Golf á Íslandi - 01.12.2008, Qupperneq 42

42 GOLF Á ÍSLANDI • www.golf.is
Það er óhætt að segja að golfvellir á norðvesturströnd Englands hafi verið í sviðsljósinu
síðastliðið sumar þegar OPNA breska meistaramótið fór fram á Royal Birkdale vellinum í júlí.
Völlurinn skartaði sínu fegursta og mótið tókst vel þar sem Írinn Patraig Harrington fór á
kostum og tryggði sér silfurkönnuna annað árið í röð.
Á leið okkar á Opna breska meistaramótið lékum við tvo golfvelli á þessu frábæra svæði í
strandbænum Southport, Royal Lytham og Hesketh. Á ensku golfströndinni eins og hann er
kallaður eru tuttugu frábærir golfvellir, gerðir frá náttúrunnar hendi. Þetta eru lang flestir
linksarar eða strandvellir og þrír þeirra eru á svokallaðri OPEN rútu, þ.e. Opna breska meistara-
mótið hefur verið haldið á þeim. Þetta eru Royal Birkdale, Royal Lytham & St. Annes og Royal
Liverpool. Þann síðastnefnda kynntum við hér í Golf á Íslandi fyrir tveimur árum eða þegar
Opna mótið fór þar fram. Sjö af þessum völlum eru meðal 36 bestu golfvalla í Bretlandi.
G O L F vellir í Nv-Englandi: