Morgunblaðið - 20.07.1991, Blaðsíða 27
MORGUNBLAÐIÐ LAUGARDAGUR 20. JÚLÍ 1991
27
félk í
fréttum
MENGUN
Vöngum velt yfir lýsissteini
Eiður Guðnason, umhverfismála-
ráðherra, og Magnús Jóhann-
esson, aðstoðarmaður hans og fyrr-
um siglingamálastjóri, brugðu sér
á dögunum vestur á Strandirnar til
að kanna grútarmengun
sem þar hefur sést á
sjó og í ijörum. Á
myndinni virða þeir
félagar fyrir
sér stein sem hulinn er menguninni
sem í upphafi var kölluð grútur en
rannsóknir benda til að séu að uppi-
stöðu fisklýsi. Þeir félagar stöðvuðu
stutt við á Ströndum en hafa eflaust
komið til höfuðstaðarins
reynslunni
ríkari.
Morgunblaðið/Vilmundur Hansen
Hér sést hvar leikarinn Rob Lowe stendur á milli rokkaranna David
St. Hubbins og Nigel Tufnel.
Eddie Van Ha-
len lét sig ekki
vanta þótt hann
væri nýorðinn
pabbi.
Ekki veitir af loftmiklum lungum þegar þjóðsöngurinn er tekinn.
Roseanne Barr ásamt bónda sínum, Tom Arnold, við setningu leik-
anna. ___________
LOS ANGELES
Fræga fólkið bregður á leik
Það vakti mikla athygli nýverið
þegar ýmsar bandarískar
stórstjörnur brugðu sér í sportföt
og tóku þátt í íþróttaleikum sem
haldnir voru í Los Angeles. Engir
afreksmenn á íþróttasviðinu tóku
þátt í mótinu heldur eingöngu
þekktir leikarar og tónlistarmenn.
Tilgangurinn með þessu uppátæki
var að afla fjár til góðgerðastarf-
semi með sölu aðgangseyris og
sótti fjöldi fólks mótið til að styrkja
gott málefni og horfa á fræga
fólkið keppa í íþróttum. Leikarnir
stóðu í fjóra daga og var keppt í
fjölmörgum íþróttagreinum. Alls
söfnuðust um 25 milljónir króna
meðan á mótinu stóð og er ætlun-
in að þeir fjármunir renni til rann-
sókna á krabbameini, hvítblæði-og
eyðni.
Ljósmynd/Björg Sveinsdóttir
Við kynningu á Húnavershátíð brugðu aðstandendur hennar sér í víkingaskrúða, sigldu dýrum knerri
suður til Hafnarfjarðar og gerðu strandhögg.
VERSLUNARMANNAHELGIN
Rokkhátíð í Húnaveri
Nú líður óðum að verslunar-
mannahelgi og má þá búast
við að stór hluti þjóðarinnar, og þá
ekki síst unga fólkið, leggi land
undir fót. Ferðir ungs fólks um
verslunarmannahelgina, á úti-
skemmtanir, hafa tíðkast mörg
undanfarin ár og eru orðnar hluti
af skemmtanahefð íslendinga.
Nú er undirbúningur að hinni ár-
legu rokkhátíð í Húnaveri komin á
lokastig. Að sögn aðstandenda há-
tíðarinnar verður hápunkti íslensks
tónlistarsumars náð með henni en
meðal flytjenda verða, meðal ann-
arra, Síðan skein sól, Sálin hans
Jóns míns, Stuðmenn, „Todmobile,“
„Bootlegs,“ Bless og Blúskompan-
íið. Auk þess munu um þrjátíu ung-
sveitir heyja hljómsveitaeinvígi og
verða sigurvegararnir sendir til
keppni sem fer fram í Danmörku í
september. Allt kapp hefur verið
lagt á að tryggja sem best hljóm-
gæði á hátíðinni og segja mótshald-
arar að aðeins verði notaður full-
komnasti tækja- og sviðsbúnaður í
því skyni. Alls munu á þriðja hundr-
að íslenskra tónlistarmanna koma
fram á hátíðinni en auk þess munu
vel yfir tvö hundruð manns sjá um
sjúkragæslu, löggæslu og ýmis kon-
ar aðstoð við mótsgesti.
Að undanförnu hefur nokkuð verið
rætt um skipulagningu og fyrir-
komulag útihátíða á borð við þá sem
haldin verður í Húnaveri um versl-
unarmannahelgina. Að sögn Jakobs
Magnússonar, eins aðstandenda
hátíðarinnar, má búast við miklu
fjölmenni á hana, nú sem endra-
nær. „Það er alveg ljóst að fjöl-
margir munu sækja útihátíðir um
verslunarmannahelgina og sem bet-
ur fer virðist þróunin stefna í þá
átt að fólk sæki frekar staði eins
og Húnaver þar sem boðið er upp
á vandaða skemmtidagskrá, góð
aðstaða er fyrir hendi og fjölmennt
starfslið er til hjálpar ef vanda ber
að höndurn," sagði Jakob.
Heyrst hefur að um verslunar-
mannahelgina muni lögregluþjónar
um allt land gera leit í farangri
útihátíðargesta og gera áfengi upp-
tækt. í bréfi, sem aðstandendur
Húnavershátíðarinnar hafa sent frá
sér, segir að slík eignaupptaka verði
ekki stunduð á komandi Húnavers-
hátíð. Hins vegar muni lögreglu-
þjónar og starfsmenn hátíðarinnar
tryggja öryggi með því að taka á
þeim vandamálum, sem upp kunna
að koma á svæðinu, á sem farsæl-
astan hátt.
FRANK SHORTER
SPORTFATNAÐUR
"TVEIR TRAUSTIR"
Settu traust þitt á Frank Shorter og
NIKE - Þeir bregðast ekki
Borgarkringlan, sími 67 99 55