Ársrit Skógræktarfélags Íslands - 15.12.1955, Blaðsíða 12

10
STARFIÐ NÆSTU ÁRIN.
Af því, sem nú hefur verið sagt, er ljóst, að skógræktar-
félagsskapurinn er í örum vexti, og ennfremur að margs
má vænta af honum, ef vel er að honum búið og góðir menn
veljast til forustu á hverjum stað. '
Skógrækt á íslandi er svo umfangsmikið starf, að það
verður aldrei leyst af hendi svo vel sé, nema með almenn-
um samtökum manna og fórnfúsum vilja fjölda manns.
Samtök skógræktarfélaganna hafa því miklu hlutverki að
gegna á næstu áratugum, því að það er nú einu sinni svo,
að þjóðinni er lífsnauðsyn að rækta við og timbur í land-
inu.
Nú er markið í skógræktarmálunum að auka mjög upp-
eldi og gróðursetningu trjáplantna á næstu árum. Starf
félaganna verður því á næstu árum einkum fólgið í því að
gróðursetja þær á hentuga staði. Til þess að létta undir
uppeldinu hefur Alþingi og fjármálaráðherra nýverið gef-
ið heimild til þess að leggja 20 aura aukagjald á nokkrar
tegundir vindlinga. Þetta fé á að renna í Landgræðslu-
sjóð, en hann er að vissu leyti sameign skógræktarfélag-
anna. Þó á féð ekki að leggjast á vöxtu í lánsstofnunum,
heldur á að ávaxta það strax í sparisjóði náttúrunnar
sjálfrar, með því að láta það standa straum af kostnaðin-
um við uppeldi trjáplantna að svo miklu leyti sem það
hrekkur til.
Ef vel tekst til, mun þessi litli skattur flýta mjög fyrir
því, að skógar og lundir breiðist út um landið á næstu
áratugum. Og skógræktarfélögin munu væntanlega ekki
láta sinn hlut eftir liggja.
Hákon Bjarnason.