Ársrit Skógræktarfélags Íslands - 15.12.1955, Side 102

100
væri mikil ánægja að því að geta haldið fundinn á þessum stað, og hefði
það aðeins getað orðið fyrir sérstaka velvild og tillitssemi forráðamanna
skólans.
Kosnar voru þessar nefndir:
Skemmtinefnd: Guðmundur Karl Pétursson, Pálmi Ágústson og Eyþór
Þórðarson.
Allsherjarnefnd: Snorri Árnason, Ármann Dalmannsson, Tryggvi Sig-
tryggsson, Jón Loftsson og Chr. Zimsen.
Pramkvæmdastjóri félagsins, Hákon Bjarnason, skógræktarstjóri, flutti
ýtarlega skýrslu um störf félagsins og ræddi framtíðarhorfur í skógræktar-
málum. Hann skýrði og frá því, hvernig reitt hefði af tillögum þeim, sem
síðasti aðalfundur hafði samþykkt.
Þvínæst hófust umræður um skýrsluna og lesnar voru upp tillögur, sem
borist höfðu. Var þeim vísað til allsherjarnefndar. Para þær hér á eftir,
eins og þær voru, komnar aftur frá nefndinni:
Tillögur frá ailsherjarnefnd:
I. tiilaga. Aðalfundur Skógræktarfélags íslands, haldinn að Hallorms-
stað 2. og 3. júlí 1954, skorar á Alþingi að stefna x hvívetna í löggjöf að
aukinni verndun jarðvegs og gróðurs og að taka stefnuskráratriði þess
eðlis í stjórnskipunarlög lýðveldisins.
Jarðvegur og gróður landsins eru verðmæti, sem hverri kynslóð ber að
skila óskertum í hendur niðja sinna, en veðráttu og jarðvegi er svo háttað
hér á landi, að sérstök ástæða er til, að staðið sé vel á verði um verndun
hvortveggja.
Tillagan samþykkt samhljóða.
II. tillaga. Aðalfundur S. í. 1954 beinir þeim tilmælum til stjórnar
S. í. að taka upp viðræður við fræðslumálastjórnina um möguleika á að
tengja skógræktarstarfið við starf hinna föstu skóla, þannig að fræðsla
um skógrækt verði aukin og á hverju vori verði tiltekinn tími ætlaður nem-
endum skólanna eða nokkrum hluta þeirra til að vinna að skógrækt, og
skólamir taki tillit til þess í námsskrám sínum.
Samþykkt samhljóða.
III. tillaga. Aðalfundxrr S. í. 1954 telur æskilegt, að héraðsskógræktar-
félögin og Skógrækt ríkisins ráði til sín unglinga á aldrinum 13—15 ára,
4—6 vikur á vorin til gróöursetningar trjáplantna og annarra skógrækt-
arstarfa og felur stjórn S. í. að vinna að því, að fjárveiting fáist til þess
að greiða þeim kaup, sem svarar uppihaldskostnaði þann tíma, sem vinn-
an stendur yfir.
Samþykkt með 11:9 atkvæðum.
IV. tiilaga. Aðalfundur S. í. 1954 felur stjórn félagsins að vinna að
því við ríkisstjórn og Alþingi, að Landgræðslusjóður verði efldur með
álagi á vindlinga, er nemi sem næst þeirri upphæð, er uppeldi trjáplantna
nemur ár hvert.
Samþykkt samhljóða.
V. tillaga. í tilefni af áskorun frá Skógræktarfélagi Borgfirðinga um
stuðning frá S. í. til þess að reka uppeldisstöð fyrir trjáplöntxrr í Vestfirð-
ingafjórðungi, mælir fundurinn með því, að slíkur styrkur verði veittur,
þegar er aukin fjárveiting gerir það mögulegt.