Tíminn - 04.06.1987, Blaðsíða 5

Fimmtudagur 4. júní 1987
Tíminn 5
Friðrik Sophusson varaformaður Sjálfstæðisflokksins:
Rætt um landsfund til
að skipta um forystu
- en talið óskynsamlegt þar sem sl íkt myndi veikja flokkinn í sjórnarmyndunarviðræðum
xs
4

BLAD SJÁLFSTÆÐISMANNA ( KÓPAVOGI
6. tbl. mal 1987 — 36. ðrg.
Friörik Sophusson á fundi í Kópavogi:
ÍH Tilbúnir að boða til lands-
fundar hvenaer sem er
og spyrja hvort ástæöa sé til aö skipta um forystumenn
I „Formaður (lokktins sr
| auðviUð tilbúinn til þess
Ihvenaer sem er að boða til
Landslundar og spyrja
Landslund að þvi hvort
astaeða sé til þass að
Iskipta um lormann og
sömulaiðls varalormann'.
sagði Fnörik Sophusson é
tlúlmennum tundi Sjilf-
I slaaðislélaganna i Kðpa-
sljommalum. helði »
ukk s.iuhi I iVU.S ,„S |
NANAR UM FUNDINN A BLS. 5
Friðrik Sophusson segir í
Vogum, blaði sjálfstæðismanna í
Kópavogi að til tals hafi komið í
forystu Sjálfstæðisflokksins hvort
ekki væri rétt að boða til landsfund-
ar til þess að skipta um formann og
varaformann í flokknum. Síðan er
haft eftir varaformanninum: „Eftir
að hafa rætt þetta þá varð niður-
staðan sú að það væri óskynsamlegt
að opna þetta mál á meðan að
stjórnarmyndun, sem er síðari
hálfleikur í þessum kaflaskiptum í
íslenskum stjórnmálum, hefði ekki
farið fram. Það myndi veikja
flokkinn. “ Jafnframt segir Friðrik í
blaðinu að full ástæða sé til að taka
Borgaraflokkinn alvarlega og Sjálf-
stæðisflokkurinn megi ekki útiloka
samstarf við hann. „En við megum
heldur ekki taka upp samstarf við
hann bara vegna þess að þarna séu
einhverjir vinir okkar og kunningj-
ar,“ segir Friðrik í Vogum.
Blað sjálfstæðismanna í Kópa-
vogi er raunar sneisafullt af nafla-
skoðun og tilraunum til skýringa á
óhagstæðri útkomu Sjálfstæðis-
flokksins í kosningunum. Mikil
undiralda óánægju virðist ríkja
meðal gróinna flokksmanna með
forystu flokksins og kemur þetta
fram í hverri breiðsíðugreininni á
fætur annarri í blaðinu.
„Pólitísk skammsýni"
Meðal megin ástæðna fyrir
slæmu gengi Sjálfstæðisflokksins í
síðustu kosningum voru: „Pólitísk
skammsýni, klaufaskapur og mis-
tök síðustu mánuði fyrir kosningar.
Dæmi: Virðisaukaskattsfrumvarp-
ið, Borgarspítalamálið, fræðslu-
stjóramálið, námslánamálið, halla-
rekstur ríkissjóðs, Kádiljákur Dav-
íðs og síðast en ekki síst meðhöndl-
un skattamáls Alberts Guðmunds-
sonar". Þetta er niðurstaða Jóns
Magnússonar, lögmanns og fyrr-
verandi varaþingmanns Sjálf-
stæðisflokksins og sprautu í flokks-
starfi Sjálfstæðisflokksins til
margra ára í grein sem hann skrifar
í blaðið. Lögmaðurinn segir að
þessi niðurstaða liggi í augum uppi,
aðeins ef menn vilji horfast í augu
við staðreyndir. Þá segir Jón það
einnig hafa stuðlað að óförum
Sjálfstæðisflokksins í kosningun-
um að „nokkrir forystumenn
flokksins leiddu kosningabarátt-
una hjá sér þegar mest á reið að
enginn lægi á liði sínu". Mun lög-
fræðingurinn hér einkum vera að
sneiða að borgarstjóranum í
Reykjavík sem var erlendis mestan
þann tíma sem baráttan stóð yfir.
Niðurstaða Jóns er sú að breytinga
sé þörf í flokknum: „Félögin og
flokksstofnanir verði virkjaðar til
starfs, umræðu og stefnumótunar
með þeim hætti að öllum verði ljóst
að Sjálfstæðisflokkurinn ætlar ekki
að starfa undir forystu lokaðrar
klíku, sem öllu ræður.“
„Valhallarvandinn“
f blaði þeirra sjálfstæðismanna í
Kópavogi kemur gagnrýnin fram
frá fleiri aðilunt. Meðal þeirra sem
þar kveða sér hljóðs er Richard
Björgvinsson, oddviti sjálfstæðis-
manna í bæjarstjórn Kópavogs.
Richard telur menn fara yfir bæjar-
lækinn til að sækja vatn með því að
leita skýringa á ófarnaði flokksins í
kosningunum í stofnun Borgara-
flokksins. Bendir hann á að ginn-
ungagap sé milli forystu flokksins,
ráðherra og þingflokks annars veg-
ar og svo hins almenna flokks-
manns, flokksfélaga og sveitar-
stjórna Itins vegar. Þessi oddviti
sjálfstæðismanna segir ástandið
svo slæmt að þeir vita ekki lengur í
hvaða eða hvers konar flokki þeir í
raun eru. „Þeir vita jú, að hann
heitir Sjálfstæðisflokkur, þeir vita
hvernig hann var, en þeir vita ekki
lengur hvernig hann er í raun á
landsvísu,“ segir bæjarfulltrúinn.
Hann segir jafnframt hafa komið
greinilega í ljós að jarðvegurinn
var ótrúlega frjór fyrir klofning. „í
kosningabaráttunni urðu menn
mjög varir við það sem ég vil kalla
djúpstæða óánægju með forystu
flokksins meðal flokksmanna og
þeirra, sem venjulega fylgja
flokknum að málum,“ segir Ric-
hard Björgvinsson í grein sinni.
-BG
tilefni af 50
Hátíðarfundur stjórnar Flugleiða á Akureyri í gær
ára afmæli atvinnuflugs á Islandi:
Flugleiðir kaupa tvær
Boeing 737-400 vélar
Einnig hefur verið samið um kauprétt á tveimur vélum til
viðbótar ef áhugi verður síðar
Hátíðarstjórnarfundur Flug-
leiða var haldinn á Akureyri í gær,
í tilefni af 50 ára afmæli samfellds
atvinnuflugs á íslandi. Við þetta
tækifæri var tilkynnt um kaup Flug-
leiða á nýjum vélakosti. Undirrit-
aður var samningur við Boeing
verksmiðjurnar um kaup á tveimur
vélum af gerðinni 737-400. Einnig
tryggðu Flugleiðir sér kauprétt á
tveimur vélum til viðbótar. Verða
vélarnar tvær afhentar vorið 1989.
Áætlaður afhendingartími fyrir
vélarnar tvær sem tryggður var
kaupréttur á, er mars 1991.
Fjölmargir kostir voru kannaðir
áður en endanleg ákvörðun var
tekin um kaupin. Frá áramótum
hafa fulltrúar framleiðenda á flug-
vélum og hreyflum heimsótt Flug-
leiðir 25 sinnum, og lagt fram
ítarlegar upplýsingar og útreikn-
inga. Niðurstöður útreikninga
Flugleiða mæltu eindregið með
Boeing vélunum sem bjóða upp á
lægsta flugrekstrarkostnaðinn og
jafnframt hagstæðustu fjárfesting-
arkjörin.
Brúttóverðmæti tveggja slíkra
véla er, með varahreyfli, varahlut-
um, tækjum, þjálfun starfsmanna
og öllu tilheyrandi, um 2,7 millj-
arðar. Þegar hafa ýmsir erlendir
bankar haft samband við Flugleiðir
og lýst áhuga sínum á langtíma
fjármögnun þessara flugvéla-
kaupa. Gert er ráð fyrir að gerð
endanlegs kaupsamnings við Boe-
ing, svo og ákvörðun um tæknilýs-
ingu vélanna, verði lokið í júlí
mánuði. Flugleiðir verða með
fyrstu félögunum sem fá afhentar
vélar af þessari gerð, eða í mars
1989. Búistervið aðfyrstu vélarnar
komi fram í apríl á sama ári.
Fjöldi gesta var á hátíðarfundi
stjórnar Flugleiða á Akureyri í
gær. Sigurður Helgason stjórnar-
formaður Flugleiða flutti ræðu þar
sem hann kom víða við. Rakti
hann sögu atvinnuflugs á íslandi og
minntist á frumkvöðla á því sviði.
Greindi Sigurður frá aðdragandan-
um að stofnun Flugfélags Akureyr-
ar, en það var formlega stofnað 3.
júní 1937. Keypt var fimm sæta
Waco vél, TF-Örn. Fyrsta flug
hennar var frá Reykjavík til Akur-
eyrar 2. maí 1938. Flugmaður var
enginn annar en Agnar Kofoed
Hansen.
Fleiri tóku til máls. Borge Bo-
eskov framkvæmdastjóri Evrópu-
söludeildar Boeing flutti árnaðar-
óskir til Flugleiða frá Boeing verk-
smiðjunum.
Loks má geta þess að stjórn
Flugleiða hefur ákveðið að færa
Akureyri að gjöf útilistaverk, sem
komið verði fyrir á stað, sem
bæjarstjórn Akureyrar tilgreinir.
Verður efnt til samkeppni meðal
íslenskra myndlistarmanna um
gerð slíks listaverks. -ES

Fyrsta vél Flugfélags Akureyrar.
Svona lítur hún út Boeing 737-400. Flugleiðir mun taka tvær slíkar í notkun árið 1989.