Morgunblaðið - 25.09.1974, Blaðsíða 23
MQRGUNKLAÐIÐ,‘MIÐVIKUDAGUR 25. SEPTEMBER 1974
23
Mrnning:
Guðlaug G. Þormar
F. 15/4 1905.
D. 15/9 1974.
AÐ kvöldi sunnudags 15. sept. sl.
andaðist á Borgarspítalanum frú
Guðlaug Þormar.
Mig langar til að minnast
hennar nokkrum orðum, þó að ég
viti, að sjálf hefði hún kosið að fá
að hverfa héðan án sérstakra
eftirmæla.
Guðlaug var fædd í Vík í Mýr-
dal 15. apríl 1905. Foreldrar
hennar voru Gunnar Ölafsson,
einn hinna landskunnu systkina
frá Sumarliðabæ, og Jóhanna
Eyþórsdóttir Felixsonar kaup-
manns í Reykjavík.
Árið 1909 fluttist hún með for-
eldrum sínum til Vestmannaeyja,
þar sem faðir hennar varð dug-
mikill athafnamaður til hárrar
elli. Þar ólst hún upp á stóru
fyrirmyndarheimili.
Náinn kunningsskapur var
milli foreldra hennar og foreldra
minna, sem settust að í Eyjum
nokkrum árum síðar. Byggði faðir
minn þá hús sitt í heimakálgarði
Gunnars og mátti því segja, að
fjölskyldurnar hafi verið í kall-
færi hvor við aðra upp frá því.
Tuttugu og fimm ára að aldri
giftist Guðlaug eftirlifandi manni
sínum, Andrési Þormar, aðal-
gjaldkera Landssímans, sem
reyndist henni einstaklega góður
lífsförunautur. Fluttist hún þá til
Reykjavikur, þar sem hún hefur
búið síðan, lengst af á Sóleyjar-
götu 33.
Þau hjónin eignuðust tvo syni,
Gunnar, sem er tannlæknir hér
í Reykjavík, og Birgi, lögfræðing,
fulltrúa yfirsakadómara.
Guðlaug sáluga átti fjögur syst-
kini, þrjá bræður og eina systur,
sem búsett er í Reykjavik.
Bræður sína þrjá, Ölaf og Sigurð
Ásgeir, sem voru meðeigendur i
fyrirtækjum föður þeirra, og
Eyþór lækni, missti hún alla á
bezta aldri. Voru þeir allir miklir
mannkostamenn eins og þeir áttu
kyn til I báðar ættir.
Guðlaug átti við mikil veikindi
að stríða á unglingsárum sínum,
því hún veiktist af berklum stuttu
eftir fermingu, en í Eyjum
herjaði þá berkiaveikin, sem
reýndar var þar landlæg fram-
undir miðbik þessarar aldar og
krafðist mikilla fórna ungra og
aldinna. Eftir að hafa dvalið lang-
dvölum á hælum hér og erlendis,
oft nær dauða en lifi, vann hún
loks fullan sigur á þessum vá-
gesti.
Á heimili Guðlaugar og
Andrésar, sem var fallegt og
aðlaðandi, rfkti ætíð blær hlýju og
ástúðar.
Guðlaug var fremur fáskiptin,
en þó glaðlynd. Hún var einlæg og
hjartahrein og oft barnsleg í Iund.
Naut hún gleðinnar bezt á heimili
sínu með góðum vinum.
Ég veit, að margir munu
minnast Guðlaugar, sem þegið
hafa gjafir hennar en hún hafði
mikið yndi af að gefa og það án
þess að hafa hátt um. Sérstaklega
var henni kært, þegar hún gat
veitt hjálp þeim, sem erfitt áttu.
Konan mín og ég sendum
manni hennar, sonunum og
barnabörnunum okkar innileg-
ustu samúðarkveðjur við fráfall
ástríkrar eiginkonu, móður og
ömmu.
Kristinn Ó. Guðmundsson.
Fáein kveðjuorð frá Vík f Mýr-
dal.
í dag verður gerð frá Dómkirkj-
unni f Reykjavík útför Guðlaugar
G. Þormar, en hún lést í Borgar-
sjúkrahúsinu að kvöldi sunnu-
dagsins 15. þ.m. Hafði hún þá
legið þar fársjúk um margra
vikna skeið, háð æðrulaust sitt
dauðastríð. Hafði gert sér fylli-
lega ljóst, að ekki myndi nema um
einn enda að ræða. Kvaddi þenn-
an heim eins og sönn hetja, sátt
við guð og menn.
Guðlaug G. Þormar var fædd
hér í Vík í Mýrdal 15. apríl 1905.
Dóttir þeirra hjóna Jóhönnu Ey-
þórsdóttur og Gunnars Ölafsson-
ar. Var Gunnar þá verslunarstjóri
Brydesverslunar í Vík. Lét þó
ekki verslunarstörfin ein nægja
sinni meðfæddu starfsorku og at-
hafnaþrá. Beitti sér jafnframt
fyrir fjölþættum félags- og fram-
faramálum byggðarlagsins og
sýslunnar. Var meðal annars kos-
in á þing 1908 og sat á alþingi sem
þingmaður Vestur-Skaftfellinga
til 1911. Tók síðar aftur sæti á
alþingi sem landskjörinn þing-
maður á síðarihluta 3. áratugar-
ins.
Hann hefur trúlega ekki rekist
vel f flokki að nútíma
hætti, hefði sjálfsagt ekki sætt sig
við að rétta upp hönd eða taka
afstöðu til mála eftir tilskipun
eða fyrirmælum. Hér verður hins-
vegar ekki farið nánar út f hans
eðlisþætti, en velvild Gunnars
Ólafssonar til Víkurkauptúns,
sem og Vestur-Skaftfellinga, hef-
ur allt til þessa verið við brugðið
af öllum, er gerst til þekktu. Því
er ekki óeðlilegt, þegar Guðlaug
dóttir hans er nú lögð til hinstu
hvíldar, að henni berist kveðjur
frá Vík.
Hér í Vfk leit Guðlaug fyrst ljós
þessa heims og hér f Vík gekk hún
fyrstu sporin út í hið óráðna líf og
sleit fyrstu barnsskónum.
Þótt hún væri ekki nema 4 ára,
er hún fluttist héðan með foreldr-
um sínum, mundi hún vel eftir
sér hér og bar í brjósti einlæga
velvild og vinarhug til Vfkur-
kauptúns alla tíð. Hefur þar að
sjálfsögðu einnig verið um áhrif
frá foreldrum og uppeldi að ræða.
1 blóma lífs síns 27. sept. árið
1930, giftist Guðlaug eftirlifandi
manni sínum Andrési G. Þormar
frá Geitagerði í Fljótsdal. Þeim
hjónum varð tveggja sona auðið,
Gunnars tannlæknis og Birgis lög-
fræðings.
Með Guðlaugu G. Þormar er
horfin héðan úr samfélagi lifenda
ein mætasta kona, er ég hefi
kynnst. Það hygg ég muni vera
samdóma álit þeirra, er henni
voru kunnugir.
Mér er það ávallt í minni, er ég
kom fyrst á hennar heimili að
Sóleyjargötu 33 á sólríkum
sumardegi fyrir nær 30 árum. Það
hefur löngum verið sagt, að
glöggt sé gests augað, en hvað um
það, þá er mér það þó minnisstætt
hversu mér kom þetta heimili
vinalega fyrir sjónir strax við
fyrstu sýn. Og mér var það vissu-
lega ljóst, er ég kvaddi eftir langa
dvöl, að hér hafði verið stofnað
heimili sannra heiðurshjóna og
verðandi vina.
Síðan hefi ég komið oft á
heimili þeirra. Þó ekki nærri
nógu oft, og allt hefur farið eftir
fyrstu kynnum. Að visu vorum
við ekki alltaf sammála, og hún
sagði mér stundum til syndanna,
verðskuldað, en af svo einstöku
hispursleysi, drenglund og hrein-
skilni, að það gat ekki annað en
yljað manni innan og glatt, en
aldrei kælt né sært.
Með þessum fátæku kveðjuorð-
um vil ég leyfa mér að þakka
Guðlaugu alla þá vináttú og
tryggð mér og mínum auðsýnda
frá fyrstu tíð. Og bið henni að
leiðarlokum eilífrar blessunar.
Eftirlifandi eiginmanni, sonum,
sonarbörnum, eins og öllu vensla-
fólki votta ég einlæga samúð.
Guðmundur Jóhannesson
Vfk f Mýrdal.
Sunnudaginn 15. september
andaðist á Borgarspítalanum Guð-
laug Þormar, eiginkona Andrésar
G. Þormar og móðir góðvinar
mins og kollega, Gunnars Þormar
tannlæknis og Birgis Þormar lög-
fræðings.
Ég átti því láni að fagna að
kynnast þessari ágætiskonu all
náið, og þess vegna langar mig til
að senda henni mínar innilegustu
hjartans hinstu kveðjur, þegar
hún nú verður til moldar borin.
Vinskapur okkar Gunnars hef-
ur ávallt verið mjög náinn síðan
hann var aðstoðartannlæknir hjá
mér, og frá þeim tíma verið sam-
band og vinátta okkar allra á
milli.
Það var mér alltaf sérstök
ánægja að koma að hið fallega
heimili þeirra Guðlaugar og And-
résar og njóta þeirrar einstöku
hlýju og velvildar, sem frá þeim
streymdi til mín.
Það er fyrir þetta, sem mig
langar nú til að þakka henni og
biðja henni guðs blessunar.
Jón K. Hafstein.
Gæt mildingur min
mest þurfum þín
helzt hverja stund
á hölda grund.
Set, meyjar mögur,
máls efni fögur, —
öll er hjálp af þér
í hjarta mér.
(Kolbeinn Tumason).
Guðlaug Þormar er nú komin á
það svið, sem ekki krefst nafn-
númers. Góð kona er gengin, sem
þeir feðgar sakna. Hún var trygg-
lyndur höfðingi, svo sem við vinir
hennar vitum. Lífið er bæði langt
og stutt. Öllu lánuðu þarf að skila
fyrr eða síðar, þótt stundum sé
erfitt að berja nestið. Ég óska
henni góðrar heimkomu. Fari hún
í friði.
Einar Þorláksson.
Á kveðjustund er margs að
minnast, og þakklæti til tryggra
og góðra vina er efst í huga.
Við hjónin þökkum áralanga
vináttu og ótal margar ógleyman-
legar ánægjustundir á heimili
Guðlaugar Þormar og eiginmanns
hennar.
Nú þegar hún er horfin og við
kveðjum hana hinstu kveðju, vild-
um við gera eftirfarandi ljóðlínur
að hennar orðum:
Guð mér gefðu ró f hjarta
gef mér kærleiks friðinn þinn.
Himneskt láttu ljósið bjarta
lýsa inn í huga minn.
Svo ég geti sofið rótt
f svefni fengið hvíld í nótt.
Send minn hug til sólarlanda
sýndu mér þinn undraheim:
Fögur blóm sem ilmi anda
engla fljúga á vængum tveim.
Svo ég geti sofið rótt,
í svefni fengið hvíld í nótt.
Með alúðarfyllstu samúðar-
kveðjum.
Ágúst Sæmundsson.
Afgreiðslu- Hjartans þakkir fyrir heimsóknir góðar gjafir, blóm.
stúlka heillaskeyti og annan góðhug mér auðsýndan í tilefni 85 ára afmælis míns, sem varþann 16. sept.
óskast. Góður Guð blessi ykkur öll.
Verzlunin Aldan, Sigríður Helgadóttir,
Öldugötu 29, Heiðargerði 55,
sími 12342. Reykjavík.
Óskum að ráða
afgreiðslustúlku í verzlun vora.
Upplýsingar í síma 233 1 7, í dag og á morgun.
BIOMLAYLXriR
HAFNARSTRÆTI 3 • REYKJAVÍK • SÍMAR: 12717-23317
imjram WMMVMINkM
Lyfjaframleiðsla Viljum ráða menn til starfa í framleiðslu- deild okkar nú þegar. Framtíðaratvinna fyrir rétta menn. Upplýsingar veittar á skrifstofutíma. Pharmaco h. f. Opinber stofnun óskar eftir að ráða skrifstofustúlku hálfan daginn. Vélritunarkunnátta nauðsynleg. Uppl. um menntun og fyrri störf sendist Mbl. fyrir 1 . október merkt 3311. Atvinna Reglusaman, duglegan mann vantar okk- ur nú þegar til lagerstarfa og fleira. Uppl. á skrifstofunni, Skúlagötu 51 , ekki í síma. Sjóklæðagerðin h. f.
Yfirmaður á lager Stjórnsamur maður með ábyrgðartilfinn- ingu óskast í yfirmannsstöðu á lager. Þeir sem vilja kynna sér þetta starf, gjörið svo vel að hafa tal af oss á venjulegum skrifstofutíma að Laugavegi 26. Húsgagnahöllin
Símastúlka óskast Coca Cola verksmiðjan óskar að ráða stúlku til símavörslu og afgreiðslustarfa í verksmiðjunni að Draghálsi 1 Árbæjar- hverfi. Upplýsingar gefur Guðmundur Óskars- son í verksmiðjunni. Verksmiðjan Vífilfell hf. Ungt par hjúkrunarkona og stúdent óska eftir vinnu Kennsla eða eitthvað annað starf (meirapróf) úti á landi kemur vel til greina. Húsnæði og barnagæzla fyrir 3ja ára dreng þarf að vera til staðar. Tilboð sendist Mbl. fyrir 5. okt. merkt: ,,7482".