Morgunblaðið - 05.03.1983, Blaðsíða 24
24
MORGUNBLAÐIÐ, LAUGARDAGUR 5. MARZ 1983
Útgefandi
Framkvæmdastjóri
Ritstjórar
Fulltrúar ritstjóra
Fréttastjórar
Auglýsingastjóri
hf. Árvakur, Reykjavík.
Haraldur Sveinsson.
Matthías Johannessen,
Styrmir Gunnarsson.
Þorbjörn Guðmundsson,
Björn Jóhannsson.
Freysteinn Jóhannsson,
Magnús Finnss.on,
Sigtryggur Sigtryggsson.
Baldvin Jónsson.
Ritstjórn og skrifstofur: Aðalstræti 6, sími 10100. Auglýsingar: Að-
alstræti 6, sími 22480. Afgreiðsla: Skeifunni 19, sími 83033. Áskrift-
argjald 180 kr. á mánuði innanlands. í lausasölu 15 kr. eintakið.
Þjóðarsamstaða
gegn Hjörleifi
Tvennt hefur nú gerst sem
enn staðfestir að Hjörleif-
ur Guttormsson og Alþýðu-
bandalagið hafa tekið alranga
stefnu gagnvart eiganda álvers-
ins í Straumsvík, Alusuisse.
Þeir Ingólfur Jónsson, fyrrum
ráðherra, Jóhannes Nordal,
seðlabankastjóri, og Steingrím-
ur Hermannsson, formaður
Framsóknarflokksins, hafa gef-
ið út yfirlýsingu þar sem þeir
sýna fram á að allar fullyrð-
ingar Hjörleifs um skaðsemi
samninganna við Alusuisse frá
1975 eru byggðar á hæpnum
forsendum svo að ekki sé meira
sagt. Það kemur í sjálfu sér ekki
á óvart, að enn einu sinni sé
bent á það, að Hjörleifur Gutt-
ormsson fari með rangt mál
þegar hann ræðir um álverið og
samningana við Alusuisse. Hitt
er athyglisvert hve þremenn-
ingarnir eru harðir í dómum um
skaðsemi þeirrar stefnu, sem
Hjörleifur hefur fylgt síðan
hann varð iðnaðarráðherra 1.
september 1978. Með réttu er
bent á það, að vandséð sé hverju
það þjónar málstað íslendinga
eða samstöðu þeirra í samning-
um við Alusuisse þegar Hjör-
leifur Guttormsson reynir að
stofna til illdeilna um allt, sem
aðhafst hefur verið í álmálum
áður en hann sjálfur varð
iðnaðarráðherra. Og í yfirlýs-
ingu þeirra Ingólfs, Jóhannesar
og Steingríms er einnig bent á
þá staðreynd að Hiörleifur
gætti ekki hagsmuna Islands í
samskiptum við Alusuisse eftir
hækkunina á olíu 1978 og 1979,
ekki var leitað eftir endurskoð-
un á raforkuverði fyrr en í sam-
bandi við ákærur Hjörleifs á
hendur Alusuisse um of hátt
verð á súráli í árslok 1980. Segja
þremenningarnir engan vafa á
því að samningsstaða íslands
hefði verið mun betri ef hafist
hefði verið handa strax í kjölfar
hækkunar orkuverðs og á með-
an áliðnaðurinn átti við blóm-
lega afkomu að búa.
Sama dag og fyrrgreind yfir-
lýsing er send fjölmiðlum sam-
einast fulltrúar allra flokka
nema Alþýðubandalagsins um
það í atvinnumálanefnd sam-
einaðs þings, að Hjörleifur
Guttormsson skuli sviptur for-
ræði á álmálinu. í greinargerð
fyrir tillögunni um þetta segir
meðal annars: „Að undanförnu
hefur komið í ljós að iðnaðar-
ráðherra hefur ekki auðnast að
ná víðtækri samstöðu um hags-
munamál þjóðarinnar gagnvart
Alusuisse. Ekkert tillit hefur
verið tekið til ábendinga ann-
arra í máli þessu og ráðherra
lagt fram þingmannafrumvarp
í neðri deild alþingis um ein-
hliða aðgerðir. Þar með hefur
ráðherrann siglt málinu inn á
brautir sem enginn sér fram
úr.“
Það er svo dæmigert fyrir fá-
vísleg vinnubrögð Hjörleifs
Guttormssonar, að á sama tíma
sem allir taka þannig höndum
saman til að bjarga því sem
bjargað verður eftir óhöndug-
lega meðferð hans á álmálinu
skuli hann nota embætti sitt og
ráðherravald til að senda Alu-
suisse borginmannlegt skeyti
um að nú skuli Svisslendingar
vara sig, af því að frumvarp sé
komið fram á þingi sem bjóði
þeim byrginn. Það er einmitt
þetta frumvarp sem þingmenn
utan Alþýðubandalags telja að
hafi siglt „málinu inn á brautir
sem enginn sér fram úr“.
SVR í sérflokki
Georg Ólafsson, verðlags-
stjóri, skýrði frá því hér í
blaðinu í gær, að „samkomulag"
væri um það að sum samgöngu-
fyrirtæki gætu hækkað gjald-
skrár sínar án þess að sækja um
leyfi til þess til Verðlagsstofn-
unar. Sú spurning hlýtur að
vakna í þessu sambandi, hvers
vegna Strætisvagnar Akureyrar
geti hækkað fargjöld sín án
nokkurs atbeina Verðlagsstofn-
unar eða tilmæla til hennar en
Verðlagsstofnun ákveði að beita
fógetavaldi og nú rannsóknar-
lögreglumönnum þegar fargjöld
Strætisvagna Reykjavíkur eru
hækkuð með sama hætti.
Verðlagsráð ber fyrir sig í
harkalegum aðgerðum gegn yf-
irvöldum Reykjavíkurborgar,
að það verði að gæta lagar og
réttar. Og Þjóðviljinn, málgagn
Ragnars Arnalds, fjármála-
ráðherra, sem lögum sam-
kvæmt á að leggja fram láns-
fjárætlun í októbermánuði en
hefur ekki gert það enn, spyr
þóttafullur i gær: „Og ef Davíð
fær að brjóta lögin, hvers vegna
þá ekki olíufélögin eða kaup-
maðurinn á horninu?" Auðvitað
mælir enginn með lögbrotum,
hvað svo sem lánsfjáráætlun
Ragnars Arnalds líður. En þess-
um löghlýðnu mönnum ætti að
vera ein meginregla ljós: Allir
eiga að vera jafnir fyrir lögun-
um. Og því er spurt: Hvers
vegna er SVR í sérflokki hjá
Verðlagsstofnun?
Það var fjölmennt við opnunarathöfnina á félagsmiðstöðinni í gær.
Félags- og menningan
við Gerðuberg
tekið í notkun
FÉLAGS- og menningarmiðstöðin við Gerðuberg í Breiðholti var formlega tekin í
notkun í gær, en framkvæmdum var að mestu lokið í október sl. Með tilkomu
þessa húss mun aðstaða íbúa í Breiðholti til hvers kyns félagsstarfsemi batna til
muna, en byggingin er vel í stað sett, þéttasta byggðin á næsta leiti og margir
skólar í nágrenninu. Húsinu er skipt í þrjá hluta. I austurálmu er bókasafn, í
vesturálmu er aðstaða fyrir félagsmálastarfsemi og tónlistarskóli, en í miðri
byggingunni er anddyri, forstofur og rúmgóður veitingasalur. Það er Reykjavík-
urborg sem fjármagnar rekstur menningarmiðstöðvarinnar.
Aðdragandinn
Árið 1965 var sett á laggirnar
framkvæmdanefnd byggingaráætl-
unar sem átti að skipuleggja bygg-
ingar í Breiðholti. Stefnt var að því
að byggja 1250 íbúðir og árið 1975
var 1221 íbúð tilbúnin. Þá var ákveð-
ið að nota fyrningarfé framkvæmda-
nefndarinnar til byggingar félags- og
menningarmiðstöðvar. Fékkst form-
legt leyfi til þess í september 1978.
Jafnframt var ákveðið að Reykjavík-
urborg mundi verða byggingaraðili.
Heildaruppdrættir voru gerðir á ár-
unum 1977—78, en í október 1978 var
byrjað á grunni hússins.
Húsið sjálft
Húsið er á tveimur hæðum og
stendur við verslunartorg í nokkrum
halla. Hallinn hefur verið nýttur á
þann hátt að á 1. hæð er gengið beint
inn í garð hússins, en á 2. hæð er
gengið inn frá torginu. Er þetta mik-
ill kostur, því þetta fyrirkomulag
auðveldar hreyfihömluðu fólki að
ferðast um allt húsið. Eins og áður
sagði er byggingunni skipt í þrjá
hluta, bókasafn, anddyri og veit-
ingasal, og aðstöðu fyrir félagsmála-
starfsemi. Veitingasalurinn rúmar
100 manns, og inn í hann er gengið
beint af verslunartorginu sem er
norðan hússins. í búkasafninu er
rúm fyrir 60—70 þúsund bindi, og
verður því skipt niður í deildir fyrir
börn og fullorðna. Á efri hæð er
samkomusalur sem rúmar 100 gesti,
en einnig minni herbergi. Á neðri
hæð er aðstaða fyrir margs konar
félagsstarfsemi, svo og nokkur her-
bergi fyrir nauðsynlega þætti félags-
málastarfsins sem þarna mun fara
fram.
Stærð hússins er 2.980 gólffer-
metrar á báðum hæðum, sem skipt-
ist þannig að félagsmáladeildin fær
1.780 fm til umráða, en bókasafnið
1.200 fm. Allt húsið er 11.400 rúm-
metrar, eða nokkru stærra en Kjar-
valsstaðir, svo dæmi sé tekið.
Húsið er teiknað af Gísla Hall-
dórssyni og Halldóri Guðmundssyni.
Notkun hússins og rekstur
í húsinu mun fara fram hvers kyns
félags- og menningarstarfsemi eins
og komið hefur fram, en þegar hefur
verið ákveðið að eftirfarandi félög
fái aðstöðu í húsinu: Framfarafélag
Breiðholts III, kvenfélagið Fjall-
konur, Bridgefélag Breiðholts, AA-
samtökin og Breiðholtsdeild JC.
Reykjavíkurborg fjármagnar
rekstur menningarstöðvarinnar og
eru fjárveitingar til starfseminnar
ákveðnar við gerð fjárhagsáætlunar
borgarsjóðs ár hvert. í umboði borg-
aryfirvalda starfar sérstök rekstrar-
stjórn, sem í eiga sæti: Markús Örn
Antonsson, fyrir hönd Félagsmála-
ráðs Reykjavíkur, Ásta K. Ragnars-
3—5 fc
Formaður stjórnar framkvæmdanefndar
jónsson, afhendir Davíð Oddssyni borga
innar til Reykjavfkurborgar á Félags- og
dóttir, fyrir hönd Æskulýðsráðs
Reykjavíkur, Anna Arnbjarn-
ardóttir, fyrir hönd Borgarbókasafns
Reykjavíkur, Guðrún Birna Hann-
esdóttir, tilnefnd af Framfarafélagi
Breiðholts III, og Ómar Einarsson,
framkvæmdastjóri Æskulýðsrsáðs
Reykjavíkur. Forstöðumaður menn-
ingarmiðstöðvarinnar er Elísabet B.
Þórisdóttir.
Húsið í eigu
Reykjavíkurborgar
Framkvæmdanefnd byggingar-
áætlunar afhenti Davíð Öddssyni
Félags- og menningarmiðstöðin við Gerðuberg í Hólahverfi. Stjórn menningarmiðstöðvarinnar hefur ákveðið að efna til
hugmyndasamkeppni um nafn á húsið, og skoðanakönnunum um hugsanlega nýtingu hússins í framtíðinni.