Dagblaðið Vísir - DV - 10.07.2001, Side 9

ÞRIÐJUDAGUR 10. JÚLÍ 2001
DV
Norðurland
9
Nýtt verslunarhús rís
- í miðbæ Akureyrar. Haglcaup væntanlega með verslun í húsinu
Umhverfisráð Akureyrarbæjar
hefur tekið jákvætt í erindi Hymis
ehf. sem vill byggja stórt verslunar-
hús í námunda við Umferðarmið-
stöðina á Akureyri, vestan Drottn-
ingarbrautar og austan Hafnarstræt-
is. Ráðið hefur falið sviðsstjóra
tæknisviðs bæjarins og bæjarlög-
manni að ganga til viðræðna við lóð-
arhafa Hafnarstrætis 82 um breyt-
ingar á lóðamörkum á svæðinu.
Hymir ehf. er í eigu fjögurra
kunnra Akureyringa, Páls Alfreðs-
sonar byggingameistara, Péturs
Bjarnasonar athafnamanns, Sigurð-
ar J. Sigurðssonar, svæðisstjóra
Skeljungs og forseta bæjarstjórnar,
og Bjarna Reykjalín, deOdarstjóra
umhverfisdeildar bæjarins. Hymir
ehf. byggði einmitt verslunarhús í
Glerárhverfi á síðasta ári þar sem
verslun Bónus er til húsa.
„Það er meiningin að byggja
þarna fjögur þúsund fermetra hús
að grunnfleti sem verslunarhús og
undir húsinu verður bílageymsla
neðanjarðar," segir Páll Alfreðsson
byggingarmeistari. Hann segir að
ofan á húsið að austanverðu með
fram Drottningarbrautinni verði
byggðar íbúðir. Húsið verður stað-
sett við Umferðarmiðstöðina og nær
að norðurhlið Hafnarstrætis 86 í
norðurátt.
Rætt hefur verið um að Hagkaup
hafi áhuga á að flytja verslun sína af
Oddeyri nær miðbænum og hafi eig-
endur Hagkaups einungis verið að
bíða eftir því að finna hentugt hús-
næði fyrir verslunina á miðbæjar-
svæðinu. Páll Alfreðsson játar þvi
að viðræður hafi átt sér stað við
Hagkaupsmenn, en segir enga niður-
stöðu liggja fyrir úr þeim viðræðum
enn sem komið er. Þá sagði hann
það ekki liggja fyrir hversu margar
verslanir yrðu í nýja húsinu en
stefnt sé að því að framkvæmdir
hefjist i febrúar eöa mars á næsta
ári.
Formaður Miðbæjarsamtakanna
á Akureyri, sem eru samtök versl-
unarmanna í miðbænum, hefur
fagnað byggingu nýja verslunar-
hússins og segir tilkomu hússins
muni styrkja verslun í miðbænum
en þegar Glerártorg tók til starfa á
síðasta ári veikti það verslun í mið-
bænum. Nú gætu verið bjartari tím-
ar fram undan en hleypa á umferð
bifreiða á göngugötuna í Hafnar-
stræti í haust eða vetur. -gk
Fermec
Hundruð milljóna króna framkvæmdir á sundlaugarsvæðinu:
Metaðsókn um helgina
- endurbætur fyrir um 450 milljónir króna
_ . .. ..... . DV-MYND BRINK
Fra sundlaugarsvæðinu a Akureyri.
„Sú mikla uppbygging sem átt
hefur sér stað á sundlaugarsvæðinu
skilar sér nú í mjög aukinni aðsókn,
það er enginn vafi á því,“ segir Gísli
Kristinn Lórenzson, framkvæmda-
stjóri Sundlaugar Akureyrarbæjar,
en sundlaugarsvæðinu hefur verið
nánast gjörbylt á síðustu árum.
Laugarsvæðið þykir nú eitt það
allra glæsilegasta á landinu og al-
menningur sýnir að hann kann gott
að meta og sækir laugarnar og
sundlaugarsvæðið sem aldrei fyrr.
Gísli Kristinn segir að frá fimmtu-
degi til sunnudags um nýliðna helgi
hafi um 16 þúsund manns komið í
sund í laugarnar, og á sundlaugar-
svæöið sem er búið allskyns leik-
tækjum hafi sennilega komið eitt-
hvað yfir 20 þúsund manns.
„Við getum ekki annað en verið
ánægð með þess aðsókn en við ráð-
um ekki við að taka á móti miklu
fleirum eins og staðan er í dag,“ seg-
ir Gísli Kristinn. Hann segir að frá
því að uppbygging sundlaugarsvæð-
isins hófst árið 1994 hafi verið ráð-
ist í framkvæmdir á svæðinu fyrir
um 450 milljónir króna og líklegt sé
að heildarkostnaður framkvæmda
þegar þeim lýkur verði kominn í
500 miUjónir.
Um þessar mundir er verið að
taka í notkun aö nýju efstu hæð
gömlu byggingarinnar við laugina
eftir gagngerar endurbætur. Þar
verða gufuböð og sólarlampar auk
aðstöðu fyrir starfsfólk. Af fram-
kvæmdum sem eru á döfinni nefnir
Gísli Kristinn byggingu öryggis-
turns þar sem m.a. yrði fylgst með
öllum öryggismyndavélum á svæð-
inu. Þá er á dagskrá að taka gömlu
laugina í gegn, hana á að stytta úr
33 metrum í 25 metra og við enda
hennar verður komið fyrir
busllaugum fyrir börnin. Þá liggur
fyrir að bæta þurfi aðgengi fatlaðra
að svæðinu.
-gk
minigrafa
Fermec 115 minigrafa - árg. 2000
Vinnustundir 300
Verð 1.600.000,- án vsk.
Ingvar
Helgason hf.
Sœvarhöfða 2-Sími 525 8070-Fax: 587 9577 Véladeild - www.ih.is
Nýtt deiliskipulag
Höepfnersbryggju
Bæjarstjórn Akureyrar hefur
samþykkt aö auglýsa tillögu að
deiliskipulagi Höepfnersbryggju.
Tillagan gerir m.a. ráð fyrir auk-
inni landfyllingu og byggingarreit
fyrir nýtt klúbbhús Siglingaklúbbs-
ins Nökkva, auk fleiri aðgerða sem
ætlað er að bæta aðstöðu Siglinga-
klúbbsins og auka gildi svæðisins
sem almenns útivistarsvæðis.
Þannig er t.d. gert ráð fyrir að utan
á austurkant iandfyllingarinnar
verði byggður bryggjukantur úr tré
en þessar bryggjur eru hugsaöar
fyrir stangveiðimenn og til þess að
stangveiðimenn geti lagt að þeim.
Einnig er gert ráð fyrir nýrri litilli
fyllingu sunnan við voginn og verð-
ur vogurinn dýpkaður nokkuð
frammi fyrir henni þannig að litlir
bátar geti verið við legufæri þar og
haft nokkuð skjól af aðalfylling-
unni.
Frestur til að gera athugasemdir
við tillöguna rennur út þann 17.
ágúst.
Tlllagan um nýtt skipulag viö Höepfnersbryggju.
Vítamin B1 jJQ 440
Pantothenic acid
M9 320
Vitamin B2 M9 370_______________Biotin__________________M9 23
Vitamin B6 M9 110_______________Choline ( mg /100 g ) M9 40
Umboðsaðili Kísill ehf., Dreifing: Osta- og smjörsalan sf.,
sími 551 5960. sími 569 1600.
B-carotene M9 107__________________Vitamin PP_____________m9 55
Innihald í 100 g af Parmigiano-Reggiano
Vitamin A______m9 270_____________Vitamin B12__________m9 4,2