Dagblaðið Vísir - DV - 24.07.2001, Blaðsíða 11
11
ÞRIÐJUDAGUR 24. JÚLÍ 2001___
DV__________________ Útlönd
Vanan starfsmann vantar í
gestamóttöku við bókunar- og
stjórnunarstörf á stóru hóteli í
Reykjavík.
Svar sendist Auglýsingadeiid DV
fyrir 28. júlí 2001, merkt „Hótel-
3220“
Sher Bahadur Deuba
Setur lausn uppreisnar maóista á
oddinn sem forsætisráöherra.
Átök stöövuð
Nepölsk yfirvöld og fulltrúar
skæruliöa maóista tilkynntu í gær
að vopnahlé hefði tekið gildi milli
stríðandi fylkinga. Þetta er gert til að
liðka fyrir friðarviðræðum sem ætl-
að er að binda enda á fimm ára bar-
áttu maóista fyrir kommúnísku ríki.
Að sögn Sher Bahadur Deuba,
forsætisráðherra Nepals til tveggja
daga, hefur her- og lögreglumönn-
um verið fyrirskipað að halda að
sér höndum ef þeir verða varir við
skæruliða. Sömuleiðis hvatti
Prachanda, leiðtogi stjórnmála-
flokks maóista, skæruliða að hætta
vopnaðri baráttu til að skapa af-
slappað andrúmsloft fyrir viðræður.
Deuba, sem tók við embætti for-
sætisráðherra fyrir þrem dögum,
hefur sett lausn uppreisnarinnar á
oddinn i starfi sínu. Uppreisnin hef-
ur nú kostað um 1750 manns lífið.
Maóistar hafa sett fram kröfugerð
þar sem þeir fara fram á að fá upp-
lýsingar um týnda félaga, auk þess
að fá félaga lausa úr fangelsi. í stað
þess munu þeir láta lausa lögreglu-
menn sem skæruliðarnir halda í
gíslingu. Ofan á þetta vilja þeir að
felld verði úr gildi lög sem fyrrum
ríkisstjórn setti, í sambandi við
harða baráttu gegn uppreisn
maóista. Von er um árangur þar
sem Deuba er talinn mun sveigjan-
legri en fyrirrennari hans.
Kláðaduft notað
gegn nasistum
Njósnarar á vegum Breta beittu
Þjóðverja ýmsum bellibrögðum í
síðari heimsstyrjöldinni, sam-
kvæmt nýrri bók sem byggð er á
gögnum úr stríðinu. Njósnararnir
notuðu meðal annars kláðaduft til
að koma höggi á þýska hermenn.
Þvi var ýmist dreift á rúmföt eða
nærfót hermannanna, en einnig
þekktist að dreifa því á getnaðar-
varnir sem fluttar voru á vinsæl
vændishús þýskra hermanna. Um
7000 manns sóttu breskan æfinga-
skóla fyrir njósnir, flestir frá lönd-
um hersetnum af Þjóðverjum. Þeim
var kennt aö dulbúast, skera her-
menn á háls án hávaða, nota ósýni-
legt blek og þekkja sögu nasismans.
Wahid neitar að yfir-
gefa forsetahöllina
Japan biðlar enn
Sjö ára drengur grætur þar sem hann bíöur í biöröö eftir mat á bráðabirgöaskýli fyrir heimilislausa í borginni Mata-
galpa í Nikaragúa i gær. Um 12 þúsund manns, heimilislaust og atvinnulaust bændafólk, hefur leitaö athvarfs í skýl-
um sem þessu í kjölfar hruns í kaffiiönaðinum.
Indónesía:
Megawati Soukarnopoutri, dóttir
fyrsta forseta Indónesíu, fetaði í fót-
spor fóður síns í gær þegar hún
varð fjórði forseti landsins.
Indónesíska þingið kaus Megawati
sem forseta nokkrum klukkustund-
um eftir að Abdurrahman Wahid,
fyrrverandi forseti, lýsti yfir neyð-
arástandi og fyrirskipaði upplausn
þingsins. Þeim aðgerðum var ætlað
að stöðva framgang ákærumáls á
hendur honum.
Svo virtist hins vegar sem Wahid
hefði ekki fengið nóg af forsetastóln-
um og neitaði hann að yfirgefa for-
setahöllina í gær. í morgun hitti
hann nokkra embættismenn og lét
sem ekkert hefði ískorist. Þessi
hegðun þykir einkennandi fyrir
þrjósku hans þann 21 mánuð sem
hann var við völd.
Nýi forsetinn Megawati hefur
Abdurrahman Wahld
Varpaö af stóli en er enn þá
í forsetaleik.
ekki gefið frá sér yfirlýsingu varð-
andi þaulsætni Wahids. Hún situr
áfram í varaforsetahöllinni og bíður
þess enn að flytja inn í forsetahöll-
ina, æskuheimili sitt þegar faðir
hennar Sukarno var við völd. Ráða-
menn í Indónesíu forðast bein átök
við Wahid, eitt sinn virtan
múslímaklerk, en nú hálfblindan og
heilsuveilan.
Vonast er til þess að Wahid fari
að fikra sig út úr höllinni í næstu
viku, en talsmanni forseta var ekki
kunnugt um áætlanir þess eðlis.
Hallarinnar er vandlega gætt. Wa-
hid sást síðast á tröppum fyrir utan
höllina í gærkvöld. Hann veifaði til
stuðningsmanna sinna, íklæddur
sandölum, stuttbuxum og bol. Hann
segist hafa verið rekinn af fólki í til-
fmningauppnámi og hyggst ekki
svara með sama hætti.
IJTSALA !!
Hercules Terra Trac OTR
verð með afslætti
Stærð Verð
30- 9.50R15 11,990
31- 10,5R15 12,990
31- 11,5R15 15,295
32- 12,5R15 14,990
33- 12,5R15 15,990
33-12,5R16,5 17,920
225/70R16 13,770
235/85R16 14,690
245775R16 15,750
265775R16 14,990
285775R16 20,430
^VDO)
Vegmúla 2
Sími 588 9747
www.vdo.is
til Bandaríkjanna
Þrátt fyrir að Japan hafi að lok-
um samþykkt að staðfesta Kyoto-
sáttmálann án þátttöku Bandaríkj-
anna hefur landið ekki gefist upp á
að reyna að vinna Kanann aftur inn
í sáttmálann. Forsætisráðherra Jap-
ans, Junichiro Koizumi, fagnaði í
gær samkomulaginu sem náðist á
loftslagsráðstefnunni í Bonn. Hann
ítrekaði hins vegar þá stefnu jap-
anskra stjórnvalda að reyna gera
allt sem í þeirra valdi stendur til að
fá Bandaríkin til aö taka þátt í
Kyoto-sáttmálanum.
George W. Bush, forseti Banda-
ríkjanna, tilkynnti í mars að
Bandaríkin myndu ekki staðfesta
Kyoto-sáttmálann þar sem hann
væri skaðlegur bandarískum efna-
hag.
Eftir það var Japan í lykilstöðu.
Ef japönsk yfirvöld staðfestu þá
myndu önnur stór iðn-
ríki fylgja i kjölfarið.
Koizumi er talinn
vera undir mikilli
pressu vegna málsins.
Frá Evrópusambandinu
hefur hann verið undir
pressu frá þeim sem
vilja staðfesta Kyoto-
sáttmálann. Áhinn bóg-
inn er Koizumi illa við
að einangra náinn
bandamann eins og
Bandaríkin. Einnig set-
ur sáttmálinn álögur á
japönsk fyrirtæki sem
skekkja samkeppnis-
stöðu þeirra gagnvart
bandarískúm vörum.
Samtök fyrirtækja í Jap-
an eru talin hafa ýtt á
Koizumi um að reyna
ES haföi betur gegn USA
Margot Wallstrom, yfirmaöur umhverfismála hjá Evrópusam-
bandinu, var ánægö meö útkomu Bonn-ráöstefnunnar þrátt fyr-
ir fjarveru Bandaríkjanna.
áfram að fá Bandaríkin
með.
Bandaríska sendi-
nefndin, sem sat fundi á
loftslagsráðstefnunni í
Bonn, tók ekki þátt í
maraþonviðræðum sem
að lokum björguðu Kyoto-
sáttmálanum, sem mörg-
um umhverfisvinum þyk-
ir heldur útþynntur. For-
maður sendinefndarinnar
bandarísku, Paula Dobri-
ansky, segir aö Bandarík-
in muni ekki breyta
ákvörðun sinni þrátt fyr-
ir samkomulagið. Bush
forseti samþykkti á G8-
fundinum um helgina að
vinna að að draga úr los-
un gróðurhúsaloft-
tegunda.