Helgarpósturinn - 21.01.1988, Qupperneq 5

Nýbygging Listasafns íslands
100 MILLJONIR
IIMFRAM AHLUN
Heildarkostnaöur um 300 milljónir. Kostnaður við lóðarfrágang nífaldast. Aukaverk fyrir
10—20 milljónir. 6 milljóna króna bakreikningur frá Ármannsfelli hf. Innkaupastofnun að
drukkna í skjölum!
Nýbygging Listasafns íslands
Áætíaður heildarkostnaður 1983 var 200 milljónir. Nú er heildarkostnaðurinn áætlaður 300 milljónir.
Nýbygging Listasafns íslands við Fríkirkjuveg verður
loks opnuð formlega 30. janúar, rúmum áratug eftir að
fyrstu teikningar hússins sáu dagsins ljós. Elstu kostnað-
aráætlanir eru svo gamlar að þær finnast ekki með góðu
móti, en ljóst er að út frá áætlunum frá 1983, eftir að upp-
steypu hússins var lokið sem og frágangi þaks, hefur
framkvæmdin frá þeim tíma farið allt að 70% fram úr
áætlunum um kostnað til verkloka.
EFTIR FRIÐRIK ÞÓR GUÐMUNDSSON MYNDIR JIM SMART
Árið 1983 stóðu vonir til þess að
ljúka mætti framkvæmdunum,
fullnaðarfrágangi nýbyggingarinn-
ar og gamla Glaumbæjarhússins, á
árinu 1985. Að mati Gardars Hall-
dórssonar, húsameistara ríkisins,
þurfti til þessa um 95 milljónir króna
að núvirði og þá innifalinn kostnað-
ur vegna búnaðar og húsa- og lóða-
kaupa, en án hönnunarkostnaðar.
Ljóst er, að 1983 og fyrr hafði þegar
verið ráðstafað um 100 milljónum
króna í framkvæmdirnar og heild-
arkostnaðurinn því áætlaður um
200 milljónir króna á föstu verðlagi.
En 95 milljónirnar hjá húsameistara
verða við opnunina orðnar ekki
færri en 170, með hönnunarkostn-
aði.
ENDAR í 300
MILUÓNUM
Samkvæmt þeim upplýsingum
sem Helgarpósturinn hefur aflað
sér nam heildarkostnaðurinn vegna
áranna 1986 og fyrr alls rúmlega
163 milljónum króna. Hjá fram-
kvæmdadeild Innkaupastofnunar
ríkisins fékkst uppgefið að þegar
væri vitað um 71 m.kr. kostnað á ár-
inu 1987, en uppgjöri ólokið og á
þessu ári er áætlað að ekki minna
en 25 m.kr. fari í að klára verkið og
greiða skuldir. Heildarkostnaður
framkvæmdanna á föstu verðlagi
verður við opnunina á bilinu
260—270 milljónir króna. í samtali
við Guömund G. Þórarinsson,
formann bygginganefndar LÍ,
kemur fram að ekki verður lokið að
fullu kaupum á búnaði og frágangi á
lóð fyrr en á næsta ári og að
heildarkostnaður muni að líkindum
verða þá um 300 m.kr. 4—5 ára
gamlar kostnaðaráætlanir um 200
m.kr. heildarkostnað munu þá hafa
hækkað um 50% á föstu verðlagi.
Til samanburðar má nefna að
framkvæmdir vegna flugstöðvar
Leifs Eiríkssonar töldust hafa farið
um 40% fram úr fjárlögum og þótti
mönnum nóg um.
Ljóst er að fjármagnsskortur hef-
ur verulega dregið úr framkvæmda-
hraðanum, þrátt fyrir ítrekaðar
aukafjárveitingar. Það var t.d. ekki
fyrr en um vorið 1986 að samið var
við Ármannsfell um innanhússfrá-
gang og skyldi þeim framkvæmd-
um ljúka á bilinu frá árslokum 1986
til miðs árs 1987, þegar til stóð að
opna húsið í síðasta lagi. Sú áætlun
stóðst ekki fremur en síðari áætlun
um opnun í nóvember sl.
GRIPIÐ í TAUMANA
Dæmi um gróflega vanreiknaðan
framkvæmdakostnað er frágangur
lóðar, gróðurj hellulögn, útilýsing og
þess háttar. Árið 1983 áætlaði húsa-
meistari að til að ganga frá þessum
þáttum þyrfti á núgildandi verðlagi
um 860 þúsund krónur. Sýnt þykir á
hinn bóginn að kostnaður vegna
þessara þátta í fyrra og í ár verður
vart undir 7,5 milljónum króna og
hefur áætlunin þá nærfellt nífaldast
og frágangi þó ólokið. 1986, eftir að
samningar voru gerðir við Ár-
mannsfell um innanhússfrágang,
var áætlað að 10% færu í svokölluð
aukaverk eða um 6,5 m.kr., en þess-
ar greiðslur eru nú vart áætlaðar
undir 18 m.kr. Greiðslur á verðbót-
um vegna framkvæmda Ármanns-
fells hafa að vonum farið fram úr
áætlunum eða úr rúmum 3 milljón-
um í 6 milljónir 1987, enda fóru allar
tímaáætlanir úr böndum.
Samkvæmt heimildum Helgar-
póstsins þótti framkvæmdakostnað-
urinn keyra úr hófi fram á síðasta ári
og sendi framkvæmdadeild Inn-
kaupastofnunar ríkisins viðvörun-
arbréf til Hákonar Torfasonar,
deildarstjóra menntamálaráðuneyt-
isins, í ágústlok á síðasta ári. Sam-
kvæmt fjárlögum skyldi varið til
byggingarframkvæmdanna á því ári
64 milljónum króna, að meðtöldum
aukafjárveitingum 1986 og 1987
upp á 19,5 m.kr. í bréfinu var bent á
að framkvæmdir ársins við lista-
safnið væru komnar upp í tæplega
56 m.kr. og að miðað við rúmlega
HELGARPÓSTURINN 5