Morgunblaðið - 30.11.1995, Blaðsíða 12

12 FIMMTUDAGUR 30. NÓVEMBER 1995
MORGUNBLAÐIÐ
FRÉTTIR
Skýrsla SUS um húsnæðismál afhent félagsmálaráðherra
Skattaafsláttur komi í
stað húsnæðiskerfisins
Telja sparnað ríkis 1,2 milljarða króna
Morgunblaðið/RAX
GUÐLAUGUR Þór Þórðarson formaður SUS, Magnús Árni
Skúlason og Hlynur Guðjónsson framkvæmdastjóri SUS afhentu
Páli Péturssyni félagsmálaráðherra skýrslu með tillögum um
úrbætur í húsnæðismálum.
FULLTRÚAR Sambands ungra
sjálfstæðismanna afhentu Páli Pét-
ussyni félagsmálaráðherra skýrslu
SUS með tillögum um nýjar lausnir
í húsnæðismálum á mánudag.
Skýrsluhöfundar telja húsnæðismál-
in komin í óefni og sé erfítt fyrir
ungt fólk að eignast húsnæði. Aukin
húsbréfaútgáfa þýði aukna ríkis-
ábyrgð og afleiðingar hennar séu
skert lánstraust ríkissjóðs og um
leið íslensku þjóðarinnar.
í skýrslunni er lagt til að í stað
núverandi fyrirkomulags sem felst í
rekstri Húsnæðisstofnunar, fram-
lögum til Byggingasjóðs ríkisins og
verkamanna og vaxtabótakerfis,
komi skattaafsláttur til einstaklinga
sem kaupa sínu fyrstu íbúð. Afslátt-
urinn myndi nema 1,2 milljónum
króna fyrir einstakling, eða 2,4 millj-
ónum fyrir sambýlisfólk og hjón.
Sparnaður á bundinn
reikning
„Framkvæmdin yrði með þeim
hætti að viðkomandi einstaklingur
sem hefði náð 18 ára aldri eða vinnu-
veitandi hans legði þá upphæð sem
hann ætti að greiða í skatta inn á
bundinn reikning í innlánsstofnun.
Þegar að íbúðarkaupum kæmi yrði
upphæðin notuð til útborgunar á
íbúðinni. Ef viðkomandi vill kaupa
sér íbúð þegar í stað án þess að hafa
safnað inn á reikning færi skattaaf-
slátturinn jafnóðum í afborganir af
íbúðinni," segir Magnús Árni Skúla-
son, annar skýrsluhöfunda.
í skýrslunni er lagt til að þeir ein-
staklingar sem hafa sl. sjö ár staðið
í íbúðarkaupum í gamla kerfinu og
hafí ekki fengið hærri vaxtabætur
en t.d. 700 þúsund krónur, fengju
ákveðinn árafjölda til að vinna skatt-
fijálst fyrir mismuninum sem færi
í að greiða niður höfuðstól lánsins
til viðbótar við hefðbundnar afborg-
anir.
„Ef tiltekinni upphæð hefur verið
náð að þeim tíma liðnum, myndi rík-
issjóður hlaupa þar undir bagga og
mismunurinn endurgreiðast úr ríkis-
sjóði, þó ekki nema nýting á skatt-
kortinu hafi komið til á þessum
árum. Þessi leið væri því raunveruleg
úrlausn á greiðsluvanda heimil-
anna,“ segir Magnús.
Minni greiðslubyrði
í skýrslunni er m.a. tekið dæmi
um ung hjón sem hafi 200 þúsund
krónur á mánuði í brúttótekjur, eiga
1,1 milljón króna í sparifé og kaupa
íbúð fyrir 5,5 milljónir króna. „Sam-
kvæmt útreikningum Húsnæðis-
stofnunar fengju þau 70% húsbréfa-
lán að fjárhæð 3,9 milljónir króna.
Að auki þyrfti að koma til önnur
fjármögnun, t.d. bankalán að upp-
hæð 550 þúsund krónur til að brúa
bilið. Samkvæmt þessu yrði meðal-
talsbyrði þeirra á tímabilinu um 30
þúsund krónur á mánuði að teknu
tilliti til vaxtabóta, samkvæmt út-
reikningi greiðslumatskerfis Hús-
næðisstofnunar ríkisins.
Hins vegar ef þau hefðu til ráð-
stöfunar skattaafslátt að upphæð
2,4 milljónum króna til viðbótar við
sparifé sitt, þyrftu þau einungis 2ja
milljóna króna lán frá bankastofnun
í stað helmingi hærra láns frá Hús-
næðisstofnun. Greiðslubyrði af þessu
láni yrði einungis rúmlega 14 þúsund
krónur á mánuði. Því væri sparnaður
hjónanna á ári um 190 þúsund krón-
ur eða sem samsvarar einum mánað-
arlaunum hjónanna,“ segir Magnús
Árni.
í skýrslunni er bent á að á tímabil-
inu 1988-1994 hafí ríkissjóður lagt
út 27 milljarða króna til húsnæðis-
mála, eða tæpa 4 milljarða á ári að
jafnaði. Miðað við að 1.550 aðilar,
einstaklingar og hjón, hafi keypt sér
íbúð í fyrsta skipti á þessu tímabili,
að skiptingin sé til helminga og allir
þessir aðilar hefðu getað nýtt sér
1,2 milljóna skattaafslátt, næmi
heildarskattatap ríkissjóðs 2,8 millj-
örðum króna. Mismunurinn, 1,2
milljarðar króna, er hreinn sparnað-
ur fyrir ríkið að mati SUS.
Helstu kostir hugmyndarinnar, að
mati skýrsluhöfunda, eru að slíkt
kerfí myndi auðvelda fólki að eign-
ast húsnæði, greiðslubyrðin væri
lægri og eignamyndun meiri. Fyrir-
sjáanlegt væri að allar skuldbinding-
ar væru hjá sömu fjármálastofnun
sem auðveldaði yfírsýn og aðgerðir
ef til greiðsluerfíðleika kæmi. Jafn-
framt væri hægt að lækka jað-
arskatta um 6% vegna niðurfellingar
vaxtabóta, mismunandi þó eftir
tekjuhópum, og kerfíð hvetti fólk til
að sýna fram á tekjur til að komast
í gegnum greiðslumat, sem myndi
minnka undandrátt frá tekjuskatti.
Nýju lífí væri hleypt í byggingariðn-
aðinn þar sem eftirspurn eftir hús-
næði ykist, í fyrstu að minnsta kosti.
I fangelsi
fyrir að
nauðga
karlmanni
HÉRAÐSDÓMUR Reykjaness
dæmdi í gær 28 ára gamlan Kópa-
vogsbúa í 15 mánaða fangelsi fyrir
að hafa nauðgað 26 ára gömlum
manni að morgni aðfangadags síð-
astliðins. Hann er jafnframt dæmd-
ur til að greiða manninum 400 þús-
und krónur í skaðabætur.
Mennirnir höfðu hist á veitinga-
húsi í bænum að kvöldi Þorláks-
messu. Þeir þekktust ekki fyrir en
urðu samferða að heimili hins
dæmda þar sem þeir héldu áfram
.drykkju. Kærandi bar að hann hefði
sofnað en vaknað við að húsráðand-
inn var að brölta ofan á honum,
hafði tekið hann kverkataki, barði
á honum og fletti hann klæðum.
Viljalaus af skelfingu kvaðst mað-
urinn hafa hlýtt meðan húsráðand-
inn hafði við hann samfarir.
Maðurinn kvaðst hafa grátið af
sársauka en náð að reisa sig upp
þannig að húsráðandinn féll í gólf-
ið. Hann hafí komist hálfnakinn
fram á gang og leitað ásjár í ann-
arri íbúð í húsinu. Húsráðendur þar
höfðu skömmu áður vaknað við
grát eða vein. Þeir skutu skjólshúsi
yfir manninn, sem var í skyrtu einni
fata, og hringdu á lögreglu.
Sá dæmdi neitaði ákærunni en
játaði að hafa átt kynmök við kær-
andann og sagði þau hafa verið að
hans frumkvæði. Fyrir dómi sagði
hann m.a. að ef hann hefði nauðgað
manninum hefði það gerst í
„blackouti“.
Sekt mannsins var talin sönnuð.
I dóminum segir að hafa verði í
huga að mikill munur sé á líkams-
burðum mannanna. Kærandinn sé
170 sm á hæð og 70 kg, og hafí
stundað líkamlega vinnu frá ungum
aldri en ákærði sé 187 sentimetrar
og 84 kíló og þrautþjálfaður íþrótta-
maður. Hinn mikli aflsmunur, svo
og það að miða megi við að kær-
andi hafi verið sofandi er árásin
hófst, geri frásögn hans um van-
mátt sinn og hræðsluviðbrögð skilj-
anlegri og sennilegri en ella.
Deila flugnmferðarstjóra og ríkisins
Samgönguráðherra vonast
enn eftir samkomulagi
„ÉG VONA í lengstu lög að það
náist samkomulag í þeirri kjara-
deilu sem er uppi milli íslensku flug-
umferðarstjóranna og ríkisvaldsins.
Þorri flugumferðarstjóranna á ræt-
ur sínar hér á landi. Þeir hafa unn-
ið sér inn ákveðin réttindi á sinni
starfsævi. Ég get ekki hugsað mér
að þeir taki þann kostinn að fleygja
þeim frá sér fyrir óvissuna," segir
Halldór BÍöndal samgönguráðherra
um þá stöðu sem upp er komin í
deilu flugumferðarstjóra og ríkis-
valdsins.
Flugumferðarstjórar segja
stjórnvöld vísvitandi skapa neyðar-
ástand með því að framlengja að-
eins uppsagnarfresti 32 flugum-
ferðarstjóra í stað allra og með því
færa niður öryggisþáttinn. Verði
óhapp við þessar kringumstæður
ætlar Félag íslenskra flugumferðar-
stjóra að krefjast óháðrar erlendrar
rannsóknar á tildrögum þess.
„Það viðhorf er ráðandi á vinnu-
markaði að stilla kaupkröfum í hóf.
Það er algjörlega úr takti að hugsa
sér það að flugumferðarstjórar fái
launahækkanir sem eru langt um-
Félag flugumferðarstjóra hleypur
undir bagga með þeim sem fengið
hafa uppsagnir
fram það sem gerist á hinum al-
menna markaði. Þeir hljóta að átta
sig á þessu og trúi ekki öðru en
að samkomulag takist," sagði Hall-
dór.
Hann sagði að ríkisvaldinu bæri
engu að síður skylda til þess að
hafa neyðaráætlanir tilbúnar svo
hægt verði að bregðast við ástand-
inu eftir áramótin.
Óskuðu ekki eftir frekari
viðræðum
„Félag íslenskra flugumferðar-
stjóra lítur svo á að það sé í kjara-
deilu við ríkið. Ég hafði raunar
búist við því á mánudaginn að það
tækist að finna einhvem flöt á
málinu til þess að halda viðræðum
áfram en þeir tóku það skýrt fram
að þeir óskuðu ekki eftir frekari
viðræðum við mig. Ég á þó ekki
von á því að allir flugumferðarstjór-
Frelsi eða fjötrar kynlífsins
Fundur Fræðslusamtaka um kynlíf og bameignir (FKB) um fjölskyldu-
áætlun, kyn- og frjósemisheilbrigði í þjóðlegu sem alþjóðlegu samhengi
verður haldinn í Kornhlöðunni, Bankastræti 2, laugardaginn 2. desem-
ber, kl. 13.30. Allir velkomnir.
Dagskrá:
Fundarstjóri: Reynir T. Geirsson, prófessor.
Kl. 13:30 Ragnheiður I. Bjamadóttir, kvensjúkdómalæknir.
Hvað er kynheilbrigði?
Kl. 13:40 Kristín Ástgeirsdóttir, þingkona.
Af hverju er kynheilbrigði kvenna pólitískt stórmál?
Kl. 13:50 Rannveig Guðmundsdóttir, þingkona.
Hvert er hlutverk stjórnvalda?
Kl. 14:00 Ósk Ingvarsdóttir, kvensjúkdómalæknir.
Hver er réttur fólks til kynheilbrigðis?
KI. 14:10 Sóley S. Bender, lektor og formaður FKB.
Hver er staðan á íslandi?
Kl. 14.20 Umræður.
Kl. 15.30 Fundarslit.
ar á íslandi séu reiðubúnir að kasta
því starfsöryggi frá sér sem hefur
fylgt því að vinna hér við þessi
störf,“ sagði Halldór.
Halldór kvaðst ekki átta sig full-
komlega á framtíðarsýn Karls Al-
varssonar, sem á sæti í samninga-
nefnd Félags íslenskra flugumferð-
arstjóra, þegar hann tali um það
sem góðan kost að alþjóðlegt fyrir-
tæki ráði til sín menn til þess að
setjast í hans stól á Reykjavíkur-
flugvelli. Hann hafi sjáifur enga
tryggingu fyrir því að fá þar starf.
Minna öryggi
Karl segir að það sé vítavert af
stjórnvöldum að framlengja upp-
sagnarfrest einungis hjá hluta flug-
umferðarstjóra.
„Með þessu er Flugmálastjórn
með þátttöku samgöngu- og utan-
ríkisráðuneytis að skapa neyðar-
ástand og gera það nauðsynlegt að
gp-ipið verði til neyðaráætlunar. Al-
þjóðasamtök flugumferðarstjóra
hafa varað við því að neyðaráætlan-
ir séu notaðar í þessum tilgangi.
Með þeim er verið að færa niður
öryggisþáttinn.
Eg held að það sé nauðsynlegt
að það komi fram hver sé þáttur
Flugmálastjórnar, samgönguráðu-
neytis og utanríkisráðuneytis sé í
neyðaráætluninni og þeirri ákvörð-
un að framlengja aðeins uppsagnar-
frest 32 flugumferðarstjóra. Verði
óhapp við þessar kringumstæður
mun Félag íslenskra flugumferðar-
stjóra krefjast óháðrar erlendrar
rannsóknar á tildrögum óhappsins,"
sagði Karl.
Eignir auglýstar til sölu
Félag íslenskra flugumferðar-
stjóra hefur auglýst til sölu eignir
sínar, félagsheimili á Grensásvegi,
sumarhús í Aðaldal og Úthlíð. Eign-
irnar eru metnar á 15-16 milljónir
kr. „Við munum framfleyta okkar
fólki eftir 1. janúar og þangað til
það fær aðra vinnu,“ sagði Karl.
Menningar- og skemmtikvöid
starfsmannafélags ríkisstofnana
verður haldið í kvöld, flmmtudagskvöldið30. nóvember,
kl. 20.30 á Grettisgötu 89, 4. hæð.
Dagskrá:
Lesið úr jólabókunum.
María, konan bak við goðsögnina. Ingólfur Margeirsson.
Skuggar vögguvísunnar. Súsanna Svavarsdóttir.
Söngvaramir Hrafnhildur Bjömsdóttir og
. Garðar Thor Cortes ásamt undirleikara flytja nokkur lög.
Menningar- og skemmtinefnd