Fréttablaðið - 09.08.2003, Page 8
8 9. ágúst 2003 LAUGARDAGUR
Rauðglóandi óánægja
„Okkar helsti markhópur er fólk
sem sækir í náttúruna og meiri-
hluti þeirra er andsnúinn hval-
veiðum. Um leið og umræða hef-
ur hafist um hvalveiðar hefur
síminn verið rauðglóandi á sölu-
stöðum Íslandsferða.“
Erna Hauksdóttir, framkvæmdastjóri Samtaka
ferðaþjónustunnar, í Fréttablaðinu 8. ágúst.
Hvalkjöt er framtíðin
„Mér finnst skrítið þegar menn
tala um að framtíðin liggi bara í
ferðaþjónustu og hvalasýning-
um. Sannleikurinn er sá að
Byggðastofnun hefur afskrifað
2,8 milljarða á síðustu fimm
árum og 300 milljónir eru út-
standandi, ef þetta er framtíðin
þá er hún döpur.“
Konráð Eggertsson hvalveiðimaður
í Fréttablaðinu 8. ágúst.
Orðrétt
SJÁVARÚTVEGSMÁL Orðalag stefnuyf-
irlýsingar Framsóknarflokks og
Sjálfstæðisflokks, um línuívilnun
og byggðarkvóta, er í senn loðið og
teygjanlegt. Nokkrir fyrirvarar
eru settir fram í stjórnarsáttmál-
anum, áður en komið er að kjarna
málsins.
„Leitast verður við að styrkja
hagsmuni sjávarbyggða, til dæmis
með því að kanna kosti þess að
styrkja forkaupsréttarákvæði
sveitarfélaga og lögaðila, að nýta
tekjur af veiðigjaldi til uppbygg-
ingar þeirra, takmarka framsal
aflaheimilda innan fiskveiðiársins,
auka byggðarkvóta og taka upp
ívilnun fyrir dagróðrabáta ...,“ seg-
ir í stefnuyfirlýsingunni.
Eins og sjá má, þá vill ríkis-
stjórnin í sömu andrá leitast við
að kanna kosti þess að auka
byggðakvóta og taka upp ívilnun
fyrir dagabáta. Samkvæmt því
gengur sjávarútvegsráðherra
þvert á sáttmálann með því að
leggja til afnám byggðakvótans
gegn því að taka upp línuívilnun.
Mikil ólga er innan ríkisstjórnar-
innar vegna þessa og hagsmuna-
aðilar krefjast þess að staðið
verði við þau fyrirheit sem gefin
voru í aðdraganda kosninganna í
vor. ■
Vestfirðingarnir
gætu fellt stjórnina
Forsætisráðherra sá ekkert því til fyrirstöðu í kosningabaráttunni að
línuívilnun yrði tekin upp í haust. Sjávarútvegsráðherra er á öndverðri
skoðun. Stjórnarþingmaður vill að hann víki.
SJÁVARÚTVEGSMÁL „Davíð gaf alveg
skýra yfirlýsingu á fundinum á
Ísafirði fyrir kosningar. Hann
lýsti því að ekkert væri því til fyr-
irstöðu að línuívilnun komi til
framkvæmda strax í haust. Sjáv-
arútvegsráðherra gerir Davíð að
ómerkingi með þessu,“ segir Guð-
mundur Hall-
dórsson, formað-
ur smábátafé-
lagsins Eldingar
á Vestfjörðum,
vegna þeirrar
á k v ö r ð u n a r
Árna Mathiesen
sjávarútvegsráðherra að fresta
því að taka upp línuívilnun í haust.
Ráðherra vildi í upphafi afnema
byggðakvótann og taka upp línuí-
vilnun í staðinn. Eftir fund með
Halldóri Ásgrímssyni, formanni
Framsóknarflokksins, hvarf ráð-
herrann frá þeirri hugmynd, en
hann og Halldór sammæltust um
að línuívilnun gæti ekki orðið að
veruleika á þessu fiskveiðiári, en
lagabreytingar yrðu að koma til á
næsta þingi og línuívilnunni yrði
þannig frestað.
„Vestfirðingar eru algjörlega
samstiga í því að krefjast þess að
það verði staðið við stjórnarsátt-
málann og samþykktir flokks-
þinga stjórnarflokkanna um sama
efni,“ segir Guðmundur.
Smábátamenn á Vestfjörðum
héldu fund um þetta mál á Ísafirði
í fyrrakvöld þar sem allir helstu
forsvarsmenn Vestfirðinga komu
saman til að ræða þessa nýju
stöðu. Gríðarleg ólga er meðal
Vestfirðinga vegna þessa. Það var
skilningur þeirra að stjórnarflokk-
arnir hefðu lofað því í kosninga-
baráttunni að línuívilnunin yrði
tekin upp strax í haust. Umrædd
ívilnun gengur út á það að umbuna
þeim smábátum sem stunda línu-
veiðar með auknum kvóta. Meðal
þeirra sem sátu fundinn voru
þingmennirnir Kristinn H. Gunn-
arsson, alþingismaður Framsókn-
arflokks, og Einar K. Guðfinnsson,
alþingismaður Sjálfstæðisflokks,
sem báðir lýstu því að þeir vildu
að ívilnun tæki gildi þegar í haust.
Athygli vakti á fundinum að Einar
K. sagðist ekki vera „talsmaður
sjávarútvegsráðherra“ í þessu
máli en ráðherrann hefur meðal
annars sagt að hann vilji að skipt
verði á byggðakvótanum og línu-
ívilnunni sem talið er að nemi um
4.500 tonna þorskkvóta, ef miðað
er við sóknina á síðasta fiskveiði-
ári. Ekki vakti minni athygli að
Kristinn H. Gunnarsson sagði að
sjávarútvegsráðherrann yrði að
víkja ef hann gæti ekki staðið við
stjórnarsáttmálann. Þriðji alþing-
ismaður Vestfirðinga, Einar Odd-
ur Kristjánsson, sem staðið hefur í
fylkingarbrjósti þeirra sem berj-
ast fyrir bættri afkomu smábáta-
manna, mætti ekki til fundarins
þar sem hann var staddur á
Blönduósi.
Guðmundur Halldórsson segir
að ríkisstjórnin eigi líf sitt að
þakka þeim loforðum sem gefin
voru um úrbætur á fiskveiði-
stjórnunarkerfinu. Sú krafa sé nú
sett á þingmenn Vestfirðinga að
þeir standi við gefin loforð. Ríkis-
stjórnin er með 34 þingmenn á
móti 29 þingmönnum stjórnarand-
stöðunnar. Fari svo að vestfirsku
þingmennirnir þrír gangi úr skaft-
inu fellur meirihlutinn og stjórn-
arandstaðan verður með 32 þing-
menn á móti 31 þingmanni núver-
andi stjórnarflokka.
„Við munum aldrei una því að
menn svíki loforð sín með svo
grófum hætti. Svikin loforð gætu
orðið banabiti stjórnarinnar,“ seg-
ir Guðmundur.
rt@frettabladid.is
Fjölskyldu
- og
útivistard
agur
•
•
•
•
•
•
•
Að því tilefni viljum við hvetja alla bæjarbúa til að koma og skemmta sér með okkur.
Mosfellsbær
Takið með ykkur blýant til að skrifa lausnina á blaðið.
Þið merkið blaðið liðinu ykkar og skilið því við Vallarhús íþróttavallarins fyrir kl. 17:00.
Fimm lið verða dregin út til að keppa við bæjarstjórnina í léttum leik.
Ratleikur - Kynnist bænum ykkar
Skemmtilegur leynilögregluleikur
9. ágúst 2003
Afmælisdagur Mosfellsbæjar
Kl: 17:00 - Varmárvöllur
Félagar úr Latabæ mæta á svæðið.
Leiktæki: Hoppukastali og rennibraut.
Hestar fyrir börnin.
Fitnessbraut fyrir börn og unglinga.
Brautin vakti gífurlega lukku í Galtalæk
um Verslunarmannahelgina.
Fótboltaleikir með léttu ívafi.
Fjör í frjálsum:
Gestir fá að spreyta sig í ýmsum greinum
frjálsíþrótta undir stjórn
Hlyns Guðmundssonar.
Félagar úr Leikfélagi Mosfellssveitar
verða á svæðinu í gerfi ýmisa persóna.
Fjölskyldan eða vinir skipa 2ja til 5 manna lið. Komið á einhvern af
byrjunarstöðunum þremur og fáið blað með leiðarlýsingu.
Finnið sex staði af ljósmyndum og leysið stafaþraut.
Kl: 15:15
Byrjunarstaðirnir eru þessir (opnir kl. 15:15-16:00)
1) Hús tímans - Hús skáldsins / Bæjarlistaverk við tjörnina
2) Bæjarleikhúsið
3) Olís-Skeljungur bensínstöðin við Langatanga
Dagskránni lýkur með varðeldi og
söng þar sem boðið verður upp á
grillaðar pylsur og gos fyrir alla.
Dagskrá dagsins:
L A U G A R D A G U R I N N
Veitt verða verðlaun fyrir fallegasta
garðinn, götuna og snyrtilegasta fyrirtækið.
SJÁVARÚTVEGSMÁL Á frægum fundi
með kjósendum á Ísafirði 23. apr-
íl gaf Davíð Oddsson forsætisráð-
herra undir fótinn með það að um-
deild línuívilnun kæmi til fram-
kvæmda strax eftir kosningar.
Eftirfarandi var haft eftir honum
í Morgunblaðinu: „Ég tel að þetta
eigi að geta komið til fram-
kvæmda með haustinu; menn eigi
að geta unnið að því, það er óþarfi
að draga það neitt lengur.“
Haft var eftir Davíð að línu-
ívilnunin hafi verið samþykkt á
landsfundi og í henni fælist bót á
fiskveiðistjórnunarkerfinu. Davíð
bætti því við að það þyrfti þó að
nást sátt og samstaða um þessa
leið. Hann hefði þó ekki heyrt
andstöðu við henni hjá öðrum
flokkum. ■
RÍKISSTJÓRNIN
Í stjórnarsáttmálanum er ýjað að því að taka beri upp línuívilnun. Forsætisráðherra var
afdráttarlausari varðandi málið fyrir kosningar.
Stjórnarsáttmálinn um línuívilnun:
Leitast verður við
að kanna kosti
DAVÍÐ ODDSSON
„Ég tel að þetta eigi að geta komið til fram-
kvæmda með haustinu; menn eigi að geta
unnið að því, það er óþarfi að draga það
neitt lengur,“ sagði forsætisráðherra í vor.
Loforð forsætisráðherra fyrir kosningar:
Línuívilnun að hausti
„Svikin lof-
orð gætu orð-
ið banabiti
stjórnarinnar.
EINAR ODDUR KRISTJÁNSSON
Sat ekki fundinn á Ísafirði.
EINAR K. GUÐFINNSSON
Segist ekki vera talsmaður sjávarútvegsráð-
herra.
KRISTINN H. GUNNARSSON
Segir að ráðherra sem ekki geti fylgt
stjórnarsáttmála eigi að víkja.