Skírnir - 01.01.1901, Blaðsíða 39

Bftnptríðið.
39
og hrekja þá, Búana að yarðbyrgjalínunni. De Wet hafði yfir tvær þús-
undir manna: skifti hann nú liðinu í smá-flokka og flæmdist á ýmaa
vegu undan Elliot, svo að Ellist vissi aldrei glöggt, hvar De Wet var.
Þegar í þessu þófi hafði staðið fram um miðjan Janúar, þá sá Kitchener
að meira mundi við þurfa: safnaði þá að sér 23 herfylkingum í viðbót
og hélt því liði gegn De Wet, og tók nú sjálfur yfirforustuna. Herti
hann nú aðsðknina, tvöfaldaði gæzluliðið í varðbyrgjunum og þrengdi svo
hringinn um De Wet, að ð. Febrúar þóttist hann mundu hafa hendur í
hári hans næsta morgun, því að nú ætti hann ekkert undanfæri. En um
nóttina lék De Wet það bragð, er minnir á Hannibal í viðureign hans við
Rómverja fornu; hann rak afarmikla nautahjörð yfir línuna milli varð-
byrgjanna, og leyndist meginher hans innan um nautin; lá hver maður
fram á makka hesti sínum og sluppu þannig í myrkrinu. Kitchener hélt
liði sínu allt að varðbyrgjalínunni, en greip í tómt, því að De Wet var siopp-
inn með allan meginher siun. De Wet hélt síðan liði sínu til landnorð-
ur-fjallanna í Óraníu, en lið Kitcheners var úttaugað af þreytu og áreynslu.
í annan stað átti Methuen hershöfðingi með miklum liðsafnaði að
handsama Delarey og hans lið. En fyrir honum fór en verr en Kitchener.
Hann misti margt manna í viðureign við Búa, en varð ekkert ágengt.
Lundúna-blaðið Daily Telegraph sagði eina skoplega sögu af Methuen
lávarði í þessari viðureign: Einn dag kom honum njósn um að Búar
sætu í herbúðum þar skamt frá. Hann brá við og hélt um nóttina þangað
sem þeir áttu að vera, finnur þar herbúðir, ræðst þegar á þær í snarpri
árás og hertekur þær viðstöðulítið. En honum brá i brún, er hann fann
að þetta var brezkt lið á leið til sjálfs hans með vista flutning og vopna.
Fékk hann af þessu heldur óvirðingu sem von til var.
Nú tók Búum aftur um sinn að veita örðugra, og 27. Febrúar biðu
þeir allmikinn ósigur nálægt Harrismith. Þar féll Manie Botha foringi,
frændi hershöfðingjans, og alls vóru 60 Búar dauðir á vígvelinum, en
769 urðu teknir til fanga. Hinir, sem undan komust, höfðu haft með sér
á annað hundrað af særðum mönnum og líkum dauðra manna, svo að
þeir mistu þar talsvert á tiunda hundrað fallna, særða og hertekna; var
það mikið fyrir þá svo fámenna. Meðal fanganna var sonur De Wets
23 ára.
Svo snerist hamingjan enn á ný. 7. Marz var Methnen hersböfðingi
staddur nálægt Kraaipan, á leið frá Wymburg til Lichtenberg; hafði hann
með sér 900 riddara og 300 fótgöngumenn og 5 fallbyssur. í morguns-