Fréttablaðið - 09.08.2003, Page 12
12 9. ágúst 2003 LAUGARDAGUR
Þegar leikarinn Bob Hope léstnýlega, 100 ára gamall, fékk
hann fögur eftirmæli sem leikari,
manneskja og fjölskyldumaður.
Það er nú allt að breytast því í
haust kemur út ævisaga leikar-
ans, The Secret Life of Bob Hope
eftir Arthur Marx. Þar er ræki-
lega flett ofan af einkalífi leikar-
ans, sem var ólæknandi kvenna-
maður þrátt fyrir að hafa búið
með sömu konunni í 70 ár og ver-
ið markaðsettur sem ímynd fyrir-
myndareiginmanns.
Hope var einn vinsælasti gam-
anleikari Bandaríkjanna, kannski
sá ástsælasti. Hann fæddist í
London en fluttist til Bandaríkj-
anna með fjölskyldu sinni þegar
hann var fjögurra ára gamall.
Hann varð fyrst þekktur sem út-
varpsstjarna en sneri sér síðan að
kvikmyndaleik. Allan feril sinn
var hann á ferð og flugi og ávann
sér mikla hylli fyrir ósérhlífni við
að skemmta hermönnum í Banda-
ríkjaher hvar sem var í heimin-
um. Hann var um árabil kynnir á
Óskarsverðlaunahátíðinni og þótti
ætíð standa sig frábærlega.
Umsvifamikil framhjáhöld
Almennt var litið á Hope sem
traustan eiginmann og heimilis-
föður sem stigi ekki víxlspor.
Hann skildi við fyrstu eiginkonu
sína árið 1934 og hóf búskap með
Dolores Reade söngkonu, sem var
við hlið hans í 70 ár. Þau ættleiddu
fjögur börn. Hjónabandið var
talið eitt það hamingjusamasta í
Hollywood en í innsta vinahring
Hopes var mönnum fullkunnugt
um umsvifamikil framhjáhöld
hans. Eftirlæti hans voru fegurð-
ardrottningar, sem hann tók iðu-
lega með sér þegar hann skemmti
hermönnum. Hlutverk þeirra var
fyrst og fremst að hafa ofan af
fyrir Hope.
Hope átti einnig í ástarsam-
böndum við fjölmargar leikkonur
en sú sem hann var veikastur fyrir
var Marilyn Maxwell, sem var
aukaleikkona hjá MGM. Hún hafði
áður átt í ástarsambandi við Frank
Sinatra, sem lagði mikla fæð á
Hope vegna sambands hans við
Maxwell. Þegar ástarævintýri
Maxwells og Hopes stóð sem hæst
sagði hún hárgreiðslumanni sín-
um: „Ég myndi giftast Bob og ég
held að hann myndi giftast mér en
ég yrði svo illa liðin í Hollywood
fyrir að stela honum frá Dorothy
og sundra þessari svokölluðu ham-
ingjusömu fjölskyldu að ég held að
einhver myndi drepa mig.“ Eigin-
kona Hopes frétti af sambandinu
og sagði honum að framhjáhöldum
hans yrði að linna. Hún talaði fyrir
daufum eyrum, eins og endranær.
Sambandinu við Maxwell lauk loks
árið 1954 þegar hún giftist rithöf-
undi.
Nakinn innan um
smástelpur
Eitt sinn kom eiginkona Hopes
að honum í rúminu með annarri
konu. Hún reiddist svo að hún reif
sængina af elskendunum. Hope
settist upp í rúminu og sagði:
„Þetta er ekki ég!“
Ein af ástkonum hans var vel
vaxin tvítug sýningarstúlka sem
kynntist Hope þegar hann var
fimmtugur. „Ég vissi ekki einu
sinni að hann væri giftur,“ sagði
hún seinna. „Ég var sveitastelpa.
Ég tilheyrði engu menntamanna-
liði. Reyndar var ég ansi heimsk.
En það sem heillaði mig við hann
var að hann hafði svo frábæran
húmor, þangað til ég komst að því
að þetta var ekki sjálfsprottinn
húmor, hann var með brandara-
höfunda á launum. En hann var
mjög indæll. Enginn var indælli
en Bob.“
Vinkonur dætra Hopes bera
honum ekki vel söguna. Ein þeirra
segir að á táningsaldri hafi nokkr-
ar vinkonur dætranna dvalið á
heimili Hope-fjölskyldunnar. Hún
segir að Hope hafi verið viðbjóðs-
legur innan um ungar stúlkur,
orðljótur og helst minnt á pervert.
Hann átti til að koma allsnakinn
inn í herbergi þar sem þær voru
og ef hann var klæddur var
buxnaklauf hans opin. Hann lét
síðan eins og hann væri þarna fyr-
ir mistök og hefði alls ekki átt von
á stúlkunum í herberginu.
Fjölskylda á njósnum
Einkaritari Hopes til fimmtán
ára segir að hún hafi ekki starfað
lengi fyrir Hope þegar henni varð
ljóst að maðurinn sem Ameríka
elskaði, maðurinn sem sagðist
vera ástríkur eiginmaður og faðir,
var hinn versti saurlífismaður.
Hann kom ástkonum sínum fyrir
á hinum ýmsu stöðum og hluti af
starfi ritarans var að fela þessi
leynilegu kvennabúr fyrir eigin-
konunni og umheiminum. Ein-
hverjum ástkonum fann hann
hlutverk í myndum sínum, aðrar
setti hann á launaskrá og lét draga
kostnað við uppihald þeirra frá
skatti.
Eiginkona Hopes, Dorothy, var
alla tíð heltekin af afbrýðisemi
vegna framhjáhalda manns síns.
Hún réð einkaspæjara til að
njósna um hann og lét þá gefa sér
skýrslur. Fjölskyldumeðlimir
njósnuðu einnig um Hope, þar á
meðal dætur hans tvær. Að sögn
var Hope hálfníræður þegar hann
lét af framhjáhöldum sínum. And-
inn var reiðubúinn en líkaminn
var farinn í verkfall.
kolla@frettabladid.is
BOB HOPE
Með gamanleikkonunni Mörhu Ray í myndinni College Swing. Hope var í áratugi
vinsælasti gamanleikari Bandaríkjanna.
Bob Hope er nýlátinn og á næstu mánuðum kemur út bók sem
gefur dökka mynd af þessum ástsæla gamanleikara:
Skuggahliðin
á Bob Hope
MEÐ JANE RUSSELL
Hope var óseðjandi kvennamaður sem hefur varla sett sig upp á móti því að fá kyntáknið
Jane Russell sem mótleikara í The Paleface, sem varð ein vinsælasta mynd hans.