umræðu um
samgöngur hér í bæ, hvort sem er á samfé-
lagsmiðlum, á opnum íbúafundum, í ung-
mennaráði – eða jafnvel í tengslum
við endurskoðun umhverfis- og
loftlagsstefnu Mosfellsbæjar. Inn-
anbæjarstrætó sem tengdi betur
hverfi bæjarins, nýttist yngri veg-
farendum til að komast til og frá
skóla, æfingum og frístundum – og
drægi þá úr þessu endalausa skutli
sem einkennir bæinn okkar í dag.
Hægt væri jafnvel að hafa slíkan strætó
frían fyrir grunnskólanemendur, til ýta enn
frekar undir notkun.
Þessi innanbæjarstrætó myndi jafnframt
fæða hraðari strætó farþegum sem halda
áfram út fyrir bæjarmörkin. En það er jú
ljóst að lítill tilgangur væri fyrir innanbæj-
arstrætó að dóla sér um hálfan Mosfellsbæ
á eftir vagni númer 15. Þess í stað væri
hægt að breyta leið númer 15, sem tryggir
skjótari tengingu við Reykjavík og önnur
svæði með því að aka stystu leiðina um
Vesturlandsveg.
Tillögurnar okkar snerust um þetta.
Bæjarfulltrúar Framsóknar, Samfylkingar
og Viðreisnar greiddu atkvæði gegn þeim.
Bæjarfulltrúar Sjálfstæðisflokksins sátu
hjá.
Öll viljum við jú hreyfa okkur meira,
borða hollara mat, efla almenningssam-
göngur … en bara seinna, ekki núna …
Michele Rebora
Fulltrúi Vina Mosfellsbæjar í umhverfisnefnd
Bætum almenningssam-
göngur! En ekki núna …
Mosfellsbær mos.is/utivist
Vetrarþjónusta við
göngustíga um jól
og áramót
Um hátíðarnar verður vetrarþjónusta göngustíga
bæjarins samkvæmt venju en sérstök áhersla
verður lögð á þá göngustíga sem liggja um
Varmársvæði og að Ævintýragarðinum. Því verða
göngustígarnir sem liggja að frisbígolfvelli og
hjólabraut vel greiðfærir og leiksvæðin kjörinn
vettvangur fyrir útivist og hreyfingu.
Íbúar eru hvattir til að nýta sér þjónustuna, njóta
útiveru, samveru og bregða á leik.
Lýðheilsa
...fylgstu med okkur
www.facebook.com/mosfellingur