Þjóðviljinn - 20.09.1985, Blaðsíða 6

MINNING
FERÐAVASABOK
FJÖLVÍS 1985
Við höfum meira en 30 ára reynslu i
útgáfu vasabóka, og sú reynsla kemur
viðskiptavinum okkar að sjálfsögðu til
góða. Og okkur hefur tekist einkar vel
með nýju Ferðavasabókina okkar og
erum stoltir af henni. Þar er að finna
ótrúlega fjölbreyttar upplysingar, sem
koma ferðafólki að ometanlegu gagni
jafnt heima sem erlendis.
Meðal efnis t.d.: 40 íslandskort - Kort
af öllum hringveginum - Heimshluta-
kort - Sendiráð og ræðismannaskrif-
stofur um allan heim - Ferðadagbók -
Ferðabókhald - Öryggiskort - Gjald-
eyristöflur - Kaupstaðakort - Evropu-
vegirnir - Neyðar- og viðgerðaþjon-
usta - Vegalengdatöflur - Bandariska
hraðbrautakerfið - o.m.fl. sém of langt
er upp að telja.
OMISSANDI I
FERÐALAGIÐ!
Magnús Sigurðsson
Fæddur 17. sept. 1908 — Látinn 10. sept. 1985.
Blaðberar óskast
Hjarðarhagi
Kvisthagi
Melhagi.
ALÞÝÐUBANDALAGIÐ
Landsfundur AB
verður haldinn að Borgartúni 6 dagana 7.-10. nóvember. Fulltrú-
akjöri félaga þarf að vera lokið þremur vikum fyrirfundinn. Dagskrá
verður nánar í blaðinu síðar og í bréfum til trúnaðarmanna flokks-
ins.
ABR
Askorun
Greiðið flokks- og félagsgjöldin! Stjórn Alþýðubandalagsins í
Reykjavík hvetur alla þá sem enn skulda flokks- og félagsgjöld að
greiða þau nú þegar. Gíróseðla má greiða í öllum póstútibúum og
bönkum svo og á skrifstofu flokksins að Hverfisgötu 105. - Stjórn
ABR.
AB Nordurlandi eystra
Alþýðubandalagsfólk á Akureyri!
Vinna er að hefjast við endurbætur og viðhald á Lárusarhúsi. Þeir
sem vilja hjálpa til hafi samband við Ingibjörgu í síma 25363 eða
Hilmi í síma 22264.
Munið! Margar hendur vinna létt verk. - Hússtjórn
Alþýðubandalagið í Neskaupstað
Félagsfundur
Alþýðubandalagið í Neskaupstað boðar til félagsfundar í Egilsbúð
miðvikudaginn 25. september n.k. kl. 20.30.
Dagskrá: 1) Kosning bæjarmálaráðs. 2) Rabb með alþingismönn-
unum Helga Seljan og Hjörleifi Guttormssyni.
Stjórnin
Aðalfundur AB Héraðsmanna
Aðalfundur Alþýðubandalagsfélags Héraðsmanna verður haldinn
í Slysavarnafólagshúsinu Egilsstöðum, miðvikudaginn 25. sept-
ember kl. 20.30. Dagskrá: 1) Venjuleg aðalfundarstörf, 2) Kosning
fulltrúa á aðalfund kjördæmisráðs, 3) Önnur mál. Mætum vel og
stundvíslega.
Stjórnin
6
„Þjóðviljinn heidur rétt á mál-
um meðan hann er háður lesend-
um sínum og stuðningsmönnum,
en ef honum fer að græðast fé yrði
ég hræddur. Við skuium hafa það
afmælisósk mína til Þjóðviljans
að hann verði alltaf rekinn með
Qárhagslegum halla.“
Þannig komst Magnús Kjart-
ansson að orði í afmælisviðtali
um Þjóðviljann, þegar við héld-
um upp á 40 ára afmæli blaðsins.
Þá komu á annað þúsund manns í
nýja húsið að Síðumúla 6. Þetta
fólk var að skoða húsið sitt - hús
blaðsins okkar. Þessu fólki þótti
vænt um blaðið vegna þess að það
hafði deilt kjörum með Þjóðvilj-
anum árum eða jafnvel áratugum
saman. Þetta var blaðið sem
hafði afhjúpað afturhaldið svo
alls staðar sást í ógeðslega nekt
þess. Blaðið sem hafði flett ofan
af gróðaöflunum. Blaðið sem
hafði dag frá degi lagt liðs-
mönnum flokksins vopn í hend-
ur. Til þess er blaðið gefið út að
allt þetta fólk, eldhugar barátt-
unnar, líti á blaðið sem vin sinn
og samherja. Þegar við þökkuð-
um fyrir hönd blaðsins fyrir þetta
góða hús að Síðumúla 6, þá man
ég eftir að margur maðurinn
sagði: Það er ekkert að þakka -
ég skulda Þjóðviljanum svo
mikið.
Það var þessi hugsjónaeldur,
þessi samkennd sem ýtti Þjóðvilj-
anum af stað í upphafi. Hann var
málgagn og baráttutæki róttæk-
asta hluta íslenskrar verkalýðs-
hreyfingar. Þeirra sem þora að
ráðast gegn ranglætinu, þeirra
sem láta aldrei beygja sig af því
að þeir eiga málstað sem er
lífsnauðsyn fyrir þjóðina að sam-
einast um. Þetta fólk hafði þolað
galdraofsóknir nútímans - en
bugaðist aldrei og bugast aldrei.
Meðan Þjóðviljinn á stuðning
þessa fólks lifir hann lengi lengi
þrátt fyrir öll markaðslögmál.
Þjóðviljinn er skýrasta sönnun
þess á íslandi í dag að markað-
slögmálin eru ekki náttúru-
lögmál: Með samheldni er unnt
að hnekkja frumskógalögmálinu
á hverjum einasta degi; ef við að-
eins stöndum saman og svo lengi
sem Þjóðviljinn er samnefnari
allra þeirra sem berjast fyrir sósí-
alisma, þjóðfrelsi og verkalýðs-
hreyfingu. Þjóðviljinn má þess
vegna aldrei verða markaðsöfl-
unum að bráð - þá verður hann
heldur ekki sá Þjóðvilji sem til
var stofnað í öndverðu.
Það er hugsjón sem gefur blað-
inu líf, hugsjónin um nýtt land,
þar sem allir einstaklingar eru
frjálsir, þar er jafnrétti og lýð-
ræði, það er frjálst og fullvalda
ísland utan hemaðarbandalaga
án erlends hers í landinu. Þangað
stefnum við - það ísland ætlum
við að færa næstu kynslóðum. Og
gefast aldrei upp.
Þessi hugsjón er ekki fín vara
um þessar mundir. Hún er ekki
gjaldgeng í gróðasamfélaginu
vegna þess að hún er á móti því.
Það er ekkert fínt í veislusölum
„uppanna" að styðja slíka hug-
sjón. Samt er hún lífsskilyrði al-
mennings í þessu landi, íslend-
inga. Og hún er lífsforsenda
Þjóðviljans. Að blaðið byggist á
hugsjóninni er betra en allur pen-
ingalegur gróði. Þjóðfélag, sem
ekki á sér hugsjón, flokkur sem
ekki á sér hugsjón - hvort tveggja
er dauðadæmt.
Magnús Kjartansson minnti
okkur á þessi grundvallaratriði í
fáum orðum fyrir margt löngu oft
og iðulega, meðal annars í þessu
viðtali sem vitnað var í við upphaf
greinarinnar. Greinin er skrifuð
til að minnast aldraðs manns sem
nýlega féll frá. Hann hét Magnús
Sigurðsson, fæddur árið sem
uppkastinu var hafnað, látinn nú
10. september. Hann var ein-
hleypur og lét ekki eftir sig börn.
En hann hafði tekið málstaðinn
að hjarta sínu og ánafnaði Þjóð-
viijanum íbúð og sparifé eftir sinn
dag. Hann kallaði á forráðamenn
Þjóðviljans seint á árinu 1982 og
skýrði frá þessari ákvörðun sinni.
Hann bannaði með öllu að frá
þessu yrði sagt nokkurs staðar
nema í stjórn Utgáfufélags Þjóð-
viljans. En fyrir hönd blaðsins
undirrituðu Kjartan Ólafsson og
Guðrún Guðmundsdóttir
SÍÐA — ÞJÓÐVILJINN Föstudagur 20. september 1985
nauðsynlegar yfirlýsingar og Jó-
hannes Harðarson hafði sam-
band við gamla manninn síðustu
árin eins og fyrir hönd okkar
hinna. Ingi R. Helgason sagði
mér að hann hefði rætt við Magn-
ús snemma í febrúar 1983 þegar
gengið var frá arfleiðsluskránni.
Ingi sagði við Magnús að með
þessu hefði hann sýnt stórkost-
legt fordæmi og Magnús svaraði
eins og ég hafði oft áður heyrt
hundruð félaga svara: „Blessaður
vertu: ég skulda Þjóðviljanum
þetta“. Magnús bannaði síðan að
útför hans yrði auglýst og lagði
svo fyrir að hún færi fram í kyrr-
þey, en það lá fyrir að heimilt var
að birta um hann kveðjuorð dag-
inn eftir útförina. Þess vegna er
þessi grein skrifuð, en útförin fór
fram í gær frá Fossvogskapellu í
Reykajvík.
Magnús var fæddur að Torf-
garði í Seyluhreppi í Skagafirði.
Gjöfin er gefin Þjóðviljanum til
minningar um ömmu Magnúsar
Margréti Sigfúsdóttur, Guð-
mundssonar, bónda Magnús-
sonar, í Vatnshlíð í Austur-
Húnavatnssýslu.
Magnús stundaði alla almenna
verkamannavinnu. Hann bjó í
Keflavík til ársins 1963 en fluttist
þá til Reykjavíkur. Uppruni hans
í Skagafirði og búseta í grennd
við herstöðina hefur kannski ver-
ið aðalástæða þess að þjóðfrelsis-
og sjálfstæðismálin voru honum
efst í huga.
Fyrir hönd okkar aðstandenda
Þjóðviljans færi ég Magnúsi Sig-
urðssyni þakkir fyrir samfylgdina
og þakkir fyrir þá gjöf sem hann
gaf blaðinu við andlát sitt. Von-
andi ber gjöfin ávöxt í öflugra
starfi og baráttu fyrir hugsjóna-
málum Magnúsar. Það er okkar
sem stöndum að blaðinu í raun
skylt að tryggja. Það verður best
gert með því að hreyfingin, flokk-
urinn og blaðið, eigi samleið,
framvegis sem hingað til. Nú,
einmitt nú, er lífsnauðsyn að sem
flestir geri sér grein fyrir þessu
grundvallarlögmáli, rétt eins og
Magnús Sigurðsson. Þá lifir Þjóð-
viljinn.
Svavar Gestsson