Morgunblaðið - 01.12.1982, Blaðsíða 32
^^^skriftar-
síminn er 830 33
^Afglýsinga-
síminn cr 2 24 80
MIÐVIKUDAGUR 1. DESEMBER 1982
Sérstætt gjaldþrotamál:
Krafa tollstjóra að
upphæð 1,2 millj.
króna kom of seint
KRAFA TOLLSTJÓRAEMBÆTTISINS í þrotabú T.H. Garðarson hf. fyrir
vangoldinn soluskatt, að upphæð liðlega 1,2 milljónir kr. kom of seint þannig
að hún var ekki tekin til greina. Frestur til þess að lýsa kröfum í þrotabúið
rann út þann 11. nóvember síðastliðinn, en krafa Tollstjóra barst ekki fyrr
en 14. nóvember.
Gildar kröfur í þrotabúið nema
liðlega 1,2 milljónum kr. T.H.
Garðarsson er hlutafélag sem
stofnað var um rekstur Sjón-
varpsbúðarinnar í Lágmúla 7.
Þegar sýnt þótti, að hlutafélagið
Tilraunir
með verkun
og geymslu
kindakjöts
Á VEGUM Rannsóknarstofnunar
landbúnaðarins að Keldnaholti eru
nú framkvæmdar umfangsmiklar til-
raunir í verkun og geymslu kinda-
kjöts. Framleiðsluráð landbúnaðar-
ins kostar tilraunirnar.
Fyrstu niðurstöður fást fljót-
lega uppúr næstu áramótum. Til-
raunir eru m.a. gerðar á söltunar-
aðferðum, mismunandi reykingar-
aðferðum, frysting kjöts er athug-
uð og mismunandi umbúðir svo og
geymsla á nýju ófrosnu kjöti. Til-
raunir af þessu tagi hafa ekki ver-
ið gerðar áður hér á landi en þær
eru m.a. gerðar vegna nýrra upp-
lýsinga um hugsanlega sykursýk-
isvalda í hangikjöti.
var að verða gjaldþrota keypti að-
alhluthafinn mestan hluta eigna
hlutafélagsins — lager og innrétt-
ingar. Eftir voru í eigu hlutafé-
lagsins skrifstofuáhöld og bíll, auk
víxla sem aðalhluthafinn notaði
til þess að greiða lagerinn og inn-
réttingar.
Eftir kaupin var óskað eftir að
félagið væri tekið til gjaldþrota-
skipta og var úrskurður þess eðlis
kveðinn upp hjá Borgarfógeta 20.
júlí síðastliðinn. Aðalhluthafinn
hóf að reka Sjónvarpsbúðina sem
einkafyrirtæki en nafnið hafði
hann látið skrá fyrir nokkrum ár-
um og lánað hlutafélaginu.
Skiptafundur var haldinn fyrir
skömmu og var búist við að helstu
kröfuhafar vildu láta reyna á
lögmæti þessara ráðstafana. Eng-
inn kröfuhafa mætti á skiptafund-
inn.
Forgangskröfur í búið nema um
120 þúsund krónum og hafa þær
verið greiddar. Þar sem krafa
Tollstjóra barst of seint og fellur
niður má búast við, að kröfuhafar
nái fram sem nemur um fimmt-
ungi krafna sinna.
* %
■S V. J
V- ‘
iimr ■ ______
Félagsmálastofnun í samvinnu við Námsflokka Reykjavíkur hefur
staðið fyrir matreiðslunámskeiði fyrir aldraða einhleypa karlmenn
undanfarna tæpa tvo mánuði. Er þetta fyrsta námskeiðið sinnar
tegundar, en þegar er kominn biðlisti á það næsta.
Meðfylgjandi mynd var tekin þegar fyrstu nemendurnir voru „út-
skrifaðir" og bar ekki á öðru en það sem þar var á boðstólunum
smakkaðist vel. Morgunblaðið/ Kristján Einarsson
Sauöfé fækk-
ar um 40.000
í haust
MIÐAÐ við sömu ásetningu sauð-
fjár í haust og var í fyrra, þá fækkar
sauðfé í landinu um 40.000 í ár að
sögn Gunnars Guðbjartssonar, fram-
kvæmdastjóra Framleiðsluráðs
landbúnaðarins, og er það enn meiri
hækkun en var í fyrra, en þá var þó
mikil fækkun vegna árferðis, eða
um 32.000 fjár. Gunnar sagði að
Framleiðsluráðinu hefðu enn ekki
borist allir samningar sem trúnað-
armenn þess úti á landi hefðu gert
við bændur um fækkun sauðfjár en
þeir samningar sem þegar hefðu
borist væru við rúmlega 100 bændur
og fælu í sér fækkun um 11.000 fjár.
Gunnar sagði að hlutfallslega væri
fækkunin mest á Austurlandi,
næstmest í Þingeyjarsýslu og
hlutfallslega þriðja mesta á Suður-
landi, en annars staðar minni.
Spáð var
hvassviðri
VEÐURSTOFAN spáði í gærkvöldi
að í nótt og dag yrði suðvestanátt
með allhvössum éljum í nágrenni
Reykjavíkur og síðan vaxandi suð-
austanátt síðdegis. Spáð var hvass-
viðri og slyddu sunnanlands i kvöld.
Búast mátti við óbreyttu veðri,
fram eftir degi um land allt, en
éljagangur var um land allt í gær,
nema á norðausturhorninu þar
sem var þurrt.
Fasteignaskattar í Reykjavík:
Allt að 2 þús. króna afelátt-
ur vegna lægri álagningar
FASTEIGNAMATIÐ hækkaði í dag um 78% að jafnaði á Stór-Reykjavík-
ursvæðinu, en þessi mikla hækkun stafar af miklum hækkunum á íbúðaverði
á þessu svæðinu á þessu ári. Eins og kunnugt er stefnir meirihluti Sjálfstæð-
isflokksins í Reykjavík að því að lækka fasteignagjöld á húsnæði borgarbúa
í 0,421% af fasteignamatsverði, en vinstri meirihlutinn í Reykjavík miðaði
við hlutfallið 0,5%.
Varðandi hækkun á fasteigna-
mati eru nefnd hér þrjú dæmi; 2ja
herbergja íbúð, sérhæð og einbýl-
ishús og tilgreind hækkun mats-
verðs þeirra. Einnig er reiknað út
hver fasteignagjöldin verða og
hver þau hefðu orðið miðað við
ilagningarreglu fyrrverandi borg-
arstjórnarmeirihluta í Reykjavík.
Fasteignamatsverð á 2ja her-
bergja íbúð, 65 fermetra, 1 3ja
hæða blokk í Breiðholti hækkar úr
353.000 kr. í 628.340 kr. Fasteigna-
gjöld af þeirri íbúð hefðu orðið
3.141,70 miðað við 0,5% regluna,
en verða 2.645,30 og munar þar
tæpum 500 kr. Matsverð 126 fer-
metra sérhæðar í Vogunum var
541.000 kr;, en verður 962.980 kr.
Fasteignagjöld af þeirri íbúð yrðu
4.814,90 miðað við 0,5% reglu
Geir Hallgrímsson um úrslit prófkjörsins:
Geri grein fyrir stöðu og við-
horfum flokksins á flokks-
ráðsfundi sem hefst á fóstudag
„ÉG MUN gera grein fyrir
stöðu og viðhorfum Sjálf-
stæðisflokksins á flokksráðs-
og formannaráðstefnu, sem
hefst nk. föstudag," sagði
Geir Hallgrímsson, þegar
Morgunblaðið ræddi við
hann um úrslit prófkjörs
Sjálfstæðismanna, en niður-
staða þess varð m.a. sú, að
formaður flokksins hlaut
kosningu í sjöunda sæti
framboðslistans í Reykjavík.
„Mér finnst athyglisvert
og ánægjulegt, að þátttakan í
prófkjörinu var mjög mikil,
og vitnar um styrk flokks-
ins,“ sagði Geir Hallgríms-
son ennfremur. „Ég óska
meðframbjóðendum mínum,
sem náðu mjög góðum
árangri, allra heilla, en auð-
vitað hef ég orðið fyrir von-
brigðum með útkomu mína
og hlýt að hugleiða hvaða
lærdóm megi af henni draga.
Á þessu stigi málsins sé ég
ekki ástæðu til að fjölyrða
frekar um úrslit prófkjörsins
sem slík,“ sagði Geir
Hallgrímsson.
Sjá einnig viðtöl á miðopnu.
Geir llallgrímsson
vinstri meirihlutans, en verða
4.054,10 miðað við reglu sjálfstæð-
ismanna. Þar munar um um 760
kr. Einbýlishús sem er 334 fer-
metrar að stærð og er í grónu
hverfi var metið á 1.483.000 kr., en
matsverð þess hækkar í 2.639.740
kr. Gjöld af því húsi hefðu orðið
13.198,70 miðað við 0,5% regluna,
en verða 11.113,30 miðað við regl-
ur sjálfstæðismanna og munar
þar 2085,40 kr. í öllum tilvikum er
miðað við nettóstærð íbúða, þann-
ig að í blokkaríbúðum er sameign
ekki talin með.
Davíð Oddsson, borgarstjóri í
Reykjavík, sagði í samtali við
Morgunblaðið að ef skattstuðlar
vinstri meirihlutans væru í gildi
þá hefðu fasteignagjöldin hækkað
um 78%, en vegna þess 15,8% af-
sláttar sem sjálfstæðismenn
veittu, þá lenti hækkun fasteigna-
matsins ekki með þeim þunga á
borgarbúum sem til hefði staðið.
„Hins vegar er ljóst að eignaskatt-
ar ríkisins munu lenda með ofur-
þunga á allan almenning, því þeir
eru í meginatriðum miðaðir við
fasteignir. Þegar gert er ráð fyrir
jafn lítilli skattvísitölu frá ríkinu
annars vegar og þessu háa fast-
eignamati hinsvegar mun þetta
þýða stórkostlega skattaaukningu
á fólk,“ sagði Davíð Oddsson.
Auk þessa má geta að Reykja-
víkurborg veitir lífeyrisþegum 5%
afslátt af fasteignagjöldum að
jafnaði.