Helgarpósturinn - 20.12.1984, Blaðsíða 13

HP-VIÐTALI
hefur tekist góð samvinna milli mín og t.d.
Jóns Sigurbjörnssonar og Arnars Jónssonar,
svo ég nefni einhverja."
GULLSANDUR OG
GULLNA HLIÐIÐ
Gullsandur er ekki eina verkið sem kemur
fyrir sjónir íslendinga frá hendi Ágústs Guð-
mundssonar leikstjóra um þessi jól: Sjón-
varpið sýnir Gullna hliðið í leikstjórn hans á
jóladag, og það er örugglega einsdæmi hér
á landi að kvikmynd og sjónvarpsleikrit frá
sama leikstjóra séu þannig frumsýnd svo að
segja í sama vetfangi. Og nú var Háskólabíó
að tilkynna að sala væri hafin á myndbandi
Með allt á hreinu.
„Þetta voru gjörólík verkefni. Gullna hlið-
ið. Það er alveg voðalega gott leikrit. Snilld-
arlegt leikrit frá hendi höfundar. Og það er
svolítið merkilegt, finnst mér, að þetta leikrit
„fyrir alla fjölskylduná* sé sýnt á jólunum.
Það byrjar á einhverju sem gæti jafnvel verið
líknarmorð; kannski er gamla konan að
kæfa hann Jón sinn með pokanum, og það
furðulega er að þetta hvekkir engan! Það var
nefnilega verið að dæma konu í Bretlandi
fyrir rúmri viku í níu mánaða fangelsi fyrir
að aðstoða við sjálfsmorð. Hún setti plast-
poka yfir höfuð viðkomandi. Þegar ég las
um þetta þá hugsaði ég: Aha! Gullna hliðið!"
— Þú hefur sjálfsagt þurft aö setja þig í
talsvert áörar stellingar viö þetta verk en viö
venjulega kvikmyndatöku?
„Já, ég hef aldrei leikstýrt á sviði, en mig
hefur alltaf langað til þess. í Gullna hliðinu
fannst mér nauðsynlegt að halda mig við
leikritið. Þótt það breytist eitthvað við að
færa það af sviði í sjónvarpsstúdíó, þá er inn-
takið alveg það sama. Gullna hliðið hefur
verið tekið ýmsum tökum. Sumir taka það
sem „þjóðlegan alþýðuleik", aðrir sem
gamanleikrit. Ætli ég fari ekki bii beggja."
— Var þessi vinna gjörólík kvikmynda-
vinnunni?
„Já, hún var það. Leikritið tekur yfir 100
mínútur í flutningi og í því er gríðarlegur
texti fyrir leikarana. Þetta kallar á miklar
æfingar með þeim, sem er nokkuð sem
minna er um í bíómyndum."
— Fannst þér þú grœda á þeirri vinnu sem
kvikmyndaleikstjóri?
„Já, tvímælalaust gerði ég það. En það sem
reyndi mest á mann var þó að leysa öll
vandamálin í sambandi við myndræna úr-
vinnslu verksins. Það var verulega flókið
mál, mikil fyrirframvinnsla á öllum smáat-
riðum. Vegna þeirrar videóaðferðar sem við
notuðum voru kannski fjórar tökuvélar í
gangi fyrir aðeins eina mynd: Tvær fyrir bak-
grunninn, ein fyrir leikarann og ein fyrir,
segjum djöfulinn, sem birtist og hvarf í þessu
eina myndskeiði. En þetta var gaman.“
— Ertu aö fara afstaö meö eitthvert ann-
aö verkefni?
„Nei, nú er ég að fara að leggja hausinn í
bleyti."
— Er ekki ýmislegt á floti?
„Ég ætla nú ekki að segja, eins og Hrafn
um hinn fleyga nafna sinn, að Gullsandur sé
síðasta myndin mín. En öll framtíðaráform
hjá mér koma til með að byggjast á þeim við-
tökum sem Gullsandur fær hjá fólki. Ég vona
að hún gangi eins vel og hinar myndirnar
mínar.“