Skógræktarritið - 15.05.2006, Qupperneq 55

Á síðustu 15 árum sýnist mér af
fundargerðum, að f þetta land
hafi verið gróðursettar a.m.k. 25
þúsund plöntur, auk þess sem
sáð hefur verið grasfræi, birkifræi
og lúpínufræi í gróðurlausa bletti
þess. Þess utan hafa félagar
fengið plöntur til gróðursetningar
heima við bæi sína.
Til hins þróttmikla starfs
hefur félagið notið tilstyrks
Skógræktarfélags íslands, svo í
fjárhagslegum efnum sem og
með ráðgjöf og leiðbeiningum,
og ekki sfður hefur það notið
fórnfýsi félagsmanna sinna sem
af glöðum huga hafa innt af
hendi hin margvíslegustu störf í
þágu þess án launa.
Sem fyrr hefur fram komið
gegnir Margrét í Dalsmynni
formennsku f félaginu, en með
henni í stjórn eru þær jóhanna H.
Sigurðardóttir í Laugargerði og
Ingunn Albertsdóttir f Holti.
Kveikjan að þessari ritsmfð minni
um stofnun og starf Skógræktar-
félags Heiðsynninga var einkum
sú að síðustu helgina í ágúst-
mánuði 2005 var aðalfundur
Skógræktarfélags íslands haldinn
að Lýsuhóli í Staðarsveit í boði
heimafélagsins sem stóð að sínu
leyti myndarlega að undirbúningi
hans. Hér verður ekki greint frá
störfum fundarins, en eins og
segir í blaðafrétt:var farið í
kynnisferð um sunnanvert Snæ-
fellsnes. Norðan við Laugar-
gerðisskóla hefur félagið (Skóg-
ræktarfélag Heiðsynninga)
ræktað landgræðsluskóg á 80
hekturum lands síðustu 15 ár
með ágætum árangri. Skóginum
var af þessu tilefni gefið nafnið
..Margrétarlundur" í höfuðið á
Margréti í Dalsmynni, formanni
Skógræktarfélags Heiðsynninga.
Þá var skógur félagsins á Hofs-
stöðum formlega opnaður
almenningi undir merkjum
verkefnisins Opinn skógur.
Sturla Böðvarsson, samgöngu-
málaráðherra opnaði skóginn
táknrænt með þvf að höggva
sundur birkigrein og með
flutningi ávarps. Skógurinn
hefur nú verið grisjaður og um
leið iagðir göngustígar og úti-
vistaraðstaða gerð aðgengileg
fyrir almenning—".
Nú hefi ég farið yfir sögu og starf
Skógræktarfélags Heiðsynninga,
stiklað á stóru og látið margs
ógetið. Býst ég ekki við að það
komi mjög að sök. Eitt er þó það
atriði sem ekki er vert að niður
falli með öllu að geta, semsé það
að allnokkrir félagar hafa átt því
láni að fagna að komast ásamt
öðru íslensku áhugafólki um
skógrækt í skógræktarferðir til
Noregs. Engum sem farið hefur
slfka ferð mun líða hún úr minni.
Um það get ég sjálfur borið. Og
hún hefur líka oftar en ekki verið
þeirra fyrsta utanlandsferð.
Hofsstaðaskógur er nú sem
stendur sýnilegasti ávöxturinn af
55 ára starfi Skógræktarfélags
Heiðsynninga. Hann er og mjög
aðgengilegur. Hann er þétt-
skipaður býsna vöxtulegum trjám
sem veita gott skjól, og þótt utan
hans næði vindur greinist hann
vart nema sem þytur í barr-
greinum og laufi.
Það verður enginn verri af
göngurölti um þann litla
skógarlund.
Margrét Guðjónsdóttir, formaður Skógrœktarfélags Heiðsynninga. Mynd: B.J.
SKÓGRÆKTARRITIÐ 2006
53