Þjóðviljinn - 21.07.1974, Blaðsíða 19

Sunnudagur 21. júll 1974. ÞJÓÐVILJINN — StÐA 19
Hvað
gerði
Súkarnó?
Útgáfufyrirtæki eitt i London
bað nýlega Dewi Sukarno, hina
33 ára gömlu eiginkonu
Sukarnos, hins sálaða forseta
Indónesiu, opinberlega af-
sökunar. Frúin fékk afsökunar-
beiðnina, vegna þess að fyrir-
tækið gaf út ævisögu þeirrar
frægu gleðikonu, Normu Lewj
og i bók hennar kvaðst Norma
eitt sinn hafa legið undir
Sukarno, forseta, er hann var i
heimsókn i London.
Norma þessi Lewy, einhver
frægasta skyndikona Breta-
veldis eftir að hún kippti póli-
tiskum fótum undan lávörðun-
um Lamdon og Jellicoe fyrir
skemmstu, telur sér það til
vegsauka i ævisögu sinni, að
hafa verið eftirsótt af pólitikus-
um.
Útgefendur bókarinnar eru
Blond and Briggs ltd. og bókin
heitir „Ég, Norma Lewy” (I,
Norma Lewy) — ef menn vilja
ná sér i eitt eintak.
Frú Súkarnó fór i mál við
Blond og Briggs, og þeir urðu að
yiðurkenna fyrir rétti, að
Súkarno heitinn tyllti aldrei tá á
göfuga jörð Bretadrottningar.
Reytum
gæsirnar!
Hann flaug milli manna á
búnaðarþingi fyrir nokkru
þessi: Tveir bændur deildu hart
um landamerki jarða sinna,
eins og oft er hér á landi. Loks
var illska þeirra orðin slik, að
þeir töluðust ekki við nema með
hnefunum. Báðir ákváðu þá að
láta dómstóla skera úr um
deilumálið. Annar bóndinn
steöjaði til Reykjavikur og hitti
lögfræðing. Sá hlustaði á mál
bónda, en sagði svo: Þetta er
rakið mál, sem þú vinnur lik-
lega. Þvi miður hef ég svo mikið
að gera núna, að ég verð að visa
þvi frá mér — en ég skrifa hér
meðmælabréf til kunningja
mins. Hann mun án efa taka
málið að sér. Og lögfræðingur-
inn fékk bóndanum bréf. Bóndi
gekk af stað til næsta lögfræð-
ings, en á leiðinni flaug honum I
hug, að kannski hefði bölvaður
granni hans verið á undan.
Hann opnaði bréfið fullur grun-
semdar. Þar stóð: Tvær gæsir
flugu til bæjarins. Tek að mér
að reyta aðra, sendi þér hina.
Og bóndi rauk heim, sýndi
grannanum bréfið, og sættir
tókust.
SALON GAHLIN
— Það verður vart annað sagt
um æsku okkar tima en hún
haldi vöku sinni — einkum þó
um nætur.
MOSKÓVÍTAR í RIGNINGU
Veðrið hefur oftlega komið Moskvubúum á óvart i vor og sumar. A miðju vori, þegar hitinn var orðinn
mikill og allt stóð I blóma, skall skyndilega á snjókoma og fólk varð að taka vetrarfötin fram aftur. 1
júni voru þrumuveður tiö, þung ský voru lágt á lofti og vatnsmiklar skúrir dundu á götum borga og
höfðum Moskóvita. Einn daginn var rigningin þvllik, að á nokkrum timum féll jafnmikið úrkomumagn
og yfirleitt kemur á hálfum mánuði. Vatnið flæddi um göturnar og inn I kjallara Um skeið stöðvaðist öll
uniferð um götur og fólk varð aö vaða elginn upp að hnjám til að komast leiðar sinnar.
HEILSUGÆSLUSTÖÐ í HÁFJÖLLUM
Þessi sérkennilega tjaldbúð er staðsett 1.680 metra yfir sjávarmáli I Tian-Sahn fjöllum I Kirghisiu i
Sovétrikjunum. Tjaldbúðin er nýlega reist, en hún er engin venjuleg hirðingjabúð, heldur heilsugæslu-
stöð, sem fólk úr ýmsum hornum Sovétrikjanna heimsækir, ferðamenn jafnt sem þeir sem þangað fara
samkvæmt læknisráði. t þessum tjöldum eru 46 gistihús, 11 heilsugæsulustöðvar, 69 hvildarheimili og 9
ferðamannamiðstöðvar. APN-fréttastofan, sem sendi okkur þessa mynd, segir,að stöðugt fjölgi þeim
sem vilji eyða frldögum slnum I þessum tjaldbúðum, og smám saman er verið að færa út kvlarnar,
vlkka umfang starfscminnar.
19.
SÍÐAN
Umsjón:
GG
Jafnrétti
kynjanna á
Kúbu
Havana, 19/8 — Kúbanskir
icarlmenn verða i framtiðinni
að sætta sig við að ganga aí
neimilisverkum til jafns vi?
siginkonur sinar. Nú eru ný
fjölskyldulög i undirbúningi á
Kúbu, og eru lög þessi mikið
rædd á fundum stéttarfélaga,
útifundum og reyndar alls
staðar þar sem fólk hittist á
Kúbu.
Nýju fjölskyldulögin á Kúbu
eiga að koma i staðinn fyrir
gömul og löngu úrelt lög, sem
iita á karlmanninn sem
foringja og yfirvald fjölskyld-
unnar. Þessi gömlu lög tóku
Kúbanir i arf frá Spánverjum.
Þótt breyting á högum kúb-
önsku konunnar hafi orðið
mikil frá þvi byltingin hélt
innreið sina á Kúbu árið 1959,
hefur karlmaðurinn samt get-
að litið á sig sem „forréttinda-
pung” eftir sem áður.
Kúbanskir karlmenn eru
gamaldags i viðhorfum gagn-
vart störfum og stöðu konunn-
ar, og þess vegna býst rikis-
stjórnin við mótmælaöldu
vegna nýju laganna. Karl-
menn lita á sig sem tekjuafl-
ara heimiiisins, alveg eins og
þeir álita að konan eigi að
vinna á heimilinu og ekki ann-
ars staðar.
Áður var hjónabandið eins
konar einhliða samningur
karlmannsins við konuna, þar
sem tekið var fram að konan
ætti að vera karlmanninum
undirgefin. Nýja lagafrum-
varpið reiknar með þvi, að
hjónaband sé samband karls
og konu sem ákveðið hafa að
búa saman. Gömlu lögin verða
numin úr gildi, og til að ganga
i hjónaband þarf engin gögn
eða réttindi önnur en að geta
sýnt fram á að maður sé ekki
giftur fyrir eða sé löglega skil-
inn. Giftingaraldur súlkna
verður lækkaður niður i 16 ár
og giftingaraldur karla
miðaður við 18 ár. Undan-
þágur má veita i sérstökum
tilvikum.
Með nýju lögunum verður
fólki gert auðveldara að
ganga i hjónaband, en hins
vegar verða skilnaðarlögin
mjög þrengd — þannig að
erfiðara verður fyrir kúbönsk
hjón að skilja, heldur en
verið hefur hingað til.
Sú ráðstöfun stjórnvalda er
til komin vegna þess að
hjónabönd hafa enst afar illa á
Kúbu — skilaðartalan er svo
há, að margir óttast að hjóna-
bandið, þetta ævagamla fyrir-
komulag á sambúð karla og
kvenna, gangi úr sér — verði
ella einskis virði sem
uppeldisstofnun. Skilnað-
artalan óx hraðfluga eftir
byltinguna 1959.
Nýju fjölskyldulögin reikna
með aukinni aðstoð til heimil-
anna, svo og auknum
stuðningi við þau heimili, þar
sem bæði foreldrin vinna utan
heimilis. Sú aðstoð verður
aðallega i formi fleiri barna-
heimila.
Sem fyrr segir er þetta
lagafrumvarp nú mikið rætt á
Kúbu, og áður en lögin verða
staðfest, verður tekið mið af
óskum manna um breytingar
á þeim. Allir þegnar Kúbu
hafa leyfi til að leggja fram
breytingartillögur.