Fréttablaðið - 22.10.2008, Blaðsíða 22
22. OKTÓBER 2008 MIÐVIKUDAGUR2 ● fréttablaðið ● jólahlaðborð
„Við Daddi Diskó verðum með dagskrá þar sem við bjóðum fólk
velkomið, förum yfir matseðilinn og verðum svo með grín inni á
milli. Við reiknum með að það verði aðallega vinnustaðahópar sem
sækja þetta hlaðborð, þannig að við verðum með smá uppá kom-
ur sem tengjast þeim. En aðallega snýst þetta um að skemmta
fólki og hafa gaman,“ segir Sigríður
Beinteinsdóttir söngkona, sem hefur
ásamt plötusnúðnum vinsæla Dadda
Diskó tekið að sér veislustjórn á jóla-
hlaðborði Hilton Reykjavík Nordica-
hótelsins við Suðurlandsbraut.
Sigríður hefur áður skemmt á
jólahlaðborðum, en segist þó ekki
hafa tekið að sér eiginlega veislu-
stjórnun fyrr. Tónlist leikur að sjálf-
sögðu stóran þátt í skemmtidagskrá
þeirra Sigríðar og Dadda; þannig
kemur Sigríður til með að syngja
jólalög fyrir gesti meðan á borðhaldi
stendur og eftir að því er lokið tekur
Daddi til við að þeyta skífum, vænt-
anlega við mikinn fögnuð þeirra sem
vilja sletta úr klaufunum. „Ég verð
með píanóleikara með mér og get
jafnvel tekið við óskalögum úr sal.
Daddi er svo þekktur fyrir diskótekin sín, þannig að þeir sem vilja
dansa fá líka eitthvað fyrir sinn snúð. Markmið okkar er í raun
bara að bjóða fólki upp á skemmtilega stund þar sem það getur
skilið áhyggjurnar við sig og notið lífsins,“ segir Sigríður. - vþ
Gamanmál og tónlist
Jólahlaðborðin eru á næsta
leiti og þegar er byrjað að taka
við pöntunum. Í Perlunni hefst
jólahlaðborð 20. nóvember.
„Laugar- og sunnudagarnir eru
nánast að verða upppantaðir hjá
okkur. Gestir halda oft sínu borði,
biðja bara um sama borð að ári til
að þurfa ekki að standa í að panta
síðar,“ segir Elmar Kristjánsson,
yfirmatreiðslumaður Perlunnar.
Jólahlaðborðið mun verða með
hefðbundnu sniði í ár. Kvöldið
byrjar á villigæsasúpu sem borin
er á borð og eftir hana fara gestir á
hlaðborðin. Þau eru þrjú, kalt for-
réttahlaðborð, heitir aðalréttir og
svo eftirréttahlaðborð. „Við bjóð-
um upp á þetta hefðbundna: ham-
borgarhrygg, purusteik og dádýr í
heitu réttunum og við erum einnig
með hreindýrabollur, kalkúnalæri
og sykurbrúnaðar kartöflur. Kald-
ir réttir eru síld og silungur, gæs,
roastbeef og skelfiskur og ýmist
meðlæti svo eitthvað sé nefnt. Á
eftirréttaborðinu má nefna Perlu-
bombu, piparkökur, rúllutertur og
karamellukökur og einnig erum
við með ítalskan ís sem við búum
til hér á staðnum.“
Elmar segir Perluna leggja
áherslu á íslenskt hráefni á hlað-
borðið. Ísinn er ekki bara gerður á
staðnum heldur er sultað úr berj-
um, frauð lagað úr andalifrum og
fleira. „Þetta erum við kokkarn-
ir nú alltaf meðvitaðir um í elda-
mennskunni, að kaupa íslenskt og
fara vel með villibráðina. Engu
er hent. Veiðimennirnir eru orðn-
ir mjög meðvitaðir um að ganga
vel frá bráðinni og pakka öllu og
úr besta sláturhúsi. Það hefur mér
fundist eftirtektarvert síðustu tvö
ár og gaman að geta sagt frá því.“
Elmar segir mikið af fjöl-
skyldufólki koma á jólahlaðborð-
ið og árlega er sett upp jólatré á
fyrstu hæðinni sem gleður jafnan
minnstu gestina. Jólahlaðborðið
er tækifæri fyrir fjölskylduna að
gleðjast saman yfir góðum mat.
- rat
Jólaperla í mat og drykk
Elmar Kristjánsson segir matreiðslumenn Perlunnar leggja áherslu á íslenskt hráefni. FRÉTTABLAÐIÐ/VALLI
Perlan verður fallega lýst þegar líður að
jólum. FRÉTTABLAÐIÐ/VILHELM
Jólahlaðborð Perlunnar dregur til sín fastagesti ár eftir ár sem biðja um sama borð
að ári. MYND/ÞORLÁKUR
Örn Garðarsson matreiðslumaður rekur veisluþjónustuna Soho í
Reykjanesbæ. Hann er ekki ókunnugur jólahlaðborðunum en hann
lærði á sínum tíma hjá Brauðbæ sem byrjaði með jólahlaðborðin
snemma á níunda áratugnum. Í ár býður Örn upp á jólahlaðborðið
heim í stofu og er þegar búinn að fá talsvert af pöntunum.
„Ég opnaði þetta eldhús í sumar en hef í langan tíma verið með
jólahlaðborð úti um víðan völl. Í ár verð ég eingöngu með heima-
hús, pantanirnar streyma inn
og það er mikið að gera.“
Í boði hjá Erni eru þrjár
samsetningar af jólahlað-
borði. Hlaðborð númer 1 er
hefðbundið jólahlaðborð með
kryddsíld og villibráðarpaté
meðal forrétta. Í aðalrétt er
til dæmis dádýr, purusteik og
hangikjöt. Hlaðborð númer
2 er svokallað smáréttaborð
eða tapas-veisla með hun-
angsgröfnum laxi meðal forrétta. Grillaðan túnfisk, danska lifrar-
kæfu og parmaskinku er svo að finna meðal aðalrétta. Þriðja hlað-
borðið er svo léttari útgáfa af því hefðbundna. Örn segir tapas-
hlaðborðið mjög vinsælt.
„Tapas-jólahlaðborðspakkinn inniheldur ofboðslega marga rétti
og er miðaður við standandi borðhald. Það er tilvalið þar sem ekki
er mikið pláss. Mér finnst alltaf skemmtileg stemning við að und-
irbúa jólahlaðborðin og reyki allt sjálfur og bý til patéin. Ég veit
hvað gestirnir vilja, er eingöngu í þessu og reyni að sinna því vel.“
Nánar má lesa um jólahlaðborðin á vefsíðunni www.soho.is. - rat
Jólahlaðborðið heim
Tapas-veisla eða jólasmáréttahlaðborð
frá Soho er vinsælt í heimahús.
Sigríður Beinteinsdóttir verður,
ásamt Dadda Diskó, veislustjóri
á jólahlaðborði Hilton Reykjavík
Nordica-hótelsins.
FRÉTTABLAÐIÐ/ARNÞÓR
Verð fyrir kvöldverð 6.500 kr. og hádegi 4.600 kr.