Dagur - 26.03.1987, Síða 2
— ’í'T.ii■**" frif'.’T? .ftv
2 - DAGUR - 26. mars 1987
ÚTGEFANDI: ÚTGÁFUFÉLAG DAGS
SKRIFSTOFUR:
STRANDGATA 31, PÓSTHÓLF 58, AKUREYRI
SlMI: 24222
ÁSKRIFT KR, 480 Á MÁNUÐI
LAUSASÖLUVERÐ 50 KR.
RITSTJÓRI OG ÁBYRGÐARMAÐUR:
HERMANN SVEINBJÖRNSSON
RITSTJÓRNARFULLTRÚI:
BRAGI V. BERGMANN
BLAÐAMENN:
ÁSLAUG MAGNÚSDÓTTIR, EGGERT TRYGGVASON, EGILL BRAGASON,
GESTUR E. JÓNASSON, GESTUR KRISTINSSON
(Blönduósi vs. 95-4070 hs. 95-4368),
HELGA JÓNA SVEINSDÓTTIR, INGIBJÖRG MAGNÚSDÓTTIR
(Húsavík vs. 41585 hs. 41529), KRISTJÁN KRISTJÁNSSON,
RÚNAR ÞÓR BJÖRNSSON, STEFÁN SÆMUNDSSON,
ÞÓRHALLUR ÁSMUNDSSON (Sauðárkróki vs. 95-5960 hs. 95-5729)
AUGLÝSINGASTJÓRI: FRlMANN FRlMANNSSON
ÚTBREIÐSLUSTJÓRI:
HAFDlS FREYJA RÖGNVALDSDÓTTIR, HEIMASÍMI 25165
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
leiðari.___________________________
Stefnan í efnahags-
og atvinnumálum
Á þessu kjörtímabili hefur náðst mjög mikil-
vægur árangur í efnahagsmálum undir for-
ystu Framsóknarflokksins. Verðbólga hefur
lækkað úr 130 niður í 10 af hundraði. Sparnað-
ur hefur aukist stórlega, viðskiptajöfnuður
hefur náðst í fyrsta sinn síðan 1978, kaup-
máttur hefur aldrei verið meiri í sögu þjóðar-
innar og fyrsta skrefið hefur verið stigið til
þess að hækka lægstu launin. Atvinnuástand
hefur sjaldan verið betra en á þessu kjör-
tímabili og erlendar skuldir hafa lækkað
nokkuð.
Á þetta er meðal annars bent í kosninga-
stefnuskrá Framsóknarflokksins sem sam-
þykkt var á miðstjórnarfundi hans á Selfossi
um helgina. Þar segir einnig að í efnahags-
málum muni flokkurinn leggja áherslu á
nokkur atriði á næsta kjörtímabili, en þau eru
að varðveita þann árangur sem náðst hefur
og stefna að jafnvægi í efnahagsmálum.
ísland verði án atvinnuleysis og verðbólgu.
Þá verði lögð áhersla á áframhaldandi
hagvöxt, lækkun erlendra skulda þjóðarinnar
og bætt kjör hinna lægst launuðu.
Varðandi atvinnumál leggur Framsóknar-
flokkurinn áherslu á að atvinnurekstur verði í
höndum einstaklinga og samtaka þeirra, en
ein af meginskyldum ríkisvaldsins sé að
stuðla að heilbrigðum rekstrargrundvelli
atvinnuveganna. Afskipti ríkisvaldsins af
atvinnuvegunum verði sem minnst, en þó
beri stjórnvöldum að leggja rækt við nýsköp-
un í atvinnulífi til að tryggja fulla atvinnu og
fjölbreytt atvinnulíf. Skynsamleg nýting auð-
linda til lands og sjávar er nauðsynleg, því
framtíð þjóðarinnar byggist á því.
í atvinnumálum leggur Framsóknarflokkur-
inn áherslu á stjórnun fiskveiða á þeim
grunni sem þegar hefur verið lagður, sem
verði endurskoðaður með tilliti til breyttra
aðstæðna og aflabragða, búháttabreytingu í
landbúnaði með uppbyggingu nýgreina,
skipulagningu allrar kjötframleiðslunnar í
samvinnu við framleiðendur og neytendur,
auk svæðaskipulagningar sauðfjárfram-
leiðslunnar í samræmi við byggða- og land-
nýtingarsjónarmið.
Þetta eru nokkur helstu atriðin í kosn-
ingastefnuskrá Framsóknarflokksins varð-
andi efnahags- og atvinnumál. HS
viðtal dagsins.
Það er engin ný bóla að þátt-
taka kvenna í atvinnulífínu
hefur aukist mjög undanfarin
20 ár. Hins vegar hefur hlutfall
kvenna í stjórnunarstöðum
ekki aukist í samræmi við
fjölgun þeirra á vinnumarkað-
inum þótt víða megi auðvitað
fínna konur sem bera -stjóra-
titil. Slíkt vekur gjarnan
athygli og umtal og þykir
merkilegt fjölmiðlaefni á svip-
aðan hátt og það vekur athygli
þegar karlar útskrifast úr Fóst-
urskólanum, svo dæmi sé
tekið. Ég ræddi stuttlega við
Þórð M. Þórðarson hjá Verk-
stjórnarfræðslunni um stjórn-
unarnámskeið og aukinn hlut
kvenna í þeim.
- Segðu mér fyrst Þórður,
hvenær tók Verkstjórnarfræðslan
til starfa?
„Verkstjórnarfræðslan er búin
að vera starfandi síðan 1961 og
upphaflega var þetta sett upp
sem skóli fyrir verkstjórnendur
að tilhlutan Verkstjórnarsam-
bandsins og Vinnuveitendasam-
bandsins. Menn mættu þá svona
tvisvar sinnum, hálfan mánuð í
senn og voru þá í skóla. Svo var
þessu skipt upp fyrir þremur
árum í 5 námskeið, en við höld-
um skólaímyndinni þannig að
fólk útskrifast ekki úr Verk-
stjórnarfræðslu fyrr en það hefur
„Margir bestu stjómendur
sem ég hef hitl em konur“
- segir Þórður M. Þórðarson hjá Verkstjórnarfræðslunni
lokið öllum námskeiðunum.
Þetta eru almenn námskeið fyrir
stjórnendur, starfsmenn og verk-
stjóra.“
- En hver hefur hlutur kvenna
verið í þessum námskeiðum
gegnum árin?
„Ég fór að kanna þessi mál í
fyrra og þá kom í Ijós að á þess-
um 25 árum höfðu útskrifast um
1.418 verkstjórar en af þeim voru
ekki nema 87 konur. Og þær
höfðu flestar komið inn á sér-
námskeið, gegnum prjónaiðnað,
fiskvinnslu og þar fram eftir
götunum. En í fyrra gerðist það
að Vilborg Harðardóttir, blaða-
maður og baráttukona fyrir
málefnum kvenna, hitti mig að
máli og við fórum að ræða um
það af hverju væru svona fáar
konur í stjórnunarstörfum. Hún
hvatti mig til að athuga hvort
ekki væri hægt að halda sérstakt
námskeið fyrir konur og það end-
aði með því við héldum eitt slíkt
námskeið í mars í fyrra. Síðan
var ráðstefna á eftir.“
- Einmitt. Og Verkstjórnar-
fræðslan hélt námskeið á Akur-
eyri fyrir skömmu þar sem níu
konur fræddust um stjórnun og
mannleg samskipti, en hvers
vegna sérstakt kvennanámskeið?
Skortir konur sjálfstraust til að
taka þátt í stjórnunarnámskeiði
með körlum?
„Nei, en þetta er að vissu leyti
brautryðjendastarf og konur fást
frekar til starfa ef þær vinna
saman. Það má geta þess að eftir
ráðstefnuna í fyrra stofnuðu kon-
urnar samtök sem kallast Netin.
Þar hittast konur í stjórnunar-
störfum og ræða saman og
styrkja hverja aðra. Þar kom
sterklega fram að það vantaði
fyrirmynd að því hvernig aðrar
konur færu að því að leysa það
vandamál að reka tvo vinnustaði,
heimilið og vinnustað. Pað kom
einnig fram á ráðstefnunni, svo
og á námskeiðunum í Reykjavík
og á Akureyri, að það væri nauð-
synlegt fyrir konur að hittast og
ræða sín mál. Þær búa við aðrar
aðstæður, ákveðna fordóma.
# Hafskips-
málið grafið
Alberti er svo sannarlega
ekkl flsjað saman. Eftir að
hafa verið hálf aumur og
niðurdreginn eftir afsögnina
var hinn fyrrverandi iðnaðar-
ráðherra hinn borubrattasti í
sjónvarpsviðtali í fyrrakvöld.
Þar skýrði hann út fyrir
fréttahaukum ríkissjónvarps-
ins hvað gerst hefði á undan-
förnum dögum og vikum. Og
ekki nóg með það. Þegar ann-
ar fréttamannanna vogaði sér
að minnast á Hafskipsmálið
skýrði Albert það út í föður-
legum tóni, eins og honum
einum er iagið. Að því loknu
sneri hann sér að dauð-
skelkuðum fréttamanninum
og spurði hann hvort hann
vildi nokkuð ræða þetta
meira. Hann hélt nú ekki.
# Steini í
klípu
Meðan þessu fór fram lýsti
formaður Sjálfstæðisflokks-
ins, Þorsteinn Pálsson, því
yfir á Stöð 2 að Albert yrði
ekki ráðherra í næstu ríkis-
stjórn Sjálfstæðisflokksins.
Þetta var óneitanlega óvar-
lega mælt eins og Berti sagði
því „hver veit hvenær þeir
þurfa á mér að halda“. Það er
einmitt málið. Sú staða gæti
hæglega komið upp ef af
framboði Borgaraflokksins
verður og ekki síst ef boðið
verður fram í ölium kjördæm-
um eins og Ásgeir Hannes
pylsusali segir. Þar með er sá
möguleiki nefnilega ekki fjar-
lægur að flokkurinn fái tvo til
þrjá menn kjörna og nái lykil-
stöðu við myndun næstu
ríkisstjórnar. Kannski Albert
verði þá eftir allt ráðherra í
næstu ríkisstjórn. Fyrrnefnd-
ur pylsusali telur ekki vitlaust
að gera manninn að forsætis-
ráðherra í Ijósi undangeng-
inna atburða. Það held ég.
Þau verða eflaust bragðvond
ummælin frá því í fyrrakvöld
ef Þorsteinn þarf að éta þau
ofan í sig.
# Einn léttur
að lokum
Ef Borgaraflokkurinn verður í
ham í kosningabaráttunni þá
er auðvitað orðið um að ræða
Hamborgaraflokk. Ha ha
ha...