Dagblaðið Vísir - DV - 10.07.2001, Blaðsíða 2

2
ÞRIÐJUDAGUR 10. JÚLÍ 2001
Fréttir
Fiskveiðibátar frá Kína streymdu inn í Hafnarfjarðarhöfn í morgun:
Níu bátar á einu bretti
- komu með flutningaskipi eftir 45 daga siglingu
Sá einstæði atburður gerðist í
Hafnarfjarðarhöfn í morgun að
þangað kom flutningaskip alla leið
frá Kina með níu vertíðarbáta á
dekkinu sem smíðaðir voru fyrir
íslendinga. Siglingin sjálf tók um
45 daga en skipið lagði af stað 21.
apríl og tafðist um hálfan mánuð í
Alsir.
Það er fyrirtækið ísbú ehf. í
Reykjavík sem hefur haft milli-
göngu um smíði bátanna sem hver
um sig er um 120 tonn að stærð.
Jens'Valdimarsson, einn af eigend-
um ísbús, segir skipið hafa tafist á
leiðinni til íslands vegna hálfs
mánaðar biöar eftir vörum í Alsír.
Ætlunin hafi verið að skipið kæmi
til landsins 21. júní en raunin varð
10. júlí. Að öðru leyti gekk ferðin
vel.
„Þetta er í fyrsta skiptið sem
slíkur fjöldi vertíðarbáta er fluttur
í einu lagi til íslands. Það hefur
heldur aldrei gerst í veraldarsög-
unni að slíkur fjöldi vertíðarbáta
sé fluttur f einu lagi á milli heims-
álfa. Það var i sjálfu sér líka mjög
óvenjulegt að ná samningum við
svo marga útgerðarmenn í einu, en
án þess hefði þetta ekki verið
mögulegt. Slíkt gerist varla nema
einu sinni á öld,“ sagði Jens Valdi-
marsson. Hann segir útilokað að ná
samkeppnishæfu verði á smíði
slíkra báta ef ekki kæmi til rað-
smíði eins og þarna var gert. Bát-
arnir níu eru allir hannaðir hjá
Skipasýn ehf. í Reykjavik. Kranar
eru um borð í flutningaskipinu til
að lyfta allt að 300 tonnum. Þá eru
á því útskjótanlegir flotpúðar líkt
og á kranabílum til að tryggja stöð-
ugleikann meðan híft er.
Eigendur bátanna eru Sigurbjörg
Jónsdóttir ehf. á Hólmavík, Ey-
vindur ehf. í Keflavík, Guðmundur
Gunnarsson í Reykjavik, Vestri
ehf. á Patreksfirði, Viðar Sæ-
mundsson í Hafnarfirði, Útgerðar-
félagið Rún sf. á Seltjarnarnesi,
Ýmir ehf. á Bíldudal, Oddi hf. á
Patreksfirði og Þorbjörn-Fiskanes
hf. í Grindavik. -HKr.
Umferðin í Reykjavík:
Ökumenn í slag
Á fóstudagskvöldið kom maður á
lögreglustöðina í Reykjavík og til-
kynnti árás ökumanns sem áður hafði
keyrt í veg fyrir hann. Hann kvaðst
hafa verið í ökuferð og ekið á vinstri
akrein þegar ökumaður fyrir aftan
hann hefði gefið honum merki um að
færa sig yfir á þá hægri. Maðurinn
sagðist ekki hafa skipt um akrein enda
hefði hann haft i hyggju að taka
vinstribeygju innan tíðar. Vissi hann
þá ekki fyrr til en að hinn óþolinmóði
ökumaður keyrði i veg fyrir hann og
réðst því næst á hann. Hvorugur
meiddist i slagsmálunum en lögregla
vill hvetja menn til að sýna tillitssemi
í umferðinni. -aþ
Stoltir veiðimenn DVMYND GS
Georg Rúnar Ragnarsson og Bene-
dikt Vagn Gunnarsson á Unni EA
stoltir með höfrunginn sem þeir
fengu á handfærin.
Höfrungur á línu:
Fer beint
á grillið
DV, FLATEYRI:__________________________
„Við vorum á handfærum um átta
sjómílur út af Barðanum þegar skepn-
an náði að flækja sig í færunum hjá
okkur. Hann náði að vefla sig kirfilega
í færi af þremur rúilum og var orðinn
skorinn þar sem grannt nælonið var
fastast vafið um hann. Hann var að
slíta allt niður hjá okkur,“ segir Bene-
dikt Vagn Gunnarsson, skipstjóri á
Unni EA, þar sem hann var að landa
höfrungi á bryggjunni á Flateyri.
Hann og Georg Rúnar Ragnarsson
sem rær með honum á bátnum segja að
mikill bægslagangur hafi verið að inn-
byrða höfrunginn enda um væna
skepnu aö ræða. Þeir segja þetta
skemmtilega viðbót við liðlega 3 tonna
þorskafla dagsins og voru að vonum
ánægðir með fenginn.
„Þetta fer beint á grillið hjá okkur
enda er sagt að þetta sé á við besta
nautakjöt. Ég borðaði svona kjöt þegar
ég var lítill og man að það var mjög
gott.“ -GS
Össur vill borgarstjóra í landsmálin:
Fer ekki í þing-
framboð árið 2003
- ad óbreyttu, segir Ingibjörg Sólrún Gísladóttir
„Það er algjörlega skýrt í
mínum huga, ég fer ekki í
þingframboð árið 2003,“ segir
Ingibjörg Sólrún Gísaldóttir,
borgarstjóri og leiðtogi
Reykjavíkurlistans, vegna
þeirra ummæla Össurar
Skarphéðinssonar, formanns
Samfylkingarinnar, að hann
vildi helst fá borgarstjóra í
framboð í næstu þingkosn-
ingum.
Ingibjörg Sólrún sagðist þó hafa
skilning á þessari ósk Össurar sem
væri eðlileg.
„Ábyrgur stjórmálaleiötogi hlýt-
Ingibjörg Sól-
rún Gísladóttir.
ur að vilja fá sem flesta
sterka stjórnmálamenn
í slaginn," segir hún.
Ingibjörg Sólrún sór
og sárt við lagði að
hún hefði ekki einu
sinni leitt hugann að
því að fara í framboð
til Alþingis.
„Ég er orðin vön
þessari umræðu en hef
sagt að ég gefi kost á
Ossur Skarp-
héöinsson.
mér til að leiða Reykjavíkurlistann
og verða borgarstjóri á næsta kjör-
tímabili," segir hún.
Aðspurð um það hvort hún geti
ekki setið á Alþingi samhliða
því að stjórna borginni, segir
Ingibjörg Sólrún að það yrði
allt of mikið álag.
„Slíkt yrði allt of mikil
vinna og samræmist ekki nú-
timasamfélagi," segir Ingi-
björg Sólrún.
Aðspurð um það hvað hún
gerði ef Reykjavíkurlistinn
næði ekki meirihluta í borg-
inni, sagði hún að það hefði
ýmsar breytingar í för með sér.
„Þá verður komin upp ný staða
sem vandlega þyrfti að skoða,“ seg-
ir Ingibjörg Sólrún. -rt
Norðlenska kaupir kjötvinnslur og vörumerki Goða:
Bændur kunna að
tapa tugmilljónum
- nýja félagið með rúmlegga þriggja milljarða veltu
Norðlenska matborðið, sem er i
meirihlutaeigu Kaupfélags Eyfirð-
inga, og Goði hafa undirritað samn-
ing um kaup Norðlenska á öllum
kjötvinnslum og vörumerkjum
Goða. Um er að ræða kjötvinnslur
Goða á Kirkjusandi og við Faxafen í
Reykjavík auk kjötvinnslu félagsins
í Borgarnesi.
Velta umræddra kjötvinnslna er
um 1.500 milljónir króna á ári og hjá
þeim starfa í dag um 140 manns. Við
kaupin verður til eitt stærsta kjöt-
vinnslufyrirtæki landsins með áætl-
aöa veltu upp á rúmlega 3.000 millj-
ónir króna. Fyrir rekur Norðlenska
kjötvinnslur og sláturhús á Akur-
eyri og Húsavík en höfuðstövar fé-
lagsins eru á Akureyri. Markmiðið
með kaupunum er að ná fram auknu
hagræði í kjötvinnslu en hingað til
hefur rekstur kjötvinnsla gengið erf-
iðlega þar sem m.a. rekstrareiningar
hafa verið margar og smáar.
Bændur sviðnir
Össur Lárusson, framkvæmda-
stjóri Landssambands sauðijár-
bænda, segir að sauðfjárbændur eigi
töluverða fjármuni hjá Goða vegna
sláturinnleggja en staða nautgripa-
bænda sé hins vegar mun verri, þeir
eigi inni mifljónatugi sem erfitt sé
að sjá nú hvort þeir fái greiddar.
Össur segir að forsvarsmenn Goða
hafi tjáð þeim að ekki sé stefnt að
því að fara með félagið í gjaldþrot,
en ljóst sé að fram undan sé mjög
mikil röskun á starfseminni.
„Goði mun áfram reka sláturhús,
en ekki nema í verktöku, og félagið
muni ekki kaupa kjöt í haust af
bændum. Ekki verður slátrað í 5
sláturhúsum, en liklegt að slátrað
verði að Fossvöllum, Höfn og
Hvammstanga, þiggi bændur að það
verði gert í verktöku. Það er erfitt
að sjá hvert stefnir nú, en líklegast
er að bændur sem verða með slátur-
fé á áðumefndum þremur sláturhús-
um muni stofna félag um afurðasölu
til þess að koma kjöti sínu í verð.
Það er ljóst að það þurfti að hag-
ræða, en þetta er ekki sú staða sem
menn óskuðu eftir,“ segir Össur Lár-
usson.
Erlingur Teitsson á Brún í
Reykjadal, stjórmaður í Norðlenska,
segir að farið verði valega i flutning
starfa norður til aö byrja með, ekki
verði um neinar stórbreytingar að
ræða í fyrsta kastið. Að öðru leyti
vildi hann ekki tjá sig um málið.
Ekki náðist í Eirík S. Jóhannsson,
kaupfélagsstjóra KEA, stjórnarfor-
mann Norðlenska. -GG
Friðrik fær 31 milljón
Evrópski kvik-
myndasjóðurinn hef-
ur ákveðið að veita
rúmlega 31 milljón
króna í framleiðslu-
styrk til Fálka,
næstu kvikmyndar
Friðriks Þórs Frið-
rikssonar. Styrkur-
inn er sá hæsti sem Eurimages hefur
veitt íslenskri kvikmynd til þessa.
Einar Kárason skrifar handritið.
Gengi hækkaði
Lífleg viðskipti voru með hlutabréf
í Lyfjaverslun íslands á Verðbréfa-
þingi í gær og hækkaði gengi bréf-
anna um 14,81% frá síðasta viðskipta-
degi. Alls námu viðskiptin tæpum 40
milljónum króna og endaði gengið í
6,20 á hlut.
Björgunarskip sent út
Björgunarskipið Hannes Þ. Haf-
stein var sent til aðstoðar vélarvana
færeysku skipi upp úr kl. 14.30 í gær.
Var skipið þá statt um 100 mílur vest-
suð-vestur af Reykjanesi. Kall barst
frá skipinu eftir hádegi þar sem beð-
ið var um aðstoð. Von er á bátunum
til hafnar í Sandgerði um hádegið.
Gjald á nagladekk
Umhverfis- og heilbrigðisnefnd
Reykjavíkur hefur samþykkt tillögur
gatnamálastjóra og Heilbrigðiseftir-
lits borgarinnar um aðgerðir til að
draga úr notkun nagladekkja. Meiri-
hlutinn vill að gjald verði lagt á þá
sem aka á nagladekkjum.
islandspóstur hækkar
íslandspóstur hækkar póstburðar-
gjöld á morgun um tæp 5% að meðal-
tali. Hækkunin nær til bréfa léttari
en 51 gramm og bréfa 100-250 grömm.
Ástæða hækkunar er sögð almenn
kostnaðarhækkun í þjóðfélaginu.
í brúðkaup
Forseti íslands,
Ólafur Ragnar
Grímsson, og Dorrit
Moussaieff eru á
lista yfir þá 500 gesti
víða að úr heimin-
um sem boðið er í
brúðkaup norska
krónprinsins 25.
ágúst. Þá gengur prinsinn að eiga
Mette-Marit Tjessen Höiby. Athöfnin
fer fram í dómkirkjunni í Ósló.
Sjúkraþjálfari dæmdur
Sjúkraþjálfari í Reykjavík var í
Héraðsdómi í gær dæmdur til að
greiða konu sem leitaði til hans rif-
lega 2 1/2 milljón króna í bætur með
dráttarvöxtum í þrjú ár.
Tollalækkanir virka ekki
Kristján Bragason, fulitrúi ASÍ í
starfshópi Landbúnaðarráðuneytis-
ins um framleiðslu og markaðsmál
grænmetis, segir það vonbrigði að
ákveðnar grænmetistegundir hafi
ýmist hækkað eða staöið í stað eftir
tollalækkanir um miðjan júní.
InnbrotíIkea
Lögreglu var tilkynnt um innbrots-
þjófa í versluninni Ikea við Holta-
garöa um eittleytið í nótt. Þjófarnir
höfðu brotið fimm rúður í bygging-
unni norðanverðri og farið um skrif-
stofur. Fartölvu og skjávarpa var
saknað. Öryggisvörður varö var við
mannaferðir en mennirnir voru á
bak og burt þegar lögreglu bar að
garði. -HKr/aþ