Morgunblaðið - 03.09.2004, Side 60

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 FÖSTUDAGUR 3. SEPTEMBER 2004 VERÐ Í LAUSASÖLU 220 KR. MEÐ VSK.
Næring ekki
refsing
SUNNUDAGSÞÁTTURINN er heiti á nýj-
um umræðuþætti um pólitísk málefni sem
hefur göngu sína á Skjá einum í október.
Þættinum stýra Katrín Jakobsdóttir,
varaformaður Vinstri-grænna og Illugi
Gunnarsson, aðstoðarmaður forsætisráð-
herra. Eins og heiti þáttarins vísar til
verður hann sendur út á sunnudögum.
Þáttastjórnendurnir, sem eru á önd-
verðum meiði í pólitík, segjast í samtali
við Morgunblaðið vera spenntir að takast
á við verkefnið. „Þess er gætt að jafnvægi
sé milli pólitískra sjónarmiða,“ segir Ill-
ugi.
Að sögn Katrínar er hugmyndin spenn-
andi í ljósi umræðu um það hvort blaða-
menn og þáttastjórnendur séu hlutdrægir
eða ekki. „Þessi þáttur segir að það sé
kannski bara allt í lagi að vera ekkert
hlutlaus og þá vita allir að hverju þeir
ganga,“ segir hún.
Sunnudagsþátturinn verður í beinni út-
sendingu klukkan tólf á hádegi. „Þessir
þættir verða allt öðruvísi en
stjórnmálaumræðuþættir hafa verið hing-
að til,“ segir Helgi Hermannsson, dag-
skrárstjóri á Skjá einum. „Þarna eru
stjórnendur pólitískir og þeir munu láta
sínar skoðanir í ljós í stað þess að reyna
að vera hlutlausir. Þeir verða því í kapp-
ræðum við viðmælendur sína, sem vænt-
anlega verða á öndverðum pólitískum
meiði – Illugi mun fá viðmælendur af
vinstri hliðinni og Katrín af þeirri
hægri.“
Morgunblaðið/Golli
Allt í lagi að
vera ekki
hlutlaus
 Stjórnendur/57
Nýr umræðuþáttur
um pólitísk málefni
ALLS hafa sjö bátar sokkið á hafi úti það sem af er
árinu af völdum óþekkts leka, samkvæmt upplýs-
ingum frá rannsóknarnefnd sjóslysa – þar af
sukku þrír bátar
undanfarna viku, nú
síðast í gær þegar
Kópnes ST-46 frá
Hólmavík sökk um
27 sjómílur norður af
Skagatá. Þrír menn
voru um borð og
komust þeir í gúm-
björgunarbát og var
skömmu síðar bjarg-
að um borð í Kaldbak
frá Akureyri, sem
staddur var skammt
frá. Á fimmtudag í
síðustu viku sökk Björgvin ÍS 468 úti fyrir Dýra-
firði og var tveimur mönnum sem um borð voru
bjargað. Síðar sama dag sökk Fjarki ÍS 44 suð-
austur af Gjögri og bjargaðist sá sem um borð var.
Ekki er vitað hvernig leki kom að bátunum.
Hert eftirlit með vélarrýmum
Jón A. Ingólfsson, framkvæmdastjóri rann-
sóknanefndar sjóslysa, segist ekki muna eftir jafn-
tíðum sjóslysum af þessu tagi í jafngóðu tíðarfari
og ríkt hefur að undanförnu.
„Það sem hefur einkennt öll þessi óhöpp [í þess-
ari og síðustu viku] er leki í vélarrúmi og það er
eitthvað sem þarf að taka alvarlega til skoðunar.
Hvort um er að ræða tæringu á lögnum eða botn-
leka eða eitthvað slíkt hafa menn ekki náð að sjá.“
Jón segir að tæring í lögnum geti átt sér stað svo
árum skipti án þess að eigendur báta verði hennar
varir og þær hrokkið í sundur fyrirvaralaust.
Rannsóknanefndin muni að öllum líkindum leggja
til við Siglingastofnun að herða eftirlit með vél-
arrýmum í ljósi atburða liðinnar viku.
Hvað rannsókn málanna varðar bendir Jón á að
í mörgum tilvikum glatist sönnunargögn í hafinu
en öll skipin sem um ræðir eru á miklu dýpi og
kostnaðarsamt eða ómögulegt að ná þeim upp.
Þremur skipverjum bjargað eftir að Kópnes sökk norður af Skagatá
Sjö bátar sokkið af völd-
um óþekkts leka á árinu
Morgunblaðið/Einir Einisson
Kópnesið marar í hálfu kafi en skipið var sokkið um kl. 9 í gærmorgun.
%  
$
* 

* 
+
,
 .
J
K
"
$


C,
"$$% "$$" "$$& "$$K
 Þremur/4
TÆKNÓSVEITIN Scooter heldur sína
aðra tónleika á Íslandi í Laugardalshöll 25.
september næstkomandi. Sveitin var hér á
ferð í apríl og hélt þá tónleika í Höllinni fyr-
ir fullu húsi. Meðlimir Scooter munu hafa
orðið svo heillaðir af Íslandi að þeir vildu
hefja tónleikaferðalag vegna nýrrar plötu
sinnar, Mind the Gap, hér á landi.
Scooter aftur
til Íslands
Morgunblaðið/Árni Sæberg
 Tónleikar/56
DAÐI Guðjónsson, skipstjóri og annar eig-
andi Kópness, segist í samtali við Morg-
unblaðið ekki gera sér grein fyrir hvað hafi
valdið leka á bátnum. Erfitt hafi verið að
horfa á bátinn sökkva í sæ en mest um vert
hafi verið að bjarga mannslífunum.
Hann segir trollið hafa verið tekið inn fyr-
ir í fyrrakvöld og ákveðið hafi verið að ræsa
mannskapinn kl. hálfsex í gærmorgun til að
kasta trollinu út aftur. En um hálffimmleytið
hafi skyndilega slokknað á aðalvélinni.
„Vélstjórinn fór þá niður og sá að mikill
sjór var kominn í vélarrúmið. Hann reyndi
að skrúfa fyrir botnlokana en náði ekki til
þeirra. Hann ræsti okkur næst en upp úr
klukkan fimm slokknaði á rafmagninu. Þá
skutum við út björgunarbátunum tveimur og
gerðum okkur klára í þá,“ segir Daði en
hann og Arnar Barði, sonur hans, og Hjálm-
ar Halldórsson, vélstjóri, komust allir í sama
björgunarbátinn. Þar voru þeir í tæpan
klukkutíma þar til skipverjar á Kaldbaki
komu til aðstoðar. Skömmu síðar horfðu
þeir á Kópnesið sökkva í sæ. „Það var erfið
sjón,“ segir Daði, sem ekki hefur lent í sjáv-
arháska áður, kominn á sextugsaldur og
hefur verið til sjós meira og minna frá 12
ára aldri.
Erfitt að sjá bátinn sökkva
EÐLA fannst við húsleit í Graf-
arvogi í gær. Lögreglumenn á
vettvangi héldu fyrst að um ný-
stárlegt stofustáss væri að ræða
þar sem eðlan stóð grafkyrr uppi
á hillu og virtist allt eins geta ver-
ið úr plasti. Einn lögreglumann-
anna tók sig til og potaði í eðluna
en hún slengdi þá til halanum,
sneri höfðinu í áttina til hans svo
honum krossbrá.
Eðlan sem fannst í gær er
iguana-eðla og er 76 sentimetra
löng. Bannað er með lögum að
flytja inn slík dýr vegna sýking-
arhættu.
Iguana-eðlur eru ekki eitraðar
en bit þeirra er hættulegt, að því
er fram kemur á Vísindavef Há-
skóla Íslands. Þar segir að dýrin
séu vinsæl gæludýr í Bandaríkj-
unum.
Að sögn Þorsteins Guðjóns-
sonar, starfandi útivarðstjóra hjá
lögreglunni í Reykjavík, er nokk-
uð um það að fólk smygli inn eðl-
um, snákum og köngulóm til
landsins. Þorsteinn hefur áður séð
nákvæmlega eins eðlu sem fannst
við húsleit, en segir þá sem fannst
í gær hafa verið mun sprækari.
Eðlan hefur haft nóg pláss til að
athafna sig því hún var laus í vist-
arverunum sem lögreglan leitaði
í, innréttuðum bílskúr í Graf-
arvogi.
Við leitina, sem hófst síðdegis í
gær og stóð fram undir kvöld,
fannst talsvert magn af hvítu
dufti sem grunur leikur á að sé
fíkniefni. Þá fann lögregla hugs-
anlegt þýfi í húsakynnum eðl-
unnar og er málið í rannsókn. Eðl-
an undi sér vel á handlegg
starfsmanns lögreglunnar í
Reykjavík en vildi helst klifra upp
á öxlina. Ríkharður Örn Stein-
grímsson lögreglumaður horfir á.
Eðla skaut lögreglu skelk í bringu
Stóð grafkyrr og
virtist úr plasti
Morgunblaðið/Golli