Dagblaðið Vísir - DV - 28.12.2002, Blaðsíða 30
30
H<3l<garhlacf H>"V
LAUGARDAGUR 28. DESEMBER 2002
Minnisverður dagur í lífi
fréttaritara árið 2002:
Einn á móti átta
í sumar lenti hann Bragi í Eden í
útistöðum við átta kraftakarla. Til-
drögin voru þau að kraftakarlarnir
mættu hálftíma of
seint og missti
Bragi af viðskipt-
um. Fólk sem kom
til að sjá karlana
lyfta svokallaðri
„Húsavíkurhellu“
fór leiðar sinnar
eftir langa bið.
Eva Þegar kraftakarl-
Hreinsdóttir, arnir loks mættu
Hverageröi. var þejm vjsaQ af
svæðinu. Kom nær til handalög-
mála og var meira en lítið fyndið að
sjá átta þéttvaxna og stóra karla
eiga í útistöðum við Braga. Sjálfur
sagðist Bragi hafa viljað hafa fyrir-
sögnina í DV: „Einn á móti átta eða
Einn og átta“. Á einni myndinni
steytir Bragi hnefann framan í einn
þessara átta, hvergi banginn.
Smalað í vestfirsku hálendi
Dagstund í vestfirskri háijallavíð-
lendu, í fylgd reyndra smala, varð
mér gagnlegri kennslustund en marg-
ur háskólafyrirlest-
urinn. Ljónstyggri
fjallafálunni er
margt geflð. Þar á
meðal er að hún
veit upp á hár
hvert erindi smal-
inn, hinn óboðni
gestur, á í ríki
hennar að hausti
til. Hún er jafn-
ákveðin í því að
láta ekki hrekja sig til byggða. Þess-
ari tilteknu orrustu síðastliðið haust
lauk með sigri mannsins sem beitti
hægð og íhygli. Nokkrir tugir lagð-
prúðra kinda stóðu með lömb sín í
heimatúni Hrafnabjarga að kvöldi. Þó
var stríðið ailt ekki unnið að sinni.
Mörg sauðkindin slapp aftur i frelsið
á heiðum uppi. Þær voru sóttar síðar,
enda smalinn jafn þeim að þrjósku
eins og vera ber. í huganum situr eft-
ir minning um menn, dýr og fagurt
land og sýn á samspil þeirra um ald-
Loksins hringveginn
Ferð með Kirkjukór Ólafsvíkur
til Færeyja i júní verður ógleyman-
leg og ég hvet alla sem ekki hafa
komið þangað að
fara að hitta
frændur okkar og
góða vini, Færey-
inga. Móttökur
voru stórbrotnar.
Meira um ferðalög
á þessu góða ári.
Ég og konan mín
létum loksins
verða af því að
fara „hringinn"
með fellihýsið, ég segi ekki á hvað
mörgum dögum. Veðrið var nú
svona og svona. Á heimaslóðum var
og er mannlífið í góöum gír og
haustið sannkölluð listahátíð. Eitt
að lokum: Mér finnst bara að hann
Árni dýralæknir (og sjávarútvegs-
ráðherra) eigi að lofa sjómönnunum
okkar að fara að veiða aðeins meira
af flski. Þá breytist svo margt til
enn betri vegar í sjávarplássum
eins og okkar góða Snæfellsbæ.
Ár mikilla öfga
Ár talsverðra öfga er senn á enda.
I upphafl flóð. Vatnavextir í janúar.
Vanalega eru fréttir af snjó og ófærð
frekar sagðar þann
mánuðinn. Öfgar í
pólitík þegar á vor-
ið leið. Þó ekki
flæddi út af var
víöa tekist á.
Meirihlutar féllu
og nýir myndaðir á
rústunum. Pólitísk
slagsíða til miðju
og vinstri á Suður-
landi, ekki öfgar en
þó talsverðar breytingar. Sumarið
rann ljúft og gott fram að júlí. Síðan
fór hann að rigna, og rigna. Öfgar en
þó stytti upp að lokum. Gott haust að
baki. Nú er að renna inn í vetur;
ekki farinn að sjást snjór eða safnast
í skafla. Fjöflin snjólaus og jörðin
frostlaus. Öfgar - en árið hefur verið
gott engu að síður.
Pétur S.
Jóhannsson,
Ólafsvík.
Fréttaritarar DV á rigningar- og flóðaári 2002:
Héldu að nýtt Nóaflóð
væri hafið
Nútíma rafeindatækni gerir fréttarit-
urum DV kleift að fá birtar fréttir og
myndir sem koma prentaðar á götumar
aðeins tæpum tveim tímum eftir að þær
voru teknar. Lesendur blaðsins njóta
því glóðvolgra DV-frétta, sama hvar á
landinu atburðurinn hefur gerst. Þetta
hefur gerst æ oftar á síðustu misserum
og myndir og frásagnir fréttaritara okk-
ar rötuðu margoft inn á forsíðu blaðsins
á þessu ári. Slfkt er auðvitað keppikefli
allra góðra fréttamanna. DV er með víð-
feðmt net fréttaritara um landið allt,
nær 50 afburða fréttamenn sem kunna
vel til verka. Allir fréttaritarar DV eru
„vopnaðir" stafrænum myndavélum og
senda myndir og texta frá tölvum sínum
til tölva fréttamanna á ritstjórninni við
Skaftahlíð og Miklubraut í Reykjavík. Á
árinu sem nú er að líða hafa fréttaritar-
ar DV sent blaðinu nokkuð á annað þús-
und fréttir og myndir úr sínum byggð-
arlögum.
Rafræna galdraverkið
Það er gaman að minnast á þetta ein-
stæða ferli, þetta rafræna galdraverk, og
bera saman við það sem fréttamenn fyr-
ir ekki svo löngu síðan þurftu að kljást
við. Þá eins og nú var barist við að
koma fréttum og myndum sem ferskust-
um í blaðið. Gallinn var bara sá að erfltt
var að koma afurðunum frá sér til blaðs-
ins. Textinn var stundum settur á blað
og í umslag sem síðan var sett í póst
ásamt filmunni eða komið á rútubílinn.
Ef mikið lá við var síminn notaður en
talsamband oft og einatt svo bágborið að
varla heyrðist orða skil. Eina leiðin fyr-
ir filmuna var þjóðvegurinn eða flugvél-
in.
Það gefur augaleið að hin nýja tækni
hraðar fréttamiðlun utan af landsbyggð-
inni til muna. Auk þess eru stafrænar
myndir tilbúnar til skoðunar strax eftir
myndatöku og þá má sjá hvort um
heppnaða mynd er að ræða eða ónýta.
Það verður að segjast eins og er að
myndir fréttaritara áður fyrr voru oft
afar slakar. í dag skera þær sig ekki úr
öðrum myndum að neinu leyti.
Góðar fréttir, slæmar fréttir...
Árið 2002 var fjörlegt á innlendum
vettvangi og þar komu fréttaritarar í
dreifðum byggðum landsins mikið við
sögu meðan fréttamenn í Reykjavík og á
Akureyri önnuðust um stærstu þéttbýl-
DV-MYND NJORÐUR HELGASON, SELFOSSI
Syndafallió
Það var hávetur, áriö 2002 rétt rtýhafiö og samt stórflóð víöa um land. Hér
skoöa menn flauminn í Markarfljóti.
nema vikugamalt þegar Skjálfandafljót
25-faldaðist að vatnsmagni vegna úr-
komu á hálendinu. Þótt hávetur væri
voru ár víða um land 1 foráttuvexti.
Njörður Heigason, DV-maður frá Sel-
fossi, var mættur og sýndi mikið sjónar-
spil sunnlensku ánna í myndum sínum.
Nú í haust hefur rignt meira en góðu
hófl gegnir, einkum á Austurlandi. Á
Seyðisfirði hafa fjölskyldur oftsinnis
þurft að yfirgefa hús sin vegna hættu
sem stafað hefur af aurskriðum úr fjall-
inu fyrir ofan kaupstaðinn. Mikil flóð
urðu fyrir nokkrum vikum á Egilsstöð-
um og var flugvöllurinn tvívegis umflot-
inn vatni. Menn héldu hreinlega að nýtt
Nóaflóð væri hafið.
Austan af fjörðum bárust fréttir af
vegarskemmdum í kjölfar flóðanna.
Talandi um vegi þá birtist frétt að aust-
an um að Alcoa-álrisinn í Bandaríkjun-
um væri strax í ágúst farinn að hafa
skoðanir á íslenskri vegagerð og óskaði
eftir að vegurinn milli Reyðarftarðar og
Eskifjarðar yrði færður burtu frá vænt-
anlegu athafnasvæði álversins sem
þama á að risa. Vegir og brúargerð
voru mikið í umræðunni, ailt er að
batna í þeim efnum og DV greindi frá
Jón Birgir
Pétursson
blaöamaöur
iskjamana. Fréttir af landsbyggðinni
eru auðvitað keimlíkar fréttum úr þétt-
býlinu, þar verða til góðar fréttir og
slæmar, harðar fréttir og mjúkar eins
og gerist og gengur. Allt sem maðurinn
aðhefst er fréttnæmt í sjálfu sér og at-
burðimir gerast á ólíklegustu stöðum.
Og hvarvetna er stutt í fréttamann DV,
sem greinir lesendum frá staðreyndum.
Árið 2002 var kosningavor, lands-
menn drifu sig á kjörstaði og kusu til
sveitarstjóma. Fyrri hluta ársins gat að
líta talsvert af pólitiskum hjaðningavíg-
um, síðan af myndun meirihluta, bæjar-
stjóraskiptum og fleim. Víða var harka
í pólitíkinni og um ýmsar væringar
mátti lesa í DV.
Það rigndi einhver ósköp
2002 var ár stórflóða. Árið var ekki
því fyrst blaða að senn fengi Þjórsá
breiða og virðulega brú. Norður á
Ströndum reyndist þó nýr vegur ófær
venjulegum fólksbílum, en það var lag-
fært.
Snjóflóð féllu í Mýrdal seinni part
vetrar en allt fór vel, DV-maðurinn Sig-
urður Hjálmarsson mætti á staðinn og
sendi glóðheitar fréttir og myndir af
flóði og fólki undir fyrirsögninni Mátti
ekki tæpara standa. Júiía Imsland,
fréttaritari blaðsins í Homaflrði, komst
í feitt - hvalreka sem Skaftfellingar
nýttu sér til hins ýtrasta og flensuðu
flikkið. Undir vor var greint frá því á
forsíðu að grjóthrun hefði ógnað bæ í
Mýrdal.
Er kirkjan næst?
Áberandi í fréttum ársins var vax-
andi óánægja með sameiningar sumra
sveitarfélaga. Mörgum hinum minni
þótti að sinn hagur væri fyrir borð bor-
inn. Þannig varð Ijóst að á fomum versl-
unarstöðum eins og Eyrarbakka og
Stokkseyri er nánast horfin bráðnauð-
synleg þjónusta af ýmsu tagi. Bankinn
hætti að mestu, póstútibú stytti af-
greiðslutíma og loks var síðustu mat-
vörubúðinni lokað. „Næst loka þeir
kirkjunni,“ sögðu menn. íbúar þessara
byggða snúa sér til Selfoss eftir lifsbjörg-
inni en kaupa mjólk á bensínstöð. Eldra
fólki á þessum stöðum er ekið í rútubíl-
um í Bónusbúð Selfyssinga.
Fréttaritari DV á Breiðdalsvík,
Hanna Ingólfsdóttir, var á bryggjunni
og myndaði lukkulega heimkomu sjó-
manns sem rétt áður var bjargað af kili
báts síns um borð í skemmtiferðabátinn
Áka í besta sumarveðri. Hanna fylgdist
líka grannt með storkinum Styrmi sem
flæktist í sunnanblænum norður til Is-
lands, skemmtilegar fréttir hafa birst
fram undir þetta í DV.
En því miður komu fréttamenn okk-
ar lika að voveiflegum atburðum, meðal
annars þegar kínversk flölskylda lét líf-
ið við Kolkuós í sumar. Jóhann Öm
Amarson á Blönduósi annaðist um það
mál af nærfæmi. í sumar barst líka
mynd af endalokum flugferðar - flug-
maður magalenti vél sinni i kartöflu-
garði án þess að meiðast. Óhugur var í
fólki á Suðurlandi þegar kveikt var í
flmm bílum og flórir aðrir skemmdir á
Hvolsvelli.
Hornfirðingar og Bond-myndin
Julia Imsland, frettaritari DV, Hornafirði:
DV-MYND JÚLÍA IMSLAND
Kvikmyndaveriö við Jökulsárlón
Græni bletturinn ergolfvöllur sem var búinn til rétt viö þjóöveginn og átti aö
vera golfvöllur viö íshöll en var ekki notaöur í myndina þegar til kom.
Þegar Homfirðingar fara að rifja
upp helstu atburði ársins 2002 í hér-
aðinu eru tökur á hinni æsispenn-
andi James Bond-mynd Die Another
Day það eftirminnilegasta. Bond-
kvikmyndaliðið, um hundrað Bret-
ar, mætti á staðinn seinni hluta
febrúar og var í flmm vikur við
myndatökur við Jökulsárlón og ná-
grenni. Mikil leynd var yflr því sem
fram fór við myndatökuna og
fílefldir verðir sáu um að enginn
óviðkomandi kæmi inn á svæðið án
leyfis og þeir sem þar unnu skyldu
gæta tungu sinnar.
Fjallajeppar og færanlegur
skógur
Frétt barst út um að fá þyrfti yflr
30 fjallajeppa í kvikmyndatökuna og
menn fóru að hressa upp á vagna
sína svo þeir yrðu boðlegir. Því mið-
ur voru þessar fréttir stórlega ýktar
og þegar til kom var ekki þörf fyrir
nema sjö jeppa.
Þó svona fáir jeppaeigendur væru
ráðnir fengu um fimmtíu heima-
menn ýmis þjónustustörf. Kokkarn-
ir í kvikmyndaverinu þurftu aðstoð-
armenn í eldhúsið við eldamennsku,
uppvörtun, uppþvott og sitthvað
fleira. Starfsfólki á gisti- og veitinga-
stöðum fjölgaði einnig þennan tíma.
Þar sem enginn skógur er við Jök-
ulsárlón, en slíkur þurfti að vera í
myndinni, var gripið til þess ráðs að
sækja bilfarm af rauðgrenitrjám í
Hallormsstað og á örskömmum tíma
var kominn myndarlegur skógur við
lónið þar sem leikurinn gat með til-
heyrandi tilþrifum haldið áfram.
Bílanna gætt dag og nótt
Kvikmyndatökumenn ásamt
starfsliði byrjuðu á að koma upp
búðum við Jökulsárlón þar sem
meðal annars var sett upp fullkomið
bifreiðaverkstæði og skýli fyrir
Bond-bílana sem voru fjórir Aston
Martin og Vanquish glæsivagnar og
flórir Jagúar XKR. Verðir gættu bíl-
anna dag og nótt. Aðeins sérhæflr
ökumenn fengu að aka gæðingunum
og örfáir útvaldir meðal heima-
manna urðu þeirrar hamingju að-
njótandi að sifja í smáspöl um töku-
svæðið en aðeins sem farþegar. Það
er ekki ónýtt að geta sagt frá því að
hafa ekið í Bond-bílnum búnum
byssu á þaki, á vélarhlífinni og með
eldflaugar í stuðaranum ásamt öðr-
um tilheyrandi tæknibúnaði.
Sautján vaskir björgunarsveitar-
menn úr Björgunarfélagi Horna-
flarðar gættu öryggis við Jökulsár-
lón og var farið í könnunarleiðang-
ur hvern morgun áður en upptökur
hófust og gengið úr skugga um að is-
inn á lóninu væri öruggur.
Eina óhappið sem varð var að
einn Aston Martin-bíllinn
„klesstist" í myndatöku úti á ísnum
og staðgengill Brosnans vankaðist
litillega. Bæði bíllinn og ökumaður-
inn voru komnir í lag næsta morg-
un.
Hornfirðingum boöiö á
frumsýningu
Öllum Hornfirðingum sem unnu á
einhvem hátt við kvikmyndatökuna
var boðið á frumsýningu myndarinn-
ar í Reykjavík og eru þeir sem DV
hefur haft samband við mjög ánægð-
ir með útkomuna. Bond-myndatakan
var stór vinningur fyrir homflrskt
atvinnulíf og myndin Die Another
Day frábær auglýsing fyrir Horna-
flörð sem er orðinn vinsæfl staður
fyrir kvikmyndatökur og hver veit
nema Bond komi aftur. -JI