Morgunblaðið - 30.11.1995, Blaðsíða 56

)6 FIMMTUDAGUR 30. NÓVEMBER 1995
MORGUNBLAÐIÐ
Ýie&triu dnhi/em i 'tnna. unniÍt
i)L verélauruí' d hundasýninyu?
)
Ljóska
VOU LOOK TIRED..00A5 THERE A LOT
OF ACTION ON THE WE5TERN FRONT?
^Jfl
....
,© 1994 Umted Feature Syndicate. Inc.
\IW I MU5T BE OUT OF MT $
h f MIND..AFTER THE FIFTH )| i
|R00T BEER, I REENLI5TEPÍ )%
^ ^iíl í :£
Þú virðist vera þreyttur ... var
mikið um að vera á vesturvíg-
stöðvunum?
Ég hlýt að vera alveg frá mér
... eftir fimmta rótarbjórinn gekk
ég aftur í herinn.
BREF
TIL BLAÐSINS
Kringlan 1103 Reykjavík • Sími 5691100 • Símbréf 569 1329
Af líkama og sál
Frá Guðrúnu Maríu Óskarsdóttur:
ALMENNT heilsufar okkar veltur
ekki hvað síst á hinu mikla sam-
spili sálar og líkama. Þetta samspil
á sína álagspunkta
gegnum líf og
starf.
Flest þekkjum
við þá streitu er
því fylgir að þurfa
að taka próf af
einhveiju tagi.
Einnig þekkjum
við flest þá þreytu
er því fylgir að
hafa vakað fram á nótt, og ætla
sér stórræði daginn eftir, Líkami
okkar kallar á næringu sér til
handa, til þess að geta viðhaldið
starfsemi sinni. Sú næring er matur
og hvíld.
Sálin kallar einnig á næringu.
Sú næring er einkum fólgin í því,
að maðurinn sé ánægður með hlut-
skipti sitt í lífinu. Ef maðurinn er
ekki ánægður, þá skapast vanda-
mál, sem oft og iðulega vefja sinn
vef í kringum hann og hans líf.
Ánægjan verður ekki keypt fyrir
peninga, hana verður hver að leita
uppi og meta samkvæmt sínum eig-
in staðli. Líkt og ofneysla matar
er óholl fyrir líkama okkar, þá er
síendurtekin mötun í sjónrænu
formi óholl sálinni.
Sál okkar hefur þörf fyrir að skapa
og tjá, til þess að geta þroskast og
tekið framforum. ímyndunaraflið
gegnir þar lykilhlutverki. Lestur
skáldsagna til dæmis, getur þjálfað
ímyndunaraflið verulega, en sjón-
varpsgláp í óhófí drepið það niður.
Þótt við getum með ýmsu móti
reynt að stuðla að almennu heil-
brigði okkar, fer ekki hjá því að
sjúkdómar muni heimsækja okkur.
Suma þeirra erfum við meira að
segja frá forfeðrum vorum. Rann-
sóknum fleygir fram á hinum ýmsu
sviðum læknisfræði, samt virðist
vart nægu fjármagni varið á þann
þátt enn sem komið er.
Afskaplega athyglisverð frétt
þótti mér koma frá Danmörku á
öldum ljósvakans, nú í haust. Frá
því var skýrt að Danir hefðu, í leit
sinni að sparnaði í heilbrigðiskerf-
inu, fundið það út að notkun sýkla-
lyfja væri kolröng. I stað þess að
gefa sjúklingum fyrirmæli um að
taka lyfín reglulega yfir sólarhring-
inn, þá væri mönnum gert að taka
skammtana inn frá morgni til
kvölds.
Með þessu skammtamagjni, að
því er sagði í fréttinni, myndi líkam-
inn því mynda höfnunarviðbrögð,
sem aftur leiddi til þess að lengri
tíma tæki að vinna á sýkingunni.
Því þyrfti jafnvel að skrifa út á ný,
aðra umferð af hinu sama lyfi, til
handa sama sjúklingi. Sem sagt
með því að vekja sjúkling á nótt-
unni, til þess að taka inn sýklalyfja-
skammt, gæti meðferðin virkað
betur, ásamt því að spara þjóðfélag-
inu nokkrar milljónir króna í formi
minni lyfjanotkunar. Enn sem kom-
ið er hefí ég ekki séð nánari umfjöll-
un um þessa frétt frá Danmörku,
en lýsi hér með eftir frekari upplýs-
ingum um þetta efni.
GUÐRÚN MARÍA ÓSKARSDÓTTIR,
formaður Samtakanna Lífsvog.
Hápólitísk aðgerð
á kostnað BSRB
Frá Helga Eiríkssyni:
UNDANFARNA daga hafa birst
auglýsingar í sjónvarpi og útvarpi
þar sem BSRB úthrópar fjárlaga-
frumvarpið, telur það andsnúið
sjúklingum og öryrkjum og fleiri
þjóðfélagshópum. Þessi auglýsinga-
herferð er sjálfsagt kostuð af BSRB
og er hápólitísk að allri gerð, þann-
ig að ekki fer á milli mála, að hér
er ekki um hefðbundna kjarabar-
áttu að ræða heldur beint innlegg
í pólitíska umræðu dagsins.
Nú er það kunnara en frá þarf
að segja að Ögmundur Jónasson,
formaður BSRB, situr á þingi fyrir
Alþýðubandalagið og er því í stjórn-
arandstöðu. Það þarf því ekki að
leita langt til að sjá að þarna er
þingmaður í stjómarandstöðu að
nota sér aðstuðu sina Lií að ganga
í sjóði félagsmanna BSRB til að
halda fram ákveðnum pólitískum
sjónarmiðum.
Til þess notar hann peninga sem
safnað hefur verið saman með fé-
lagsgjöldum BSRB. Þau eru dregin
af launum þeirra, hvort sem þeir
vilja éða ekki og látnir í sjóði BSRB.
Síðan notar Ógmundur þá sömu
peninga í sínum eigin pólitíska til-
gangi, án tillits til þess hvort að
hver og einn félagi í BSRB hafi
viljað láta fara þannig með þá pen-
inga sem af honum hafa verið
dregnir.
Það er ekkert að því að Ögmund-
ur Jónasson mótmæli fjárlagafrum-
varpinu. Það er hans fullkomni rétt-
ur sem þingmanns stjórnarandstöð-
unnar. Hann á bara að gera það
fyrir sína eigin fjármuni en ekki
misnota sér aðstöðu sína sem for-
maður BSRB, um leið og hann er
þingmaður, og taka peninga frá
félagsmönnum BSRB í þeim beina
tilgangi að halda fram sínum eigin
sjónarmiðum á stjórnmálavettvang-
ínum.
Sjálfsagt hefur hann fengið eitt-
hvert samþykki fyrir þessum pen-
inganotum hjá stjórn BSRB en það
breytir ekki því að þarna er verið
að taka peninga af félagsmönnum
BSRB á mjög vafasaman hátt án
þess að þeir fái nokkuð við gert og
nota það fé síðan í beinni pólitískri
/baráttu á eigin vegum.
Löglegt en siðlaust, eins og Vil-
mundur heitinn orðaði það.
HELGIEIRÍKSSON,
Laugarásvegi 57, Reykjavík.
Allt efni sem birtist í Morgunblaðinu og Lesbók verður framvegis varðveitt í
upplýsingasafni þess. Morgunblaðið áskilur sér rétt til að ráðstafa efninu það-
an, hvort sem er með endurbirtingu eða á annan hátt. Þeir sem afhenda blaðinu
efni tii birtingar teljast samþykkja þetta, ef ekki fylgir fyrirvari hér að lútandi.