Morgunblaðið - 03.09.2004, Qupperneq 8

FRÉTTIR
8 FÖSTUDAGUR 3. SEPTEMBER 2004 MORGUNBLAÐIÐ
Sérfræðingum ber ekki alveg saman um hvort hér sé um hefðbundna eða sjálfsmorðs-
sprengju að ræða.
Kjarasamningar viðfjórðung þeirrasem starfandi eru
á íslenskum vinnumarkaði
eru á næsta leiti. Hinum
almenna vinnumarkaði
sem svo er kallaður til-
heyra 75% launafólks og
við þann hluta hefur að
mestu verið samið um
kaup og kjör. Sá hluti
vinnumarkaðarins, um
25%, sem nú er með lausa
samninga er hinn opinberi
vinnumarkaður, eða
starfsfólk ríkis og sveitar-
félaga, auk sjómanna.
Sjómenn hafa átt í við-
ræðum við útvegsmenn
undir stjórn ríkissátta-
semjara frá því snemma á árinu
en lítið hefur miðað í þeim viðræð-
um. Þeir hafa þó fundað reglulega
að undanförnu, m.a. í gær en
næsti fundur verður eftir helgi.
Samningar við kennara eru lausir
og fyrsti formlegi fundur þeirra
hjá ríkissáttasemjara við launa-
nefnd sveitarfélaganna var í gær.
Birgir Björn Sigurjónsson, for-
maður launanefndar sveitarfélag-
anna, sagði fyrir sáttafundinn hjá
ríkissáttasemjara í gær, að deilu-
aðilar hefðu fundað stíft á óform-
legum fundum að undanförnu.
Hann sagðist ekki telja að sér-
stakra frétta væri að vænta af
fundinum hjá ríkissáttasemjara.
Sáttasemjari hefði viljað hitta
kennara og launanefnd sveitarfé-
laganna að lágmarki vikulega.
„Við mætum hjá honum til þess að
gera grein fyrir stöðunni og gang-
verkinu í þessu en það eru engar
niðurstöður komnar,“ segir Birgir
Björn. Spurður um hvort eitthvað
hafi miðað í samkomulagsátt svar-
aði hann því til að viðræður að
undanförnu hefðu verið gagnlegar
og skilningur á báða bóga aukist.
Eins og fram hefur komið fara
kennarar í verkfall 20. september
næstkomandi náist samningar
ekki fyrir þann tíma. Til að lög-
mæti verkfallsins sé tryggt þarf
að boða til þess með minnst 15 sól-
arhringa fyrirvara og að sögn Ás-
mundar Stefánssonar ríkissátta-
semjara er líklegt að formlega
verði boðað til verkfallsins í dag,
föstudag. „En að sjálfsögðu hljóta
allir að stefna að því að samningar
náist þótt verkfall verði boðað,“
segir Ásmundur.
Viðræðum kennara við sveitar-
félögin verður framhaldið í dag.
Leikskólakennarar eru í við-
ræðum við sveitarfélögin einnig,
en þær viðræður eru ekki komnar
inn á borð til ríkissáttasemjara.
Formlegar viðræður við
ríkisstarfsmenn í næstu viku
Kjarasamningar við 85–90%
ríkisstarfsmanna, eða félagsmenn
Bandalags starfsmanna ríkis og
bæja (BSRB) og Bandalags há-
skólamanna (BHM) eru lausir í
lok nóvember. Yfir 26 þúsund
manns eiga aðild að félögunum
báðum eða um 16% þeirra sem
starfandi eru á vinnumarkaði. Að-
ildarfélög BHM hafa nú ákveðið
að hafa samflot í afmörkuðum
málum í samningaviðræðum við
ríkið í haust. Nær samflotið til
þeirra þátta sem eru samhljóða í
kröfugerð félaganna. Unnið hefur
verið að mótun sameiginlegrar
kröfugerðar sem taka mun til fjöl-
margra þátta. Í undanförnum
samningum hafa BHM-félögin
haft með sér samstarf í réttinda-
málum en að þessu sinni verður
samflotið mun víðtækara en það
hefur verið um árabil. Samnings-
rétturinn liggur þó sem fyrr hjá
hverju félagi fyrir sig. Miðstjórn
BHM hefur skipað níu manna við-
ræðunefnd sem ætlað er að fara í
viðræður við samninganefnd rík-
isins um þessa þætti.
Að sögn Gunnars Björnssonar,
skrifstofustjóra í fjármálaráðu-
neyti og formanns samninga-
nefndar ríkisins, er nú unnið að
því í samvinnu við BSRB og BHM
að gera viðræðuáætlanir við félög
innan þeirra vébanda. Gunnar
gerir ráð fyrir að formlegar við-
ræður við einstök félög geti hafist
fljótlega. „Í flestum tilvikum er
þetta ennþá á bandalagsgrunni
þannig að bandalögin hafa milli-
göngu um þessar viðræðuáætlan-
ir. Félögin hafa þó formlega
samningsréttinn,“ segir Gunnar.
Viðræðuáætlanirnar sem unnið er
að nú lúta að því hvernig aðilar
ætla að ræða saman, hvenær á að
kynna stefnumál og hvenær félög-
in ræða einstök atriði samninga,
svo eitthvað sé nefnt. „Ég á von á
að formlegar viðræður við einstök
félög hefjist aðra vikuna í septem-
ber,“ segir Gunnar.
Kröfur hugsanlega byggðar
á kennarasamningi
Í grein á vef Samtaka atvinnu-
lífsins, www.sa.is, kemur fram að
samtökin, sem semja við 95% al-
menns vinnumarkaðar, eiga eftir
að gera kjarasamninga við 11 þús-
und launamenn en hafi þegar
samið við yfir 62 þúsund starfs-
menn á almennum markaði.
Í greininni, sem ber heitið
„Kjarastefnan hefur verið mörk-
uð“, segir höfundur að ef stórt
samband á borð við KÍ knýi fram
meiri hækkanir en fengist hafi í
þeim samningum sem lokið er á
almennum vinnumarkaði (3,5% á
ári að jafnaði) muni önnur félög
með lausa samninga að líkindum
byggja sínar kröfur á samningi
grunnskólakennara.
Fréttaskýring | Kjarasamningar
Viðræður í
fullum gangi
Um fjórðungur vinnumarkaðarins er
með lausa kjarasamninga í haust
Sjómenn standa nú í kjaraviðræðum.
Líklega boðað til verkfalls
kennara í dag

BSRB, BHM, KÍ og Sjómanna-
sambandið eru öll með lausa
kjarasamninga en samtals eru
tæplega 40 þúsund manns skráð-
ir í stéttarfélög innan vébanda
þessara fjögurra sambanda, skv.
tölum Hagstofunnar. Á íslensk-
um vinnumarkaði eru 156 þús-
und manns starfandi og því má
segja að fjórðungur vinnumark-
aðar sé með lausa samninga í
haust. Sáttasemjari segir líklegt
að kennarar boði formlega til
verkfalls í dag.
eyrun@mbl.is, arnorg@mbl.is
Verð: 39.900kr.
2 fyrir 1
*
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
U
R
V
2
57
55

09
/2
00
4
*Innifalið: Flug, flugvallarskattar, gisting í 7 nætur, akstur til og frá
flugvelli erlendis og íslensk fararstjórn.
Verð m.v. að bókað sé á netinu. Ef bókað er símleiðis eða á skrifstofu
bætist við 2.000 kr. bókunar- og þjónustugjald á mann.
Haustsólin
Örfá
sæt
i - bó
kaðu
stra
x!
Kynntu þér málið á www.urvalutsyn.is
eða í síma 585-4000.
Tilboðið gildir í brottfarir 6. - 29. sept.
Einungis valdir gististaðir á tilboði.
Fleiri en tveir? Verð á mann er óháð fjölda í gistingu.
á mann í stúdíói í 7 nætur.
Aukavika: 19.900 kr.
Verð: 46.900kr.* á mann í íbúð í 7 nætur.Aukavika: 24.900 kr.
til Portúgal, Mallorca, Benidorm eða Costa del Sol
ÁSKRIFTARDEILD netfang: askrift@mbl.is, sími 569 1122