Golf á Íslandi - 01.12.2008, Page 85

85GOLF Á ÍSLANDI • DESEMBER 2008
Hér sést þegar Páll er í þann mund að skipta úr efstu stöðu og hefja niður-
sveifluna. Niðursveiflan hefst með hreyfingu mjaðma framávið og snúningi
til vinstri. Að auki hefur kylfan færst á flatari (inn-út) feril, eins og gjarnt er
með góða og högglanga kylfinga.
Þessa stöðu eiga allir högglangir sameiginlega. Mjaðmir eru vel snúnar til
vinstri, en axlir eru enn samhliða höggstefnu. Páll heldur úlnliðabrotinu vel
og lengi, handleggir eru komnir nánast yfir kúlu, en kylfan vísar enn upp á
við. Þessir þættir skapa mikinn kylfuhraða.
Páll er hér kominn örlítið lengra í niðursveifluna og kylfan er komin á réttan (hlutlausan) feril. Þetta má sjá með
því að draga línu frá kúlu og rétt yfir beltisstað. Ef skaft kylfunnar er samhliða þessari línu, þá er kylfan á réttum
ferli. Takið eftir hægri olnboga, hversu þétt hann er við líkamann, en illmögulegt er að ná réttum ferli án þess
að hægri olnbogi færist niður og að líkama.
Í höggstöðunni má sjá að hægri handleggur er
orðinn beinn, þ.e. Páll hefur sleppt kylfuhausn-
um (e. release) niður í kúluna. Þar sem hraður
snúningur er á mjöðmum og öxlum, þá á Páll
ekki í vandræðum með að rétta kylfuhausinn af
og slá bein högg.
ÚLFAR UM PÁL:
Það sem helst má setja út á sveifluna hjá Páli
er að hann beitir stundum óþarfa miklum
krafti, sem gerir það að verkum að of mörg
teighögg lenda utan brautar, sem gerir
honum erfiðara fyrir í innáhöggum. Einnig
hefur lengdarstjórn í innáhöggum verið
ábótavant. Páll hefur mjög góða tækni en
á eftir að læra að stjórna hraðanum betur
og ná þannig meiri stöðugleika í stefnu- og
lengdarstjórnum. Hann mun án efa bæta
slíkt á næstu árum og verða í toppbarátt-
unni í Kaupþingsmótaröðinni.