Morgunblaðið - 05.03.1983, Blaðsíða 3
MORGUNBLAÐIÐ, LAUGARDAGUR 5. MARZ 1983
3
Fjárhagsáætlun Búnaðarfélags íslands:
Endar nást ekki
saman vegna skertra
framlaga ríkisins
Á BÚNAÐARÞINGI var lögö fram
til fyrri umræðu fjárhagsáætlun
Búnaöarfélags íslands fyrir árið
Ráðstefna um
þróun þjóðmála
RÁÐSTEFNA landsmálafélagsins
Varöar undir heitinu „Þróun ís-
lenzkra þjóðmála í Ijósi stefnu
Sjálfstædisflokksins" verður í Valhöll
laugardag, kl. 1.15. Verða fyrst flutt
undirstöðuerindi, þá verða hring-
borðsumræður um efnið og loks al-
mennar umræður til kl. 7.
Markús Örn Antonsson, borgar-
fulltrúi, talar um sjálfstæði sveit-
arfélaga og valddreifingu, Pétur
Blöndal, stærðfræðingur, talar um
skattheimtu á Islandi og hlut hins
opinbera, Bjarni Bragi Jónsson,
hagfræðingur, um stjórn peninga-
mála og lánamarkaðinn, Víglundur
Þorsteinsson, form. FÍI um at-
vinnumál. Björn Bjarnason, blaða-
maður, um utanríkismál og við-
skiptatengsl. I hringborðsum-
ræðum auk þeirra verða Geir Hall-
grímsson, Sverrir Hermannsson,
Eyjólfur K. Jónsson, Salome Þor-
kelsdóttir, Davíð Oddsson. Ráð-
stefnustjóri er Davíð Sch. Thor-
steinsson.
1983. Kom fram við umræðurnar að
fjárhagur búnaðarfélagsins hefur
aldrei verið erfiðari en nú vegna
skertra framlaga ríkisins og þrátt
fyrir að fjárhagsnefnd þingsins hafi
einungis sett í fjárhagsáætlun þau
útgjöld sem talin voru algert lág-
mark til lágmarksstarfsemi búnað-
arfélagsins var fjárhagsáætlunin
lögð fram með rúmlega tveggja
milljóna króna rekstrarhalla.
Á síðasta ári varð verulegt tap á
rekstri félagsins þrátt fyrir að
þjónusta þess hafi þá verið skert,
sérstaklega með því að taka að
mestu fyrir ferðalög ráðunauta til
bænda síðustu mánuði ársins. Ef
ekki fæst viðbótarfjárveiting til
starfseminnar á þessu ári er ljóst
að segja verður upp starfsfólki og
draga starfsemina enn meir sam-
an en orðið er, þrátt fyrir að menn
telji að um lágmarksstarfsemi sé
nú að ræða og lang flest verkefni
félagsins falin því með lögum.
I máli Jónasar Jónssonar bún-
aðarmálastjóra við umræðuna
kom fram að búnaðarfélagið
þyrfti til nauðsynlegrar starfsemi
sinnar á þessu ári 18—19 milljón-
ir, en samkvæmt fjárlögum er því
ætlað 12,5 milljónir.
Reiðhöll á
Reykjalundi?
„ÞAÐ HEFIIR orðið bylting í hagnýtingu íslenska hestsins á síöustu
árum, t.d. er talið að nú séu um 5.000 hestar á járnum á höfuðborgar-
svæðinu og hestamennska er orðin þjóðaríþrótt hjá okkur. Þetta skapar
nýtt viðhorf, landbúnaðurinn er til fyrir markaðinn, það fólk sem þetta
stundar þarf þjónustu sem landbúnaðurinn getur veitt.“
„Þessi þróun hefur rekið eftir
okkur í hrossaræktunarstarfinu
því fólkið vill gæðinga," sagði
Hjalti Gestsson formaður búfjár-
ræktarnefndar Búnaðarþings í
samtali við Mbl. Búfjárræktar-
nefndin hefur gert tillögu að
ályktun um stuðningsaðgerðir til
eflingar hrossarækt og reið-
mennsku í landinu sem væntan-
lega verður lögð fram til fyrri um-
ræðu á Búnaðarþingi í dag, laug-
ardag.
I tillögum sínum leggur nefndin
eftirfarandi til: að aðkallandi
byggingaframkvæmdir við stóð-
hestastöðina í Gunnarsholti geti
hafist sem fyrst, að komið verði á
kennslu í hestarækt og hesta-
mennsku við Bændaskólann á
Hólum m.a. í þeim tiigangi að
hestarækt geti orðið sjálfstæð
búgrein, að stofnaður verði
reiðskóli til að útskrifa reiðmenn
íslenska hestsins og að byggð
verði reiðhöll á höfuðborgarsvæð-
inu.
Nánar aðspurður um fyrirhug-
aða reiðhöll sagði Hjalti Gestsson
að nefndin legði til að skipuð
verði þriggja manna nefnd til að
leita samstarfs um málið við þá
aðila sem áhuga kynnu að hafa á
því. Hann sagði að ekki væri um
að tala minna hús en 1.000 fer-
metra, auk áhorfendaaðstöðu.
Nefndarmönnum hefði dottið í
hug að skynsamlegt gæti verið að
byggja reiðhöllina á Reykjalundi í
tengslum við Heilsuhælið en það
mál hefði þó ekkert verið rætt við
þá aðila ennþá. í þessu húsi ætti
reiðskólinn að hafa aðsetur og þar
gæti verið þjálfunarstöð fyrir
fatlað fólk auk þess sem marg-
háttuð sýningaraðstaða skapað-
ist.
Norræna húsið:
Jóhanna Bogadóttir
sýnir 70 myndir
JÓHANNA Bogadóttir myndlistar-
maöur opnar í dag klukkan 14 sýn-
ingu á um 70 verkum sínum í kjall-
ara Norræna hússins. Þetta er sölu-
sýning, og eru myndirnar olíumál-
verk, teikningar og grafíkmyndir.
Flest verkanna eru unnin á síðustu
þremur árum.
Jóhanna hefur tekið þátt í mörg-
um alþjóðlegum grafíksýningum
og haldið margar einkasýningar
bæði hér heima og víða erlendis.
Hluti af þeirri sýningu, sem
verður í Norræna húsinu var einn-
ig á sýningu í Helsingfors Konst-
hall og Bergens Kunstförening í
fyrra og nú síðastliðið haust í San
Fransisco (í boði World Print
Council). Ýmis söfn hafa keypt
verk eftir Jóhönnu, m.a. Museum
of Modern Art í New York.
Jóhanna Bogadóttir
Landað úr Eldborg HF 13 f Hull á dögunum.
Morgunblaðií: Jón Páll Ásgeirsson.
Eldborg landaði 215
tonnum af kolmunna-
flökum í Bretlandi
ELDBORG HF 13 landaði á föstudag fyrir viku 215,6 tonnum af
frystum kolmunnaflökum í Bretlandi. Fyrir aflann fengust 131.510
sterlingspund eða 610£ fyrir hvert tonn. Er það nokkru betra verð, en
fékkst fyrir aflann, sem landað var ytra í desember. í íslenzkum
krónum seldi skipið nu fynr rumle
kfló 18,24 kr.
Kolmunninn er nú genginn inn
í brezka lögsögu og þar hafa ts-
lendingar ekki heimild til veiða.
Eldborgin fer nú í slipp, en hvað
síðan verður mun ekki fullljóst.
Eldborg HF 13 hélt til kol-
munnaveiða við Færeyjar strax
upp úr áramótum, en stöðug ótíð
3,9 mtlljonir krona, meðalverð a
hamlaði veiðum. Þegar veður var
sæmilegt fékkst hins vegar
ágætur afli. Auk þeirra 215
tonna af flökum, sem skipið
landaði í Bretlandi, landaði
Eldborgin nokkru magni af kol-
munna til bræðslu í Færeyjum.
Þingsályktunartillaga
Nefnd geri
úttekt á tap-
rekstri opin-
berra fyrir-
tækja
Þingsályktunartillaga um kosn-
ingu nefndar til að gera úttekt á
taprekstri opinberra fyrirtækja,
hefur verið lögð fram á Alþingi,
en flutningsmenn tillögunnar eru
þeir Lárus Jónsson, Friðrik
Sophusson og Birgir ísl. Gunn-
arsson, alþingismenn Sjálfstæðis-
flokksins.
Kveður tillagan á um kosningu
7 manna nefndar til að gera úttekt
á rekstrarafkomu ríkisfyrirtækja.
Á nefndin að kanna hvers vegna
hallarekstur fyrirtækjanna und-
anfarið sé til orðinn og gera tillög-
ur til úrbóta. Samkvæmt tillög-
unni á nefndin að skila tillögum
fyrir 15. maí næstkomandi.
í greinargerð með tillögunni
segir, að á undanförnum árum
hafi rekstrargrundvöllur opin-
berra fyrirtækja algerlega brostið
og eðlilegt sé að bregðast við því.
Það eigi að gera með því að kanna
rækilega orsakir vandans og gera
viðeigandi ráðstafanir til úrbóta. I
greinargerðinni boða flutnings-
menn að nánar verði fjallað um
málið í framsöguræðu. Með þing-
sályktunartillögunni er fylgiskjal,
sem er skriflegt svar iðnaðarráð-
herra við fyrirspurn Lárusar
Jónssonar, en um það hefur verið
fjallað hér í blaðinu. Gera flutn-
ingsmenn þá athugasemd við svar
iðnaðarráðherra, að upplýsingarn-
ar um Áburðarverksmiðjuna séu
augljóslega ófullnægjandi.
NÖTAÐIR
QG
NYIR
Upió í das til kl4
SAAB- eigendur athugið,
tökum þann gamla upp í nýjan
-eöa seljum hann fyrir þig
ef þú vilt heldur. Mikil
eftirspurn tryggir hagstæð skipti.
TÖGGURHR
SAAB
UMBOÐIÐ
BÍLDSHÖFÐA 16, SÍMAR 81530-83104