Fréttablaðið - 05.09.2007, Blaðsíða 22

Fátt er fegurra en sofandi barn
með hreinan, friðsælan svip og
indæl sú tilfinning að sefa það
með róandi vögguvísu.
Þetta veit leikskólakennarinn og
söngkonan Kristjana Helga Thor-
arensen, eða Kiddý Thor eins og
hún kallast líka. Kiddý gaf nýver-
ið út hinn yndislega geisladisk
Sofðu, sofðu þar sem hún syngur
sinni töfrandi röddu rammíslensk-
ar vögguvísur.
„Mig langaði að gera þennan
disk vegna þess að mér fannst
alveg vanta rólega tónlist fyrir
lítil börn. Í starfi mínu sem leik-
skólastjóri komst ég að því að eng-
inn diskur var til með íslenskum
vögguvísum til að leyfa börnum
að njóta í hvíldartímanum. Ef tón-
listin var íslensk var hún alltaf
blönduð hressum lögum sem pöss-
uðu illa í rólegheitin og því var
bara um erlenda eða klassíska tón-
list að ræða,“ segir Kiddý. Hún
valdi eingöngu vögguvísur eftir
íslenska laga- og textahöfunda á
Sofðu, sofðu, en lögin eru öll útsett
af Vilhjálmi Guðjónssyni, sem
einnig leikur undir á gítar, hörpu,
orgel og klukkuspil.
„Ég var búin að ganga með
Sofðu, sofðu í maganum lengi en
sá svo í disknum einstakt tæki-
færi til að varð-
veita þennan
tónlistararf sem
mörgum er
gleymdur eða í
óðaönn að
gleymast.
Íslensk börn
þekkja ekki
lengur gömlu
íslensku vöggu-
vísurnar sem
áður fylgdu
þeim svo fal-
lega inn í
svefninn.
Diskurinn var
upphaflega hugsaður fyrir börn
en nú segi ég hann henta börnum á
öllum aldri því margir fullorðnir
segjast slaka á við að hlusta á hann
af því að lögin séu þau sömu hug-
ljúfu og mamma söng fyrir þá í
æsku,“ segir Kiddý sem fengið
hefur frábærar viðtökur við Sofðu,
sofðu.
„Ánægðir foreldrar senda mér
bréf og segja börnin liggja sæl á
meðan þau hlusta og sofna, og í
leikskólum virkar diskurinn eins
og draumur í hvíldartímanum,“
segir Kiddý sem nam söng
í Söngskóla
Reykjavíkur og
hefur sungið
djass með Árna
Ísleifs, ýmsa
kirkjulega tónlist
og með kórum.
„Það er aldrei að
vita nema ég geri
fleira barnvænt í
framtíðinni. Það er
aðeins of mikið
stuð í því sem gert
er fyrir börn og
þarf að kenna þeim
að slaka á, rétt eins
og okkur fullorðna fólkinu í asa
nútímans.“
Sofðu, sofðu fæst í Skífunni, 12
Tónum, Kirkjuhúsinu, Pennanum
Eymundsson, og á heimasíðunni
www.kisamin.is, þar sem einnig
má finna hljóðdæmi úr íslenskum
vögguvísum.
Angurvær tónlist í
draumalandi barna
Hringdu í síma
ef blaðið berst ekki