Morgunblaðið - 01.12.1982, Blaðsíða 18

18
MORGUNBLAÐIÐ, MIÐVIKUDAGUR 1. DESEMBER 1982
I>ingfréttir í stuttu máli:
Orð og efndir:
Rafvæðing strjálbýlis
Fiskverð ákveðið með frjálsum samningum
Tveir fundir vóru í Sameinuöu þingi í gær. Á fyrri fundi vóru 15
dagskrárliðir, allt fyrirspurnir. Þessir liðir vóru allir teknir út af
dagskrá þar eð ráðherrar, sem svara áttu, eða þingmenn, er mæla áttu
fyrir dagskrárliðum, vóru fjarverandi. Á siðari fundinum var einkum
rætt um tillögu til þingsályktunar um
Rafvæðing strjálbýlis
Stefán Guðmundsson (F) mælti
fyrir þingsályktun, sem hann flyt-
ur ásamt fleiri framsóknarþing-
mönnum, þessefnis, að ríkisstjórn-
in skuli sjá um „að á næstu tveim-
ur árum (1983 og 1984) verði nægj-
anlegt fjármagn tryggt svo ljúka
megi rafvæðingu í sveitum sem
miðist við að samveita nái til allra
býla Iandsins með allt að 6 km
eins vírs línu, samkvæmt áætlun
Orkuráðs frá 14. apríl 1982. Jafn-
framt verði gerð og lögð fram
áætlun um lausn á raforkumálum
þeirra býla sem ekki hafa verið
tengd samveitu að áætlunartíma-
bili loknu".
Þorvaldur Garðar Kristjánsson
(S) tók sterklega undir það, sem að
baki byggi tillöguflutningnum.
Hann sagði þá áætlun Orkuráðs,
sem tillagan höfðaði til, vera allar
götur frá 1978. Ég hefi, sagði
Þorvaldur, flutt árlega, frá því
rafvæðingu strjálbýlis.
áætlunin var gerð, breytingartil-
lögur við fjárlagafrumvarp, þess-
efnis, að tryggja fjármagn til að
ljúka rafvæðingu umræddra 32
sveitabæja á einu ári en ekki
tveimur eins og tillagan fjallar
um. Stjórnarliðið hefur jafnan
fellt þessar tillögur.
Egill Jónsson (S) taldi illa hafa
verið staðið að þessum málum í tíð
núverandi ríkisstjórnar og að ekki
væri samræmi í tillöguflutningi
framsóknarmanna í þingsályktun
og fjárlagafrumvörpum sem
flokkur þeirra hefði staðið og
stæði að.
Hjörleifur Guttormsson, iðnað-
arráðherra, sagði m.a. að tillögur
um fjárveitingar til þessa verkefn-
is, til samræmis við áætlun
Orkuráðs, hefðu ekki náð fram að
ganga hjá ríkisstjórninni. Synjað
hafi og verið um lántökuheimild
til Framkvæmdasjóðs til verk-
efna, sem m.a. hefðu náð til
sveitarafvæðingar. Hinsvegar
hefði Byggðasjóður heimild til að
taka 2 m.kr. að láni í þessu sam-
bandi, sem hann hefði ekki tekið
afstöðu til. I ár hefði verið unnið
að Selárdalslínu og yrði hún full-
gerð fyrir áramót.
Verðlagsráð sjávarútvegs
Vilmundur Gylfason hefur flutt
frumvarp til niðurfellingar á 10.
grein laga nr. 81/1974 um Verð-
lagsráð sjávarútvegsins. Tiilagan
felur í sér þá skipulagsbreytingu
að „lágmarksverð á sjávarafla
verði ákveðið 1 frjálsum samning-
um af fulltrúum fiskkaupenda og
fiskseljenda í Verðlagsráði sjálfu.
Niðurfelling 10. greinar laganna
um sérstaka yfirnefnd Verðlags-
ráðs með oddamann frá Þjóð-
hagsstofnun felur það í sér fyrst
og fremst", segir í greinargerð, „að
tekið er fyrir bein afskipti ríkis-
valdsins af verðákvörðunum á
sjávarafla."
Veðurfregnir og
þjónusta landssíma
Tryggvi Gunnarsson (S) hefur
borið fram fyrirspurn til sam-
gönguráðherra um lestur veður-
fregna: „Hvers vegna er loft-
skeytamönnum á strandstöðvum
landsins bannað að lesa veður-
fregnir á metrabylgju?"
Rannsókn á laxastofninum
Davíð Aðalsteinsson (F) o.fl.
framsóknarmenn flytja tillögu til
þingsályktunar sem „felur ríkis-
stjórninni að hlutast til um að nú
þegar verði rannsóknir á laxa-
stofninum stórefldar, vegna auk-
innar sjávarveiði Færeyinga á
laxi“.
Kostnaður vegna athugunar á starfsemi ÍSAL:
Spurt um bakreikning á hend
ur Hafnarfjarðarkaupstað
Þingmenn Reykjaneskjördæmis,
Matthías Á. Mathiesen (S), Kjartan
Jóhannsson (A), Ólafur G. Einarsson
(S), Geir Gunnarsson (Abl.), Markús
A. Einarsson (F), Salome Þorkels-
dóttir (S) og Karl Steinar Guðnason
(A) hafa borið fram eftirfarandi
spurningar í Sameinuðu þingi til
Ragnars Arnalds, fjármálaráðherra:
• 1) Hvar er að finna lagaákvæði
eða samninga, þar sem Hafn-
arfjarðarkaupstað er gert að
taka þátt í kostnaði við at-
hugun á starfsemi íslenska
álfélagsins, sem iðnaðar-
ráðuneytið hefur staðið
fyrir?
• 2) Hver tók þá ákvörðun, að
Hafnarfjarðarkaupstað er
gert að taka þátt í umrædd-
um kostnaði, sem rikisbók-
haldið tilkynnir í bréfi 5. nóv.
sl.?
• 2) Hefur Hafnarfjarðarkaup-
stað áður verið gert að taka
þátt í slíkum kostnaði?
• 4) Hefur verið haft samráð við
Hafnarfjarðarkaupstað um
þá athugun sem fram hefur
farið?
• 5) Var umrædd ákvörðun tekin
með vitneskju Hafnarfjarð-
arkaupstaðar?
• 6) Hvenær hófust greiðslur á
umræddum kostnaði?
• 7) Hvernig skiptist kostnaður á
árinu 1981 vegna athugunar
á starfsemi íslenska álfélags-
ins, að fjárhæð kr. 2.831.803,
á eftirtalda útgjaldaflokka?:
a) Aðkeypt sérfræðiþjónusta.
b) Ferðakostnaður.
c) Funda- og risnukostnaður.
d) Annað.
• 8) Hver er útlagður kostnaður
vegna athugunar á starfsemi
íslenska álfélagsins til 31.
okt. 1982 og hvernig greinist
hann á sömu útgjaldaflokka?
• 9) Hefur verið tekin afstaða til
athugasemda Hafnarfjarðar-
kaupstaðar vegna umræddr-
ar gjaldfærslu?
Sjúkrabíll frá Citroen í salarkynnum Globus. Sjúkrabílar af þessu tagi henU vel á íslenzkum þjóðvegum oe hafa
reynst vinsælir úti á landsbyggðinni, að sögn forstöðumanna Globus. Hefur Globus selt tæpar 20 bifreiðir af læssari
tegund á ýmsa staði í dreifbýlinu. ^
Globus hf. 35 ára
GLOBUS hf. er 35 ára um þessar mundir, og í tilefni þessara tímamóta hefur
fyrirtækið opnað nýja þjónustumiðstöð í salarkynnum sínum að Lágmúla 5.
Jafnframt hefur verið opnaður nýr sýningarsalur fyrir bíla og búvélar á
fyrstu hæð hússins, og unnið er að því að tölvuvæða fyrirtækið.
Samkvæmt fundargerðabók
Globus, telst fyrirtækið stofnað
11. janúar 1947, en meðal annarra
voru stofnendur þess þeir Steindór
Hjaltalín, Einar Egilsson og
Margrét Thoroddsen, en Einar var
fyrsti framkvæmdastjóri þess.
Árni Gestsson, núverandi for-
stjóri Globus, keypti öll hlutabréf
fyrirtækisins 1956 og hófst þá
sjálfstæður rekstur fyrirtækisins,
sem rekið hafði verið í tengslum
við heildverzlunina Heklu. Á
fyrstu árum Globus voru viðskipt-
in ekki stór í sniðum, en smátt og
smátt hefur fyrirtækinu vaxið
fiskur um hrygg. Þannig voru
tveir starfsmenn í heilsdagsstarfi
og stúlka hálfan daginn í önd-
verðu, en í dag starfa um 50
manns hjá Globus.
Globus hefur fyrst og fremst
flutt inn ýmiss konar landbúnað-
artæki, en fyrir áratug tók fyrir-
tækið við Citroén-umboðinu hér á
landi. Á þessu tímabili hafa rúm-
lega tvö þúsund Citroén-bifreiðir
verið fluttar til landsins, þar af
rúmlega 200 það sem af er þessu
ári.
Þá gengust forráðamenn Globus
fyrir stofnun íslenzk-tékkneska
verzlunarfélagsins árið 1969 með
innflutning á ýmsum tékkneskum
vörum fyrir augum, einkum Zet-
or-dráttarvélum. Zetor hefur að
sögn forráðamanna Globus verið
um árabil mest selda dráttarvélin
hér á landi og var tvö þúsundasti
Zetor-inn afhentur á sl. ári.
Þegar Árni Gestsson hóf
sjálfstæðan rekstur Globus var
tekið á leigu 50 fermetra húsnæði
að Hverfisgötu 50 og lítil geymsla
fyrir varahluti þar í nánd, en nú
er fyrirtækið í eigin húsnæði að
Lágmúla 5 og fer starfsemi þess
fram þar á um 3.500 fermetra
gólffleti.
Eins og áður segir er Árni
Gestsson forstjóri Globus, en
framkvæmdastjóri fjármála er
Gestur, sonur hans. Fram-
kvæmdastjóri heildsöludeildar er
Börkur Árnason og framkvæmda-
stjóri söludeildar Þorgeir Örn Elí-
asson. Yfirbókari er Berta
Engilbertsdóttir, yfirmaður vara-
hlutadeildar Sigurður Kristjáns-
son, þjónustustjóri Jón Isdal og
verkstjóri á bílaverkstæði Egill
örn Jóhannesson.
Forráðamenn Globus hf. ásamt fulltrúm Citroen-verksmiðjanna í nýjum
sýningarsal fyrirtækisins að Lágmúla 5. Bifreiðin fremst á myndinni erlíkan
af hugsanlegum framtiðarbíl frá Citroen og nefnist hann Karin. Líkanið er til
sýnis í sýningarsal Globus fyrst um sinn. Morgunbiaðia/ Krístján
Tveir af æðstu mönnum útflutningsdeildar Citroen-bílafyrirtækisins franska
heimsóttu Globus í tilefni þess að tíu ár eru síðan Globus tók við umboðinu
hér á landi. Þeir Vion (t.h.) og Khoundadze halda hér á líkani af nýjustu
bifreið Citroen, BX-gerðinni, sem væntanleg er hingað til lands á næsta ári.
Daglega berast fyrirtækinu þúsund nýjar pantanir í þessa bifreið heima fyrir,
en enn sem komið er afkastar fyrirtækið ekki nema 150 bílum daglega, en
fliótlega verður bætt úr hví.
Úr varahlutalager Globus í þjónustumiðstöð fyrirtækisins að Lágmúla 5.