Fréttablaðið - 09.08.2003, Blaðsíða 2

2 9. ágúst 2003 LAUGARDAGUR
Nei, ég fer fram úr og bið til Guðs
að dagurinn verði nákvæmlega
eins og hann vill hafa daginn.
Páll Óskar Hjálmtýsson er einn forsvarsmanna
Hinsegin daga, sem standa nú yfir í Reykjavík.
Spurningdagsins
Páll Óskar, ferð þú öfugu
megin fram úr?
Línuívilnun ekki
tekin upp í haust
SJÁVARÚTVEGUR Árni M. Mathiesen
sjávarútvegsráðherra kynnti
breytta reglugerð um byggða-
kvóta í gær, þar sem tekið er tillit
til ávirðinga Umboðsmanns Al-
þingis í hans garð vegna síðustu
úthlutunar. Ráðherra kynnti í gær
níu breyttar reglugerðir um
stjórnun fiskveiða, þar á meðal út-
hlutun kvóta fyrir næsta fisk-
veiðiár.
Fyrr í sumar reifaði ráðherra
hugmyndir um að afnema byggða-
kvóta í tengslum við að koma á
línuívilnun meðal hagsmunaaðila.
Hann segir ábendingar umboðs-
manns Alþingis um að ekki hafi
verið farið að lögum í úthlutun á
byggðakvóta hafa orðið til þess að
línuívilnun verði ekki komið á í
haust.
„Ég sagði að það væri hægt að
setja á línuívilnun fyrir næsta
fiskveiðiár með því að beita þess-
um byggðaheimildum. Hins vegar
eftir að umboðsmaðurinn kom
með gríðarlega mikla gagnrýni á
lagaheimildirnar sem slíkar og
framkvæmd þeirra sé ég ekki að
það sé forsvaranlegt að fara
þannig í málið,“ segir Árni.
Þingmenn Sjálfstæðisflokksins
hafa verið gagnrýndir harðlega af
smábátasjómönnum á Vestfjörð-
um fyrir að ekki hafi verið staðið
við yfirlýsingar í kosningabarátt-
unni um að línuívilnun yrði komið
á í haust. Árni segir að ekki hafi
verið afdráttarlaust kveðið á um í
stjórnarsáttmálanum að línuíviln-
un yrði komið á. Hann kveðst hafa
átt samráð með Halldóri Ásgríms-
syni, formanni Framsóknar-
flokksins, um frestun línuívilnun-
ar.
Nýju reglugerðinni um
byggðakvóta er ætlað að mæta
þeirri gagnrýni umboðsmanns að
reglur í kringum úthlutun
byggðakvóta hafi ekki verið nægi-
lega ljósar. Skipting byggðakvóta
á milli sveitarfélaga verður byggð
á punktakerfi, sem tekur meðal
annars til fólksfækkunar, tekna
undir landsmeðaltali, minnkun á
kvóta og samdráttar í fiskvinnslu.
Almenna reglan í úthlutun til
báta byggir á aflahlutdeild þeirra,
en sveitarstjórnum gefst færi á að
koma með tillögur um sérstakar
úthlutunarreglur fyrir eigið sveit-
arfélag.
Árni kveðst ekki fá séð hvernig
mögulegt sé að koma á línuívilnun
í haust. Það sé Alþingis að taka
ákvarðanir um línuívilnun.
jtr@frettabladid.is
Formaður Samfylkingar um línuívilnun:
Samfylking mun taka
málið upp á Alþingi
SJÁVARÚTVEGSMÁL „Ef stjórnar-
flokkarnir ætla að svíkja loforðin
sem þeir gáfu Vestfirðingum mun
Samfylkingin leggja til á Alþingi
að línuívilnunin verði tekin upp,“
segir Össur Skarphéðinsson, for-
maður Samfylkingarinnar, vegna
þeirrar deilu sem uppi er innan
stjórnarflokkanna um það hvort
taka eigi upp línutvöföldun í haust.
Össur segir að Samfylkingin vilji
ívilna vistvænum veiðiaðferðum
og þar standi krókaveiðarnar
fremst. Hann segir að það verði
áhugavert að sjá viðbrögð ríkis-
stjórnarinnar ef Samfylking taki
málið upp á Alþingi.
„Þá mun ríkisstjórnin standa
andspænis sínum eigin loforðum.
Við munum þá sjá hvernig þing-
menn Vestfirðinga og fleiri sem
haft hafa uppi stuðning í orði
munu bregðast við,“ segir Össur.
Hann vitnar til þeirra fleygu
orða Davíðs Oddssonar að það
skipti máli hverjir gefa loforðin.
„Nú bendir allt til þess að það sé
einmitt að koma í ljós,“ segir hann.
Össur segir að telji menn þörf á
að kalla Alþingi saman til að koma
málinu í kring muni Samfylkingin
ekki standa gegn því. „Hins vegar
sýnist mér að miðað við þann ein-
hug sem var um málið í kosninga-
baráttunni að hægt verði að ljúka
málinu snemma í október eftir
hefðbundna þingsetningu,“ segir
Össur. ■
170 Bandaríkjamenn
fallnir í Írak:
Fleiri en
í Persaflóa-
stríðinu
BAGDAD, AP Íraskir uppreisnar-
menn drápu bandarískan her-
mann í Bagdad, höfuðborg Íraks,
í gærmorgun. Þrír bandarískir
hermenn hafa fallið undanfarna
tvo daga fyrir byssukúlum
Íraka. Alls hafa 170 bandarískir
hermenn fallið í Íraksstríðinu,
23 fleiri en féllu í Persaflóastríð-
inu. Frá því Bush Bandaríkjafor-
seti lýsti yfir að stríðinu væri
lokið 1. maí hafa 56 Bandaríkja-
menn fallið. ■
UMMERKIN SKOÐUÐ
Svo virðist sem bíl hlöðnum sprengiefni
hafi verið lagt fyrir utan sendiráð Jórdaníu.
Írakar sprengja í Bagdad:
Bílsprengja
við sendiráð
BAGDAD, AP Að minnsta kosti 11
manns létust og yfir 50 særðust
þegar öflug bílsprengja sprakk
við sendiráð Jórdaníu í Bagdad í
Írak í gær.
Eftir sprenginguna réðust
nokkrir Írakar inn í sendiráðs-
bygginguna, rifu niður fána
Jórdaníu og einnig myndir af
Abdullah II, konungi Jórdaníu.
Írakar eru ævareiðir Jórdönum
fyrir stuðning þeirra við innrás
Bandaríkjamanna í Írak. ■
Mahmoud Abbas:
Opinber
heimsókn
til Noregs
NOREGUR Mahmoud Abbas, for-
sætisráðherra Palestínumanna,
hefur þekkst heimboð hins nors-
ka starfsbróður
síns Kjell Magne
Bondevik. Abbas
mun heimsækja
Osló og bæinn
Molde dagana 27.
og 28. ágúst næst-
komandi.
Heimsóknin er
liður í því að efla
þátttöku Norðmanna í friðarferl-
inu fyrir botni Miðjarðarhafs, að
því er fram kemur í yfirlýsingu
frá norska forsætisráðuneytinu.
Ariel Sharon, forsætisráðherra
Ísraels, heimsótti Noreg í síð-
asta mánuði og Bondevik mun
halda til Ísrael og Palestínu í
haust.
Auk Bondevik mun Abbas
ræða við utanríkisráðherrann
Jan Petersen, Harald konung og
formann utanríkisnefndar nors-
ka þingsins. ■
Eiturlyfjahringur
upprættur:
Stórfellt
kókaínsmygl
KAUPMANNAHÖFN, AP Danska lög-
reglan hefur handtekið fimm
menn sem grunaðir eru um að
hafa smyglað 60 kílógrömmum af
kókaíni frá Hollandi til Danmerk-
ur. Mennirnir eru taldir tilheyra
eiturlyfjahring sem hafi stundað
kókaínsmygl um árabil.
„Þetta er eitt af stærstu eitur-
lyfjamálum í sögu Danmerkur,“
sagði talsmaður dönsku lögregl-
unnar. Söluverðmæti kókaínsins
nam um 750 milljónum íslenskra
króna. ■
VIÐSKIPTI Sparisjóður Mýra-
sýslu hefur falið lögmanni
sínum að innheimta um 25
milljóna króna víxil hjá
Kaupfélagi Árnesinga. Þá-
verandi framkvæmdastjóri
kaupfélagsins skrifaði upp
á víxilinn í mars en stjórn
félagsins segir hann ekki
hafa haft umboð til þess og
neitar að greiða.
Eins og sagði í gær skrif-
aði framkvæmdastjóri KÁ
upp á víxla fyrir 52 milljón-
ir króna fyrir dótturfélagið
Brú. Félagið á Hótel Selfoss, sem
verið hefur í miklum rekstrar-
vanda. Brú hefur ekki greitt
víxlana og því ganga lánar-
drottnar að KÁ. Sjálft er
kaupfélagið í greiðslu-
stöðvun til októberloka
vegna fjárhagsvandræða.
Gísli Kjartansson,
sparisjóðsstjóri hjá
Sparisjóði Mýrasýslu
segir það ekki rétt sem
fram kom í Fréttablaðinu
að sparisjóðurinn hafi
keypt víxla fyrir allar 52
milljónirnar:
„Þessi tala er helmingi
of há hvað okkur varðar.
Víxillinn er seldur okkur
með Kaupfélagi Árnesinga sem
ábyrgðarmanni. Málið er komið
til okkar lögfræðings til inn-
heimtu,“ segir Gísli. ■
ÖSSUR SKARPHÉÐINSSON
Samfylkingin styður vistvænar veiðar.
HÓTEL SELFOSS
Mikill vandi steðjar að Kaupfélagi Árnes-
inga, sem gróft áætlað skuldar um 300
milljónir króna umfram eignir. Hótel Sel-
foss hefur verið dýrkeypt.
Sparisjóður Mýrasýslu:
Kaupfélagsvíxill
sendur í innheimtu
MAHMOUD
ABBAS
Hólmavík:
Féll tæpa
fimm metra
SLYS Fimmtán ára drengur slasað-
ist alvarlega þegar hann féll niður
fjóra til fimm metra á milli hæða
í gömlu verksmiðjuhúsnæði á
Djúpuvík. Hann var fluttur með
sjúkraflugi frá Gjögri til Reykja-
víkur. Hann hlaut innvortis blæð-
ingar og höfuðáverka, en ástand
hans er stöðugt.
„Drengurinn var gestkomandi
á Djúpuvík og fór inn í verk-
smiðjuhúsnæðið í leyfisleysi,“
segir Hannes Leifsson lögreglu-
varðstjóri. Hann segir drenginn
hafa verið á annarri hæð í niða-
myrkri þar sem átta göt eru á
gólfinu. Byrgt hafði verið fyrir öll
götin nema það innsta og féll hann
niður um gatið og lenti á steingólfi
á hæðinni fyrir neðan. ■
Sjávarútvegsráðherra segir ábendingar Umboðsmanns Alþingis hafa
valdið því að línuívilnun verði ekki tekin upp í haust. Ráðherra kynnti
í gær nýjar reglugerðir um stjórnun fiskveiða og úthlutaði kvóta.
SJÁVARÚTVEGSRÁÐHERRA
Árni Mathiesen trúði því að hægt væri að koma á línuívilnun í haust, en segir álit
umboðsmanns Alþingis um að ekki hafi verið farið að lögum í úthlutun byggðakvóta
koma í veg fyrir það.
Erkibiskupinn af
Kantaraborg:
Boðar til
neyðar-
fundar
LUNDÚNIR, AP Erkibiskupinn af
Kantaraborg ætlar að boða leið-
toga biskupakirkjunnar til fundar
um hugsanlegar afleiðingar skip-
unar samkynhneigðs prests í emb-
ætti biskups í Bandaríkjunum.
Að sögn erkibiskupsins Rowans
Williams verður fundurinn haldinn
í Lundúnum í október. Williams
segir að hörð viðbrögð kirkjunnar
manna sýni að nauðsynlegt sé að
setjast niður og ræða málin.
Fyrr í þessari viku staðfesti
bandaríska biskupakirkjan kjör
samkynhneigða prestsins Gene
Robinson í embætti biskups í New
Hampshire. ■
Efnahagur Rússa:
Lægri
verðbólga
MOSKVA, AP Mikhail Kasíanov, for-
sætisráðherra Rússlands, segir að
ríkisstjórnin stefni að því að halda
verðbólgunni í landinu undir tólf
prósentum á þessu ári. Á síðasta
ári var 15,1% verðbólga í Rúss-
landi.
Á fundi ríkisstjórnarinnar sem
tileinkaður var efnahagsmálum
tilkynnti Kasíanov jafnframt að
þjóðarframleiðsla hefði aukist um
7,2% prósent á fyrri helmingi árs-
ins. Iðnaðarframleiðsla jókst um
6,8% og innlendar fjárfestingar
jukust um hátt í tólf prósent.
Forsætisráðherrann benti á að
þessar tölur sýndu að efnahagur
landsins væri að breytast til hins
betra en ítrekaði þó að óvíst væri
hvort þessi þróun héldi áfram á
komandi árum. ■