Morgunblaðið - 04.04.1979, Blaðsíða 19

MORGUNBLAÐIÐ, MIÐVIKUDAGUR 4. APRÍL 1979
19
Ágúst Andrésson
Blönduósi áttræður
ÁGÚST ANDRÉSSON fæddist 4.
apríl 1899, svo hann fyllir áttunda
áratuginn í dag, 4. apríi.
Það hefur unnizt svo að því, að
hann hefur sloppið ágætlega við
það um dagana að verða bitbein
bókfræði. Hann hefur áreiðanlega
aldrei gert neitt það sér til dægra-
dvalar, sem hann hefur viljað
halda á loft sér til vegsauka, nemá
helzt að taka lagið í vinahópi. Þó
er hann einn þeirra manna, sem
mér hafa orðið samferða, er
traustustum fótum hafa staðið í
sínum sporum, síðastur til að hopa
af hólmi, manna ólíklegastur til
flótta þótt á móti blési, hljóðlátur
fullhugi er til þrautar skyldi
þreytt. Og hann var flestum
traustari þegn, þegar harðnaði í
spori. Og hann var flestum gildari
væri hann kosinn til fylgdar,
hraustmenni til afls og áræðis. En
hann sótti aldrei eítir vegtyllum,
enda munu þær ekki hafa boðizt
honum og hann enn síður hafa
beðizt þeirra. Foreldrar Ágústs
voru Inga Benediktsdóttir bónda á
Borgarlæk á Skaga og Andrés
Gíslason, bónda Ólafssonar, bónda
á Eyvindarstöðum. Kona Gísla var
Elísabet Pálmadóttir bónda í Sól-
heimum. Þau Eyvindarstaðahjón
voru fræg m.a. fyrir það að þeim
fæddust 23 börn og munu fá dæmi
þess hérlendis að ein kona hafi
fætt fleiri börn. Náðu 12 þeirra
þroskaaldri. Vöktu þau athygli á
marga lund en þó mest fyrir
frækni. Var Andrés talinn þeirra
fræknastur hlaupari, en fleiri
vöktu þau athygli fyrir vaskleik.
En hlutskipti foreldra Ágústs varð
það að þótt þau ættu ekki samleið
um annað en hann, varð hlutskipti
beggja örbirgð og þó trúlega enn
sárari á hennar hlið. Ágúst var því
ekki borinn til arfs.
Mestan hluta æsku sinnar
dvaldi Ágúst á Steiná og naut þar
góðs uppeldis fyrst og fremst fyrir
atbeina eldri barna Sigurðar Jak-
obssonar og þó að ógleymdri Ingi-
björgu Sigurðardóttur síðari konu
hans. En svo var þá títt að bók-
fræði var lítt í hávegum höfð og
naut Ágúst þar handleiðslu Jóns
Sigurðssonar, sem á margan hátt
var athyglisverður fyrir greind og
víðskyggni. En það mun nær hin
eina skólaganga, ef frá er tekinn
þriggja mánaða hluti úr námskeiði
unglinga á Sauðárkróki, sem hann
sótti og rækti af kappi.
Honum var snemma sýnt um
smíðar og dvaldi hluta úr sama
vetri við járnsmíðanám á Sauðár-
króki. Varð það til þess, að hann
stundaði smíðar um alllangt skeið
á Blönduósi eftir að hann fluttist
þangað. Síðar vann hann um all-
langt árabil við húsagerð í hérað-
inu, við handleiðslu Einars Even-
sens húsagerðarmeistara á
Karlakórinn Heimir
syngur á Suðurlandi
Bæ, Höfðaströnd, 3. marz.
KARLAKÓRINN Heimir í
Skagafirði ætlar í söngferð til
Suðurlands næstkomandi
föstudag 6. apríl og mun kórinn
syngja í sal fjölbrautaskólans á
Akranési kl. 9 á föstudagskvöld.
Kórinn heldur síðan austur í
Árnessýslu og syngur í Félags-
lundi í Gnúpverjahreppi kl. 3 á
laugardag og á Flúðum kl. 9
sama kvöld. Á sunnudag heldur
kórinn tvær söngskemmtanir í
Hlégarði í Mosfellssveit, þá
fyrri kl. 5 og þá síðari kl. 9.
Söngstjóri Heimis er Ingimar
Pálsson, einsöngvari er frú
Þórunn Ólafsdóttir og undirleik-
ari Einar Schwaiger. í kórnum
eru 38 söngfélagar, flestir
bændur í Skagafirði. Kórinn
hefur starfað í full fimmtíu ár
og þó hefur hann ekki farið
nema eina söngferð til Suður-
lands áður, en bændur eiga
oftast vart heimangengt sem
kunnugt er og er oft meira átak
fyrir þá að fara í þriggja til
fjögurra daga ferð heldur en
marga aðra að fara í þriggja
vikna sólarlandaferð.
Kórinn hefur undanfarið
haldið söngskemmtanir í sinni
heimabyggð við mjög góðar
undirtektir. — B.
Qlafsvík:
Einn ródradagur
féH úr í marz
Ólafsvík, 2. april.
HEILDARAFLI Ólafsvíkurbáta
frá áramótum var 7580 lestir í
1033 sjóferðum. Er það 3700
tonnum meira en á sama tíma í
fyrra. Gæftir voru með
eindæmum góðar í marz og féll
aðeins sá 8. úr með róður. Þó var
þá einn bátur á sjó héðan.
Allur afli þessa árs hefur því
náðst úr sjó og gegnum vinnslu í
hæsta gæðaflokki. Þarf að leita
langt aftur til að finna hliðstæðu í
þeim efnum. Mjög mikil vinna
hefur verið í úrvinnslu eins og
áður hefur komið fram í fréttum.
Saltleysi hrjáir verkendur mjög og
þarf að bregða skjótt við ef ekki á
illa að fara. Fyrsta sunnudagsfrí
sjómanna var í gær og að vonum
vel þegið. Aflahæstu bátar eru
Gunnar Bjarnason með 558 lestir í
59 sjóferðum, Fróði með 558 lestir
í 58 sjóferðum og Garðar II. með
540 lestir í 57 sjóferðum. I dag eru
allir bátar á sjó í sæmilegu veðri.
Helgi.
Blönduósi og naut þar handlagni
sinnar og glöggskyggni með ágæt-
um.
Ágúst vann og í tugi ára í
sláturhúsi S.A.H. á Blönduósi og
fló þar bæði fé og gripi og reyndist
þar sem annars staðar hinn vask-
asti.
Enn má nefna veiðimennsku
hans. Hann vár fyrst og fremst
íþróttamaður, jafnt til veiða sem
verka og hefur notið þeirrar leikni
sinnar allt til þessa dags, t.d. með
veiðistöng eða við selveiði. Enn
minnast þeir sláttumannsins, sem
á spildunni lentu með honum, en
sársaukalaust var ekki að sitja
eftir.
Ágúst er tvíkvæntur. Fyrri kona
hans var Sóley Þorvaldsdóttir,
eyfirskrar ættar, sem ólst upp á
Brandsstöðum, vel gerð kona og
fjölhæf, þótt hún nyti sinna gáfna
lítt. Hún missti ung heilsuna. Þau
eignuðust einn son, sem látinn er
fyrir nokkrum árum. Síðari kona
hans var Þorfhildur Einarsdóttir
saumakona á Blönduósi, merkis-
og sæmdarkona. Þeim varð ekki
barna auðið.
Ágúst er nú mjög hættur erfið-
isvinriu. Þó mun hann enn svo heill
í háttum að hann rennir fyrir lax,
þegar hann tekur að venja komur
sínar inn í Blöndu, til að svala
hinni eilífu þrá lífs og gróðrar, að
glæða veiðivötn vor hinu vakandi
lífi, þótt þeirri þrá séu sín tak-
mörk sett. Ég sendi Ágústi vinar-
kveðju og þökk fyrir æskuárin, að
ógleymdri þökk fyrir starfsárin,
jafnt fyrir gleði þeirra og það sem
á móti hefur blásið. Trúlega mun
þó gleðin báðum hugljúfari, þegar
svo er tekið að halla undan, sem
raun gefur nú vitni um og báðir
þakklátari fyrir blik hennar.
Guðmundur Jósafatsson
frá Brandsstöðum.
m

grei
ttur baKgrunnur
er mikilvægur?
Þarftuekkiað
endumýja bakgrunn
heimilisins ?
^ S/ippfé/agid íReykjavík hf
Málningarverksmiðjan Dugguvogi
Sími33433