Helgarpósturinn - 12.09.1985, Síða 3
vöxturinn hleypur allur í eitt þykk-
ildi. Allt tábergið getur jafnframt
verið krökkt af líkþorni. Og sigg á
við skósóla á hælum."
— Sýnast þér lappirnar á mér
vera einhvers stadar í námunda vid
þessa lýsingu?
„Nei, þú ert með ósköp venjuleg-
ar lappir. Þær eru altént alveg
meinalausar."
— Er nokkurt fútt í því ad fást vid
svoleiðis býfur?
„Eg get nú ekki neitað því að mér
finnst meira varið í það að eiga við
illa farna fætur, þó ekki sé nema
vegna þess hvað maður er að gera
því fólki vel sem þar með losnar við
lítilvægustu mein sem samt hafa
kostað það miklar þjáningar."
— Hvad geturðu sagt mér um
fótagerö landans?
„Viltu vita hvort hún er eitthvað
öðruvísi en annarra þjóða?“
— Já, endilega!
„Ég held að við séum í engu frá-
brugðin öðrum þjóðum hvað þetta
átriði varðar. ..“
— Ekkert lengri, flatari, odd-
mjórri?
„Nei, gegnumgangandi er þetta
mjög svipað. Og eins er um kvillana:
Það eru sömu fótameinin sem
ásækja íslendinga og aðrar þjóðir
eftir því sem ég best veit.“
— Gegnumgangandi segirdu! Er
þá enginn fótur fyrir því að íslend-
ingar séu meiri flatlappar en aðrir
eins og einhverstaðar var bent á?
„Það má vel vera að svo hafi verið
í gamla daga þegar fólk gekk svo að
segja skóna sína upp til agna, en il-
sigið er hverfandi núna."
— Svo áfram sé vitnað í bœkur,
þá reit eitt stórskálda okkar einu
sinni hástemmda lýsingu af óþrifn-
aði okkar og til dœmis megnri fýlu
af tám fólks. Hefur orðið einhver
breyting til batnaðar á þessu, held-
urðu?
„Já, táfýla er hreint ekki eins
algeng og menn ætla. Og það er
mikill misskilningur að hún stafi
einvörðungu af óþrifnaði. Það er
oftast sem raki veldur henni og loft-
leysi. Þetta er ekki ólíkt þeim mis-
skilningi að ætla að fótamein stafi
fyrst og fremst af litlu hreinlæti. Al-
gengasta orsök þeirra er þröngur
eða lélegur skófatnaður."
— En þetta með táfýluna: Þú
hefur aldrei neyðst til að taka fyrir
nefið í starfinu?
„Nei, enda sendi ég alla undan-
tekningalaust í fótabað áður en ég
hefst handa.“
— Geturðu annars ímyndað þér
hvaða fólki sé helst hætt við táfýlu?
„Ég býst við að því fólki sem vinn-
ur mikið í raka sé einna hættast við
þessum kvilla. Ég nefni sjómenn og
fólk í frystihúsum sem stendur dag-
langt í loftlausum stígvélum. Það
leiðir eiginlega af sjálfu sér að fæt-
urnir lykti að kveldi.“
— Hvernig er annars með fólkið
sem kemur hingað til þín, kemur
það oft?
„Einu sinni í mánuði, ef það er á
annað borð búið að prófa þetta."
— Þetta er þá orðið eins og að
fara í klippingu?
„Jájá, þeir sem byrja birtast hérna
aftur og aftur."
— Menn verða kannski háðir
þessu?
„Því fer ekki fjarri. Fólk, sem farið
er að koma hingað reglulega, finnst
það vanta eitthvað þegar líða tekur
á fjórðu vikuna frá því það var
hérna síðast."
— Þannig að það má grœða á
þessu?
„Ég veit það nú ekki. Þetta er
frekar ódýr þjónusta sem veitt er
hérna. Ég reyni að minnsta kosti að
halda verðinu niðri og það er ekki
síst vegna þess að mér finnst að all-
ur almenningur eigi að geta veitt sér
þetta auðveldlega í hverjum mán-
uði.“
— Nefndu upphœðina.
„Venjuleg snyrting eða aðgerð
kostar fjögur hundruð krónur.
— Er starf fótasnyrtis skemmti-
legt, Hjördís?
„Þetta er mjög skemmtilegt...“
... að vœflast í tám náungans?!
„Já, ég myndi ekki kjósa mér aðra
vinnu. Það eitt að láta fólki líða bet-
ur, veitir manni mikið, að ég tali nú
ekki um að koma þeim aftur til
gangs sem eru orðnir það þjakaðir
til fóta að þeir kveljast við að stíga
niður. Aðalatriðið er náttúrlega að
fólk gangi héðan ánægt út af stof-
unni. í orðsins fyllstu...“
— Finnst þér annars ekki skrítið
að hafa lent í þessu, ég meina, á
meðan þú sinnir tám, bora aðrir í
tennur, og enn aðrir sortera nót-
ur. ..?
„Þú átt við hlutskipti manns. Jú,
vissulega er þetta skrítið, en jafn-
framt bara spurning um intressu
manna. I mínu tilviki beinist hún að
tánum, en hjá þér til að mynda sem
blaðamanni, að fólki almennt."
— Að svo mœltu fór hinn fótsnyrti
í gömlu sokkana sína — gleymdi
nefnilega að hafa með sér nýja — en
gekk engu að síður öðruvísi út en
hann kom inn.
Miklu ferskari bara. . .
eftir Sigmund Erni Rúnarsson
Erum við hin bölvað-
ir meðaljónar?
Steinþór Einarsson
„Nei, síður en svo. En við útnefninguna þurfum við að taka
tillit til fjölmargra atriða og valið er erfitt."
— Hvaða kostum þurfa menn að vera búnir til að geta
komið til álita sem framúrskarandi einstaklingar að
ykkar mati?
„Þeir þurfa að vera á JC-aldrinum, þ.e. frá átján ára til fertugs,
þegar menn eru orðnir fertugir er þeim sparkað. Síðan er farið
eftir ákveðnum reglum sem heimshreyfing JC setur, því okkur
langar til að koma okkar unga fólki inn í það „prógram" sem
er í gangi hjá henni. Síðan útnefnir hún „the outstanding young
persons" á heimsþingi. Þessir einstaklingar eru valdir út frá
einkunnarorðum hreyfingarinnar og jafnframt er mið tekið af
ákveðnum atriðum."
— Hver eru einkunnarorð hreyfingarinnar?
„Þau eru svohljóðandi: Það er skoðun vor að trú á guð veiti
lífinu tilgang og takmark; að bræðralag manna sé þjóðarstolti
æðra; að skipting gæðanna verði réttlátust við einstaklings-
frelsi og frjálst framtak; að lög skuli ráða fremur en menn; að
. manngildi sé mesti fjársjóður jarðar og að efling mannsandans
sé æðsta athöfn lífsins."
— En hver eru viðmiðunaratriði dómnefndarinnar?
„Þrjú af eftirtöldum skilyrðum verða viðkomandi að upp-
fylla: persónuþroski efnahagsleg velgengni eða efnahagsnýj-
ungar; félagslegar umbætur og úrlausnir á meiriháttar vanda-
málum vorra tíma; framlag til mannúðarmála eða sjálfboðaliða-
starfa; framlag til stjórnmála eða opinberrar þjónustu; framlag
á sviði vísinda eða tækni; lagabætur eða umbætur á sviði laga
eða löggjafar; afrek á sviði menningarmála; félagsleg forysta í
háskóla; afrek í námi; siðferðilegir eða trúarlegir forystuhæfi-
leikar; árangursrík viðleitni til að hafa áhrif á almenningsálitið;
framlag til alþjóðlegra samskipta. Þetta er afskaplega víðfeðmt
og þegar þarf að velta þessu fyrir sér í alþjóðlegu samhengi er
þetta orðið ennþá meira mál."
— En nú eru þeir sem skara fram úr í þetta skiptið
flestir á viðskipta- eða stjórnmálasviði.
„Jú, þeir eruáberandi, en þess bertil dæmisað gætaað þótt
Halldór Einarsson fáist við viðskipti hefur hann unnið ötult starf
innan íþróttahreyfingarinnar mjög lengi. En það er alveg rétt að
flestir þessara manna hafa verið með ýmsar nýjungar í við-
skiptalífinu, þetta eru hvetjandi og drífandi ungir menn."
— I þessum hópi er engin ung og drífandi kona.
„Ekki var það nú í þetta sinn, en þær voru virkilega skoðaðar
og verða áreiðanlega í þessum flokki síðar, því við stefnum að
því að gera þetta að árvissum viðburði."
— Svona meðaljónar eins og við á Helgarpóstinum
komum auðvitað ekki til greina. . .
„Ég veit ekki. En þú tekur kannski líka eftir því að það eru
engir pólitíkusar í hópi þeirra sem hlutu viðurkenningu. Það var
ein af þeim vinnureglum sem við settum okkur, að gefa þeim
frí sem alltaf eru í fjölmiðlunum þótt þeir komi til greina sam-
kvæmt alþjóðlegu viðmiðunarpunktunum. Opinberi starfs-
maðurinn kemur m.a.s. til greina ef hann vinnur gott starf. Ég
man eftir amerískum ríkisstarfsmanni sem hlaut viðurkenningu
vegna þess að hann fann upp leið til að spara margar milljónir
dollara í opinberum rekstri. Þannig koma allir til álita en ég álít
að þetta sé sérstaklega vandasamt í okkar litla þjóðfélagi, þar
sem allir þekkja alla. Sjálfsagt eiga einhverjir eftir að hnjóta um
þessa fyrstu útnefningu okkar. Enn sem komið er hef ég þó ein-
göngu heyrt jákvæðar athugasemdir."
— Hvað hefur það í för með sér fyrir verðlaunahafana
að komast í alþjóðlegu samkeppnina?
„Þeir byrja á því að útfylla eyðublöð hér heima þar sem er
rakinn allur þeirra ferill. Þau eru síðan send í dóm. Dómararnir
eru fimm og við vitum ekki fyrirfram hverjir þeir eru og þeir vita
ekki hver af öðrum. Þeir stigahæstu hljóta síðan útnefningu.
Upphefðin felst í því að þeim er boðið á næsta heimsþing sér
að kostnaðarlausu og þar taka þeir á móti viðurkenningu eða
verðlaunagrip frá hreyfingunni."
— Eru menn úr öllum stjórnmálaflokkum starfandi f
JC-hreyfingunni á islandi?
„Já, meira að segja þingmenn úr öllum stjórnmálaflokkum
starfa eða hafa starfað með JC. Aftur á móti ræðum við ekki
pólitík innan hreyfingarinnar. Starf okkar gengur fyrst og fremst
út á námskeiðahald og að efla einstaklinginn til að tjá sig í
ræðustól og nefndarstörfum."
Steinþór Einarsson skrúðgarðyrkjumeistari er meðlimur (JC á islandi.
JC-hreyfingin sæmdi sl. laugardag fimm menn nafnbótinni „framúr-
skarandi einstaklingur". Steinþór var formaður undirbúningsnefndar.
HP sló á þráðinn til hans til að grennslast fyrir um hvað þurfi til að skara
fram úr meðaljónunum.
HELGARPÓStURINN 3