Morgunblaðið - 03.09.2004, Page 21

MINNSTAÐUR
MORGUNBLAÐIÐ FÖSTUDAGUR 3. SEPTEMBER 2004 21
Reykjavík | Borgarráð þakkaði Höf-
uðborgarstofu og verkefnisstjórn
Menningarnætur fyrir vandaðan
undirbúning í bókun á fundi sínum á
þriðjudaginn. Einnig var samstarfs-
aðilum innan verkefnisstjórnar
þakkað einstaklega gott samstarf,
þ.e. lögreglu, slökkviliði og bráða-
móttöku LSH. „Þá þakkar borg-
arráð ómetanleg framlög ein-
staklinga, fyrirtækja og
félagasamtaka til þess að Menning-
arnótt er svo glæsilegur og fjöl-
breyttur viðburður sem raunin er.
Borgarbúum er þakkað fyrir þátt-
tökuna, gestum fyrir komuna og þá
sérstaklega Vestmanneyingum fyrir
þeirra fjölbreytta framlag til hátíð-
arinnar,“ segir í bókuninni.
Bæta þarf umgengni
Fulltrúar í borgarráði telja að í
heild hafi Menningarnótt 2004 tekist
afar vel og megi þakka það sam-
stilltum hug og framgöngu bæði
skipuleggjenda og gesta, sem hafi
komið hvaðanæva til að njóta mann-
lífs og menningar í höfuðborginni.
Þó sé ljóst að borgarbúar og borg-
aryfirvöld þurfi að taka höndum
saman um að bæta umgengni um
miðborgina á Menningarnótt.
Þakka fyrir
framlag
borgarbúa
Reykjavík | Hjón og sambúðarfólk
með börn á leikskólaaldri niður-
greiða leikskólagjöld fyrir einstæða
foreldra um 5.000 krónur á mánuði
að því er foreldrasamtökin Börnin
okkar telja.
Að sögn Ásbjarnar Ólafssonar, rit-
ara samtakanna, telja þau það óeðli-
legt að niðurgreiðsla á leikskóla-
gjöldum fari einungis eftir
hjúskaparstöðu. Eðlilegra væri að
foreldrar sem þurfa á niður-
greiðslum að halda fái þær óháð því
hvort þeir eru í sambúð eða einir með
börnin.
„Niðurgreiðsla á leikskólagjöldum
til þeirra sem eru í lægri gjaldskrár-
þrepum hjá Leikskólum Reykjavík-
ur, kemur ekki úr sjóðum Leikskól-
anna, heldur er niðurgreiðslunni
mætt með hærri gjaldtöku af þeim
sem greiða fullt gjald, þ.e. hjónum og
sambúðarfólki. Lætur nærri að fyrir
8 tíma vistun sé þarna um að ræða
rúmar 5.000 krónur á mánuði,“ segir
í tilkynningu frá Börnunum okkar,
sem eru samtök foreldrafélaga leik-
skólanna í Reykjavík.
Láglaunafólk greiðir hluta
gjalda hálaunafólks
Samtökin segja að fyrirkomulag
niðurgreiðslnanna leiði til þess að
t.d. hjón með lág laun séu að greiða
fyrir hluta leikskólagjalda barna ein-
stæðra foreldra með hærri laun. Í
samtali við Morgunblaðið sagði Guð-
laug Hrönn Jóhannsdóttir, gjaldkeri
samtakanna, að samtökin viti dæmi
um fólk, einstæða foreldra, sem fái
niðurgreiðslur gjalda án þess að telja
sig þurfa á þeim að halda. Samtökin
telji eðlilegt að fólk sem þarf aðstoð
við að greiða gjöldin fái hana, en
mótmæli því hins vegar að niður-
greiðslurnar séu eyrnamerktar þeim
sem eru ekki í sambúð eða hjóna-
bandi.
„Stjórn Barnanna okkar lítur svo á
að þarna sé um ólögmæta skattlagn-
ingu á hjón og sambúðarfólk að ræða
og að niðurgreiðslur eigi að koma úr
vösum allra skattgreiðenda eigi þær
að koma til, en ekki sem aukaálögur
á foreldra ungra barna.“ Samtökin
telja að hjón og sambúðarfólk eigi að
geta gert kröfu til þess að þurfa ein-
ungis að standa undir kostnaði við
vistun eigin barna á leikskóla.
Ásbjörn segir hugmyndina á bak-
við leikskólagjöld vera þá að foreldr-
ar greiði þriðjung og Reykjavíkur-
borg 2/3. Raunin sé hins vegar sú að
þeir sem eru giftir eða í sambúð
greiði meira en þriðjung en einstæð-
ir foreldrar minna en þriðjung.
Munur á gjöldum
getur verið 20–40%
Samkvæmt gjaldskrá Leikskóla
Reykjavíkur, sem hægt er að nálgast
á www.leikskolar.is, greiða giftir for-
eldrar og sambúðarfólk 27.900 krón-
ur á mánuði fyrir eitt barn í 8 tíma
vistun barns að 4 ára aldri. Fyrir
sama tíma greiða einstæðir foreldr-
ar, foreldrar sem eru báðir í námi
eða foreldrar sem báðir eru öryrkjar,
um helmingi lægra gjald, eða 14.400
krónur. Miðað við 5 tíma vistun
barns greiða foreldrar sem eru giftir
eða í sambúð 18.900 en einstæðir for-
eldrar 11.300 krónur á mánuði.
Munurinn á fullu gjaldi, sem nefnt
er gjald 1, og niðurgreiddu gjaldi,
sem í gjaldskránni heitir gjald 3, er
frá 20–40%. Á milli þessara gjald-
flokka er svokallað gjald 2 en sam-
kvæmt þeim flokki greiða foreldrar
þar sem annað foreldrið er í námi og
ef annað foreldrið er öryrki.
Giftir niður-
greiða leikskóla
fyrir einstæða
Morgunblaðið/Árni Torfason
Samtökin Börnin okkar segja nið-
urgreiðslur á gjöldum óeðlilegar.
HÖFUÐBORGARSVÆÐIÐ
D
AG
S
K
R
Á
Hafnfirðingar !!
allir í dans..
Samkvæmisdansar
Para- og einstaklingshópar
Barnadansar 5 - 6 ára
Jazzleikskólinn 3 - 4 ára
Keppnishópar
Kántrý
Freestyle
Break
Einkatímar
Saumaklúbbar - Fyrirtæki og lokaðir hópar
Dans ársinns
Haukahrauni 1. Hafnarfirði
Innritun daglega í síma :
565 4027
861 6522
www.dih.is
dihdans@simnet.is


Dansíþróttafélag Hafnarfjarðar
Innritun 1. - 10.sept.
Kennsla hefst laugard. 11. sept


Faglærðir
Danskennarar


Opið hús
föstudaginn. 10. sept
kl. 17 -19