Ársrit Skógræktarfélags Íslands - 15.12.1955, Blaðsíða 40

Tilraunir með skjólbelti á Sáms-
stöðum í FljótshlíS.
Eftir KLEMENZ KR. KRISTJÁNSSON.
Skjólbelti er einn sá þáttur skógræktar, sem eflaust á
eftir að vinna skilning manna hér á landi. Ræktun skjól-
belta er hér lítið reynd enn og lítt rannsökuð, en 1 öðrum
menningarlöndum eru skjólbelti víða ræktuð til að skýla
öðrum gróðri og það í mun hlýrri löndum en Island er.
í okkar veðrasama landi geta þau gert mikið gagn og
breytt viðhorfi manna til ræktunarmála, prýtt umhverfið
og skapað öruggari skilyrði til fjölþættrar ræktunar en
áður hafa þekkst hér á landi.
SKJÖLBELTIN Á SÁMSSTÖÐUM.
Af því að ég hef undanfarin 15 ár átt nokkuð við rækt-
un skjólbelta, ætla ég hér í fáum orðum að skýra frá
reynslu minni, þó að hún leysi ekki allan vandann við
þetta mál.
Það var árið 1940, að ég gróðursetti 3 raðir af birki
í skjólbelti fyrir austan heimabyggingarnar á Sámsstöð-
um og er þetta belti austasti hluti trjágarðs þess, sem
nú er við bæinn. Birkið var ættað úr Bæjarstaðarskógi.
Notaðar voru 4 ára gamlar plöntur. Jarðvegurinn var vel
undirbúinn og blandaður vel með mykju. Plönturnar voru
settar niður síðast í maí og gróðursettar með 50X80 cm
vaxtarrými. Fyrstu 8 árin var á hverju hausti borin
mykja að hverri plöntu. Beltunum var stöðugt haldið
hreinum fyrstu 10 árin, en úr því hefur gras vaxið milli