Dagblaðið - 31.03.1978, Blaðsíða 3
DAGBLAÐIÐ. FÖSTUDAGUR 31. MARZ 1978
3
Reykjavík um páska:
„DAUД BORG
Þessi mynd sýnir nokkuð hversu
„dauð” Reykjavík er um hátíðar. Að
visu hefur bílstjórum tekizt að klessa
hvor annan, enda þótt varla sé
farartæki að sjá á fjölförnum um-
ferðargötum um miðjan dag.
DB-mynd R. Th. Sig.
— hefur Guð nokkuð á móti dansi?
R.S. skrifar:
Það er góð þróun mála að ekki skuli
allt vera lokað á páskahátíðinni. Ég
tók eftir því að á páskadag mátti skoða
sýningu á Kjarvalsstöðum, herskip
mátti skoða og mér skilst að bílasýning
hafi verið í gangi þann dag. Að öðru
leyti var Reykjavik „dauð” borg.
Þar sem ég þekki til erlendis er
jtessu öðru vísi farið. Þar er
páskahátíðinni fagnað á tilhlýðilegan
hátt. Þegar fólk á almennt frídaga,
hefur það þörf fyrir að hreyfa sig,
skoða sýningar, fara á iþrótta-
kappleiki, bíó, leikhús og alls konar
mannamót. Þeir sem reka slíka starf-
semi fagna þessu lika eflaust og taka
sér frí á einhverjum öðrum tíma.
Trúlega eru það einhverjar úreltar
reglugerðir sem standa hér í veginum.
t tímans rás hafa þessar reglugerðir
hreinlega orðið kátbroslegar. Skyldi
guð hafa nokkuð á móti því að
tslendingar fái sér snúning á dansgólfi
laugardagskvöld fyrir páska, — eða
jafnvel á páskadagskvöld? Ég held
varla. Ég held að jafnvel kirkjuyfir-
völd geti ekki fett fingur út í það.
Nú er það réttra yfirvalda að breyta
reglum á þann hátt að fólk geti lifað
skemmtilegra og fjölbreyttara lífi um
hátíðar. Varla getur það talizt
ókristilegt, — eða hvað?
Þægstegu&hi
sem við nömm
vetið imeö himrn)
Spurning
dagsins
Stundarðu garðyrkju
að einhverju leyti?
jigriður Bragadóttir flugfreyja: Nei, ég
stunda ekki nokkur garðyrkjustörf.
Ottó Sigurðsson, vinnur hjá heildsala:
Nei, ekki nokkur.
Elin Magnúsdóttir húsmóðir: Nei,
engin. Ég hef engan garð.
Ingólfur Guðbrandsson, 11 ára nemi i
Digranesskóla: Ég stunda engin
garðyrkjustörf. Ég hef aldrei verið í
skólagörðum. Eða jú annars. ég rækta
stundum blóm i jógúrtdollum í gluggan-
um mínum.
Páll Guðmundsson prentari: Nei, ég
stunda engin garðyrkjustörf vegna þess
að ég hef enga aðstöðu til þess.
Þorgerður Baldursdóttir skrif-
stofustúlka: Garðyrkjustörf stunda ég
engin og hef aldrei gert. Nei, ég hef
engan garð.