Skógræktarritið - 15.05.2006, Qupperneq 106

Sigurður Ingi Sigurðsson
F. 16. ágúst 1909. • D. 1. júní 2005.
Sigurður Ingi Sigurðsson var einn af stofnendum
Skógræktarfélags Árnesinga og sat í stjórn félagsins í
32 ár frá 1951 til 1983 og var formaður árin 1974 til
1981, þriðji í röð formanna félagsins.
Hann fæddist á Eyrarbakka 16. ágúst 1909 og lést
á Hrafnistu 1. júní 2005. Foreldrar hans voru Ingibjörg
Þorkelsdóttir, f. 1868, d. 1950, frá Óseyrarnesi og Sig-
urður Þorkelsson, f. 1867, d.1950, frá Flóagafli. Þau
eignuðust átta börn og komust sex þeirra til full-
orðinsára og var Sigurður Ingi næstyngstur systkina
sinna. Þau voru: Árni prestur, Ásgeir skipstjóri, Sigrún
húsfreyja á Rauðará, Þorkell vélstjóri, Þorsteinn,
Sigríður og Þóra Steinunn húsfreyja.
Rúmlega ársgamall fluttist Sigurður Ingi til
Reykjavíkur og ólst þar upp. Tók gagnfræðapróf frá
MR 1927 og búfræðipróf frá Bændaskólanum á
Hvanneyri 1929. Var f íþróttaskóla í Ollerup í Dan-
mörku 1929-1930. Stundaði landbúnaðarstörf að
Rauðará í Reykjavfk 1930-1936 og sigldi þá utan og
lauk kandidatsprófi f búfræðum frá Landbúnaðar-
háskólanum í Kaupmannahöfn 1939. Hann var
kennari við Garðyrkjuskóla ríkisins að Reykjum í
Ölfusi 1939-1943, skrifstofustjóri og fulltrúi stjórnar
Mjólkurbús Flóamanna 1943-1958, oddviti og
framkvæmdastjóri Selfosshrepps 1958-1970 og
launafulltrúi Kaupfélags Árnesinga 1970-1986.
Sigurðurlngi Sigurðsson kvæntist 17. janúar 1942
Arnfríði (ónsdóttur, f. 30. maí 1919 í Neskaupstað.
Sigurður Ingi og Arnfríður eignuðust fimm börn. Þau
eru: Hróðný, f. 1942, d. 1987, Sigurður Gunnar, f. 1944,
Tryggvi, f.1945, Ingibjörg, f. 1948, Elín María, f. 1959.
Þau hjón bjuggu á Selfossi frá 1943 til 2004 lengst
af á Víðivöllum 4 þar sem þau reistu sér hús og sfðan
í nokkur ár í húsi fyrir aldraða að Grænumörk á Sel-
fossi. í nóvember 2004 fluttu þau á Hrafnistu í
Reykjavík.
Ef litið er á náms- og starfsferil Sigurðar Inga
Sigurðssonar leynir sér ekki hvert hugur hans stefndi.
Það kemur því engum á óvart að hann, kennari við
Garðyrkjuskólann, væri í hópi þeirra sem stofnuðu
Skógræktarfélag Árnesinga í Tryggvaskála við
Ölfusárbrú 2. nóvember 1940. Þegar Skógræktar-
félagið hafði starfað í 11 ár var Sigurður Ingi kosinn í
stjórn þess og var þar næstu 32 ár.
Vorið 1958 sneri Sigurður Ingi sér að þátttöku í
stjórnmálum og var efsti maður á lista samvinnu-
manna, sem þá var borinn fram á Selfossi og hlaut
meirihluta í hreppsnefnd. Hann varð oddviti Sel-
fosshrepps og náði þrívegis endurkjöri og sat við
stjórnvölinn samtals f 12 ár. Árið 1950 voru fbúar
Selfosshrepps 967, en 1970 voru þeir orðnir 2397. Af
þessum tölum má ráða að mikil fólksfjölgun varð á
Selfossi á þessum árum.
Á fyrsta sumri Sigurðar Inga á oddvitastóli hófst
samvinna milli Selfosshrepps og Skógræktarfélags
Árnesinga um ungmennavinnu á Snæfoksstöðum og
skógræktina þar. Skógræktarfélagið leigði Selfoss-
hreppi 45 ha. lands úr jörðinni til 99 ára og var gerður
samningur þar um sem enn er í gildi. Selfosshreppur
lagði fram fjármagn til að greiða vinnulaun og kaupa
plöntur og önnur aðföng og leigja farartæki til að
koma ungmennunum á vinnustaðinn, sem er í 15 km
fjarlægð frá Selfossi. Sigurður Ingi og stjórn Skóg-
ræktarfélagsins fékk undirritaðan til að sjá um
verkstjórn ungmennavinnunnar. Sumar eftir sumar
var meira en hálft hundrað ungmenna í vinnunni, á
aldrinum 10 til 14 ára, sem skipt var í tvo hópa og
unnu annan hvern dag. Ekki var talin þörf á að fleiri
þyrfti en einn starfsmann til að fylgja hópnum. Farið
var í rútu að Snæfoksstöðum eins oft og kostur gafst
að sumrinu og rútan notuð sem vinnubúð og var eina
afdrepið sem hópurinn hafði. Ungmennavinnan og
fjárstyrkur Selfosshrepps gjörbreytti starfsemi skóg-
ræktarfélagsins og í kjölfarið fóru skógar að rísa á
Snæfoksstöðum. Mér er nær að halda að hvergi
annars staðar hafi svona samkomulag verið gert milli
sveitarfélags og skógræktarfélags og var hlutur
Sigurðar Inga þar mestur.
104
SKÓGRÆKTARRITIÐ 2006
Þegar við Sigurður Ingi fórum að starfa saman
kynntist ég eðliskostum hans og sá að þar fór
skarpgreindur maður og heiðarlegur, glettinn og
gamansamur, þegar við átti og ljúfmenni í hvívetna.
Og sfðast en ekki síst mikill kunnáttumaður um
ræktun. Gagnkvæmt traust tókst okkar á milli og
samstarfsárin urðu 25 frá 1958 til 1983. Öll 12 árin,
sem hann var oddviti Selfosshrepps, stjórnaði ég
ungmennavinnunni, sem hann kom á fót og saman
sátum við í stjórn skógræktarfélagsins í 16 ár.
Að mfnum dómi var Sigurður Ingi góður stjórn-
andi, ósérhlífinn og duglegur. Hann rak sveitarfélagið
á hagkvæman hátt og án allrar yfirbyggingar, hafði
góða yfirsýn yfir framkvæmdir, sem fóru vaxandi með
ári hverju. Ungmennavinnan var eitt af nýmælum sem
hann tók upp.
Þegar Sigurður ingi hafði setið í stjórn
Skógræktarfélagsins f 23 ár tók hann við formennsku í
félaginu. Stjórnarfundi hélt hann á heimili sínu og þar
tóku þau hjón á móti okkur stjórnarmönnum af
miklum myndarskap. Sigurður hafði formfestu á
fundum, dreif þá af og svo var sest að veisluborði
Arnfríðar og tekið upp léttara hjal. Að fundi loknum
var oft gengið út í garð þeirra hjóna Hann höfðu þau
ræktað af mikilli alúð og myndarskap við hús sitt.
Garðurinn var skjólsæll og sunnan við húsið voru
fagrar blómjurtir. En það sem vakti mesta athygli var
hve margar grænmetistegundir og matjurtir var þar að
finna í beðum og gróðurreitum. Sigurður ingi kunni
góð skil á öllu er laut að garðrækt. Hann var mikill
náttúrunnandi, það fann maður vel á ferðalögum, t.d.
á leið á aðalfundi Skógræktarfélags íslands, sem hann
sótti fjölmarga á árum áður.
Snæfoksstaðir voru Sigurði Inga hugstæðir.
Þangað fór hann með fjölskylduna að gróðursetja í
land, sem hann leigði af Skógræktarfélaginu og þar
vex nú vænn skógur. Einnig fór hann þangað til veiða
í Hvftá. Stangveiðin var eitt af mörgum áhugamálum
hans. Sigurður ingi var lunkinn veiðimaður og landaði
mörgum laxinum.
Skógræktin á Snæfoksstöðum sem hófst fyrir hálfri
öld stendur föstum rótum. Undanfararnir sem hófu
verkið á liðinni öld hverfa einn af öðrum en verk
þeirra eru sýnileg og verða öðrum til örvunar og
eftirbreytni á nýrri öld.
Óskar Pór Sigurðsson
SMffe
SKÓGRÆKTARRITIÐ 2006